Jonás 1:5 - Kuna San Blas

⁵ Ur-selamar bela-bela gwayidmalad, geb, neg-isgued-wis-bargaegala, war-wargwen na e-bab-dummad-e-bab-dummadse gotemalad. Deginbali, selamar ur ukuu imakegala, ur-yagi-ibmar-bukwadi demarse midmalad. Jonásʼdina, ur-sukun-yaba-aides megisad. Agi, ise-nue-gabar megisad.

Jonás 1:5 Iomraidhean Croise

1 Reyes 18:26

Bab-dummad-Baal-gayaburba-barsogmalad moli-ega-uklesadi, oburgwismalad, geb goa-goa imaksamalad. E-bab-dummad-Baalʼse wakdaradba, yorukudse gornanai guarmalad. Amarde binnasuli weyob gornanaid: —¡Baalʼye, be anmarga soo ogaye! Aginbali, ibmar-ogumakleged-aila-dikarba gwirnanai guarmarbalid. Degite, e-bab-dummad-Baal-gaya itolessulid, gwen ega soo ogassurbalid.

Job 2:4

Nia-saila-Satanás, Bab-Jehová-abin sogdebalid: —Ar dule e-san-bendakegala, na e-ibmar-nikad bela ukdaed.

Salmo 107:25

Bab-Dummad e-sunmakedba burwa binnasur ogochad, demardi bela-bela dunguded.

Salmo 148:8

Mala-ibyemalad, dii-gwamakarmalad, Bab-Jehová-nug odummomar. Boo-gwamakaled, boo-batemalad, Bab-Jehová-nug odummomar. Burwa-dummagan-be-sogedba-ibmar-imakedi, Bab-Jehová-nug odummomar.

Eclesiastés 3:6

Ibmar-imaklebienad-e-iba nikad, ibmar-imaklebisulid-e-iba nikabalid. Ibmar-saboleged-e-iba nikad, ibmar-mileged-e-iba nikabalid.

Isaías 45:20

Bab-Jehová sogbalid: “Dule-yar-baid-baidginmalad bemar-wakindimalad be atomar, be anse dagmar. Akusunna-ibmar-itomaladi, ibmar-sobarmalad-bab-dummadyob-imakleged sedimalad. Degine, bab-dummagan-gwen-e-abonogosulidse gordimalad.

Jeremías 2:28

Emide, Judá-dulemar, ¿bia be-bab-dummagan-sobsamalad nadsunna? Neggweburmar-merguedyob bemar bab-dummagan nikamalad. Amarga be soge, bemar-bendakye, adi, be dakmaloed, bule we-bab-dummagan boni-dummagangi bemar-bendakmalodibe.

Oseas 7:14

Anse innikigwadgi gorsurmalad, unnila, e-gasgi bomamaidamalad. Ibmar-gwag-nikuegala, vino-binid-nikuegala, na dukin esgi san-wionanaidamarbalid. Degi, angi aibitedamarbalid.

Jonás 1:14

Geb degine, selamar Bab-Jehováʼse binnasur gotemalad, ega sogdemalad: “Bab-Jehováʼye, melle be we-dule-ular anmar-oburgwe. Ar we-dule ibmar-oakalossulile, melle e-burgoed, anmargi be nasiko. Bab-Jehová, ar bedi na ibmar-imakbiedba be imakmaid.”

Jonás 1:16

Selamar bela deyob daksamargua, Bab-Jehová-dobee-ito-nadmalad. Geb Bab-Jehováʼga ibmar-ogumakar uksamalad, deginbali, ise-sogar na weyob sognanai-guarmalad: “Bab-Jehová-sogedba anmar gudii-guoye, deyob anmar imakergebye.”

Jonás 1:6

Agine, ur-seed Jonás-gabmaidse nonikid, geb ega sogded: —Ar bedi, ¿ibu be samai weyob be gabmaigu? ¡Gwisgue! ¡Be-Bab-Dummadse be gole! Ar abakale, be-Bab-Dummad wile anmar-dakalile, nabir anmar-bendakalile, adi, anmar burgosulid.

Mateo 25:5

Ar suiga-guoed amba yoggudsoggu, bela yagana gabed-itoarmargu, gabidmarsunnad.

Mateo 26:43

Jesús Bab-Dummadse-gorsiid bergusgu, gannar e-sapinganse-nonibargu, gabmamai daknonikid. Ar gabed nue egi obin itomalad.

Mateo 26:45

Geb degi, Jesús e-sapinganse gannar nonikid, ega sognonikid: “¿Amba be gabmamaide? ¿Amba be obunnomamaide? Emigindi, wachidi omossun. Ani Dule-Machi, an-oburgwemalaga, dulemar-isgudidimaladse darba uklesokarsun.

Gusmalad 27:38

Bela nue-immeles-mas-guchamalad-sorba, madubur-bukwad demarse mismalad, adi, wis ur ukuu saegar.

Jueces 16:19

Degine, Dalila e-nuku-birgi Sansón-gabega-imaksad. Agine, Dalila dulese-gochad, adi, Sansón-e-sailagia-giagugle-sobarmalad (7) immiegar. Degidba, Sansónʼgi e-gangued bangudgu, Dalila sabsur-Sansón-imakded.

1 Samuel 24:3

Saúl nadapidgi, sibad-wawaad-galu-siidse mosad, a-dikarba ibe-dummad-ollor siid. Saúl na akunaega ibe-dummad-ollor-siid-yaba dogsad. David, e-sordaganmala, a-ibe-dummadyaba dukubukmalad.