Jonás 2:2 - Kuna San Blas

² Ega sogded: “An dummad-wilenaidgi, an bese gochad. An bese gochagua, be an-itononikid. Bato an burgwarmalad-neg-gullugi-mai an gochad. Agi, Bab-Jehová be an-bendaknonikid.

Jonás 2:2 Iomraidhean Croise

2 Crónicas 33:12

Degi-inigwele, Manasés wile na itodgua, Bab-Jehováʼse sabsur-apor goted, degi, e-dadgan-e-Bab-Dummad-asabin bela-bela na san-bipii imaksad.

Salmo 116:3

Burgwed-igar nue an-ebiris nagusad. Burgwarmalad-meged-galu anbina nue-itos naid. Degidbali, surbinsa an itoded, gwage-nunmak an itonaded.

Salmo 120:1

Bab-Jehováʼse an surbinsa-itogedgi gochad, Bab-Jehová an-abin-imaksad.

Salmo 16:10

Gwen be an-san-burba neg-uangi oyogsaosulid, ar be-mai-gwage-swilidikid-e-mui gwen neg-uangi onunsaega be imakosulid.

Salmo 22:24

Bab-Jehová, dule-wileged-e-naibi-itodiid baisur-daksulid, wagar-biria daksulid. We-dule-ese-gollalile, abin-imaked.

Salmo 34:6

Ani, an dule-wileged, an Bab-Jehováʼse-gochagu, an-itononikid, agine, bela bonigangi an-ollor-imaknonikid.

Salmo 4:1

Bab-Dummad, igar-bulegan-idu be an-irwa-gwisguedid. An bese gotele, bitigi be an-itosana gadin. Bab-Dummadye, an suli-suli itoged, wis be an-bendake. Wile be an-dake. An bese-goled be an-itoge.

Salmo 61:2

An-yargi yeer-bangu an gudiidba, surbinsa-an-itogedba, an bese goled. Akwasaila-matusulidse be an-sede.

Salmo 65:2

Bab-Dummad, dule-bese-goled be itodaed, degisoggu, bese bela dulemar nonimaloed.

Salmo 86:13

Ar bela-belad be an-sabed, degisoggu, burgwega be an-imaksasulid.

Isaías 14:9

Be-ibmar-imaksad-ular, neg-urba burgwarmalad-galu bebina itosmaid, be-abindakagwar maid. Be-ibmar-imaksad-ular, dule-burgwarmalad odaklealid. Amala dule-dummaganga megismaladid. Ar bela reymar-yar-bamaladgi-megisgusmaladi be-abin ainidagega, e-ologanagi-bubukwadgi ogwislealid.

Lamentaciones 3:55

Bab-Jehová, an dia-dummadgi gulluyaa mellesigua, an bese gochagusad.

Ezequiel 26:20

Nega-uluba dulemar-odoledamaladba an be-odomogoed. Dulemar-dikasurgus-burgwismalad-mamaidgi, dulemar napa-gulluyaba-odolesmamaidgi an be-omesoed. Bar bemar egi bukuosulid. Degi, bar bemar egi gannar negmar urbosulid.

Ezequiel 31:14

Weyob guoed, adi, diwar-dikarba sapimar-gwigwichid mer bar matusur dunguega, degi, amba sapimar-diigi-ise-oglegar-gwigwichid mer bar e-duku mogirse-moega, deyob guoed. Bela burgwemaloed, bela napa-yaba dogmaloed, degi, dulemar-napa-urba bato burgwar-mamaidse megdapmaloed.”

Mateo 12:40

”Ar igi Jonás ua-dummad-saban-yaba ibapaa ibginedba, degi, mutikidba megisa, ayobi, ani Dule-Machi, napa-urba ibapaa ibginedba, degi, mutikidba megmogoed.

Lucas 11:10

”Ar bela dulemar-ibmar-egismaladi, ibmar abingamalad. Bab-Dummadgi-ibmar-amimaladi, ibmar amimalad. Degi, Bab-Dummadse gatik golele, ega yawagak egaleged.

Lucas 22:44

Ar Jesús bela-bela nue-surbinsa-itogusgu, bur bule Bab-Dummadse gorsigisad. E-wimakedi abeyob napase dedemaknai gusad.

Gusmalad 2:27

Gwen be an-san-burba neg-uangi oyogsaosulid. Ar be-mai-gwage-swilidikid-e-mui gwen neg-uangi onunsaega be imakosulid

Hebreos 5:7

Cristo we-napneggi-gudigusgu, Bab-Dummad-nabir-burgwedgi-e-ollor-imakedse ibyanis-abalagi ise-wilegar binnasuli-gordii gusad. Bab-Dummad we-Cristo-ese-binnasur-gochad itosad. Ar Bab-Dummad, Cristo eba-nue-uaya-nika-nanadigusadba itosad.

1 Samuel 1:16

Mer ome-isganayob be an-dake. An-wile-itoged-ular, undar-suitisaar Bab-Jehováʼse an gorsii gusad.

1 Samuel 30:6

David dobe-itoded, ar e-sordamar akwagi David-maked sokarmalad. Ar ade, e-sordamar, e-machimala gales-selesad-ular, e-bunamala gales-selesad-ular, bela sae-itodmalad. Degi-inigwele, David e-Bab-Dummad-Jehováʼgi bensulidba nig-ganguded.