Jonás 2:6 - Kuna San Blas

⁶ Bela-bela demar-napa-ulubse an megdapid. ¡Bato an napa-ulubgi-mellesigua, gwen bar noed an itossulid! Degi-inigwele, be an-Bab-Dummad-Jehová-gued, an gulluba-mellesiidgi be an-onononikid.

Jonás 2:6 Iomraidhean Croise

Job 33:24

We-baliwitur wile-dule-dakedbali, Bab-Dummadse weyob wilesakwaa egisdesunnad: ‘Bab-Dummadye, we-dule mer napa-urba-megega be imakye. Ar we-dulega ollor-gued-igar maiye.’

Job 33:28

Ar Bab-Dummad burgwedgi nue-an-bendaknonisoggua, emisgindi, an dula-gudiidi, an nabir neg-itodisunnad.’ ”

Salmo 104:6

Napanegga e-mor-dummad-naiyobi, muu-billi egi be nasiksad. Diimala, yalamar-birise nagusad.

Salmo 104:8

Diimala, yalamar-birise engusad, nebagansega diimala ilisbalid. Bia be ega neg-amisa, agi be diimala oambikusbalid.

Salmo 116:3

Burgwed-igar nue an-ebiris nagusad. Burgwarmalad-meged-galu anbina nue-itos naid. Degidbali, surbinsa an itoded, gwage-nunmak an itonaded.

Salmo 143:7

Bab-Jehová, gwae be an-abinsae, ar an geg-sagusad. Be-wagar mer be angi odukue, ar degiile, dule-napa-yaba-digarmaidyobi, an guoed.

Salmo 16:10

Gwen be an-san-burba neg-uangi oyogsaosulid, ar be-mai-gwage-swilidikid-e-mui gwen neg-uangi onunsaega be imakosulid.

Salmo 18:5

Bato an gachiyala megis-itoged, gwillo angi-biles-maiyob an itoged, gwen bar san-onoged an itosulid. Burgwed-igar, an-idu saki-milesnaiyob naid.

Salmo 30:3

Bab-Jehová, an burgwedani-maigu, be an-bendaknonikid. Burba-dulad be anga uksad. Mer burgwarmalad-abargi-megega, be gannar an-ogwisgusad.

Salmo 30:9

Ar an burgwisale, ¿ibu-ibmar-nued egi amilegoe? An neg-uanse diglenader, ¿ibu-ibmar-nued egi amilegoe? ¿Ar dule-burgwaledde be-nug odummogoe? ¿Ar dule-burgwaledde be-igar-innikigwad barsogoe?

Salmo 55:23

Bab-Dummad, bedi dule-isganamar oburgoed, napa-gullu-yaa be barmetoed. Dule-ablis-eodimaladi, dule-emar-yardakdimaladi, undar-dikasur dula-gudii guosurmalad. Ar andi begi bensulid.

Salmo 65:6

Bab-Dummad, bee, be-ganguedgi yalamar be nasiksad, agi be-gangued be oyomaid.

Salmo 69:2

Olli-mata-yaagi an dogmaid, gwisguega annaed an sated. Dii-wilasailad-abargi an naid, e-dukeba an selemaid.

Isaías 38:10

“An weyob sogmai gusad: ‘¿An nabir-gudiid-ibagangi nue-an-burgwesunnode? ¿Burgwed-galuse an megnaedgadsunde? ¿Bar an wegi daklegosuli gusunnode?’

Isaías 38:17

An suli-suli-itosad, emidi, an bogidik itoged. Be an-sabedbali yaa-dummad-dule-obelogedgi be an-bendaksad, begi isgussuliyob be an-daksad.

Isaías 40:12

¿Doa dii-naid e-argangi wilubsasa? ¿Doa mogir-naid e-goomargi wilub-imaksa? ¿Doa ibmar-wilubsaedgi ukub-naid urbisa? ¿Doa ibmar-wilubsaedgi yar-dummagan wilubsasa? ¿Doa ibmar-wilubsaedgi yar-mullugana wilub-imaksa?

Ezequiel 26:20

Nega-uluba dulemar-odoledamaladba an be-odomogoed. Dulemar-dikasurgus-burgwismalad-mamaidgi, dulemar napa-gulluyaba-odolesmamaidgi an be-omesoed. Bar bemar egi bukuosulid. Degi, bar bemar egi gannar negmar urbosulid.

Ezequiel 31:14

Weyob guoed, adi, diwar-dikarba sapimar-gwigwichid mer bar matusur dunguega, degi, amba sapimar-diigi-ise-oglegar-gwigwichid mer bar e-duku mogirse-moega, deyob guoed. Bela burgwemaloed, bela napa-yaba dogmaloed, degi, dulemar-napa-urba bato burgwar-mamaidse megdapmaloed.”

Habacuc 3:10

Yarmar-bubukwad be-dakdedba wawanmakdemalad. Mogirmala, diidar-dummad owinonikid, muu-billi binnasuli uurmakded, demar-mullugana dunguded.

Habacuc 3:6

Bab-Dummad gwisgunonikile, napaneg giglimakde daed. Dulemar-yar-baid-baidgi-bukwad-dakdele, dulemar wawanmakde daed. Bela yar-dummagan-dikasurgus-bubukwad malud daed, yar-senigana-sergan-bubukwad babatid daed, ar Bab-Dummad-igardi degisadeguad.

Mateo 16:18

Ani an bega sogsun: Be, Pedroʼd. We-akwa-birgi anba-nanaimalad an omelomai an imakoed. Burgwedi gwen egi obinosulid.

Deuteronomio 32:22

Ar bela-belagwad sae-sae-ito an-imaksamalad, an-urwedi soo-ginnitibi-siiyobid. An-urwedi, nega-uluse warmaked. Bela napaneggi-ibmar-sanmakmalad ese gummakoed. Bela-bela yar-e-sailamar ese gummakoed.