Jonás 1:4 - Kuna San Blas

⁴ Agine, Bab-Jehová mataba burwa binnasur-golega imaksad. Geb degidbali, demar bela-bela dunguded, degisoggu, ur mared-naga-gualid.

Jonás 1:4 Iomraidhean Croise

Salmo 135:6

Bab-Jehová bela nibneggi, napneggi, muu-billigangi, degi, muu-billigan-wila-dummagangi e-ibmar-abeged imaked.

Salmo 135:7

Bab-Jehová neg-oagnakwiardaed, dii-owiegala mar-odakarmakardaed, burwa e-galugi-bukwadgi barmiardaed.

Salmo 148:8

Mala-ibyemalad, dii-gwamakarmalad, Bab-Jehová-nug odummomar. Boo-gwamakaled, boo-batemalad, Bab-Jehová-nug odummomar. Burwa-dummagan-be-sogedba-ibmar-imakedi, Bab-Jehová-nug odummomar.

Éxodo 10:13

Moisés Egipto-yar-naidgi e-argan-oyodgua, Bab-Jehová dad-nakwedsik Egipto-yargi-burwa-golega imaksad. Burwa ibgi-gormai osedosad, degine, mutik-gormai oiboarbalid. Oiboargu, burwa-dad-nakwedsik-gochadi, sesmar-senonikid.

Éxodo 10:19

Geb, Bab-Jehová burwa-gormaid obilisad. Burwa dad-argwanedsik binnasur-golega imaksad. A-burwa bela sesmar-sesad, Demar-Ginnidye-nugadse obatedapid. Ses Egipto-yargi gwagwensaale gwen bessulid.

Éxodo 14:21

Degine, geb Moisés e-argan demarse oyoded. Geb agine, Bab-Jehová dad-nakwedsik burwa-binnasur ogochad. A-burwa degi-gormai oiboalid. Weyobi, a-burwa demar negabar-egaega imaksad. Deyob, Bab-Jehová, demar-abargi neg odinnosad.

Éxodo 15:10

Bab-Jehová, ar be burwa-ogochadba, be demarse-dolegega imaksad. Gingwayobi dii-gandikidba-nukamakmaidgi dogdemalad.

Jeremías 51:16

Bab-Dummad binnasur-sunmakedbali, nibneggi diimar-uurmakega imakdaed, magatibali, mogir-ainakwega imakdaed. Mala-ibyed-abalagi, dii-owiardaed, burwa-galumargi, burwa-oniardaed.

Amós 4:13

Dule-yarmar-nasiksadi, burwamar-obinnisadi, dulemarga-ibmar-guoed-sogedi, Bab-Jehováʼye nugad. Neg-meegwad, negsichidga obinyedi, yarmar-birgi-nanaedi, Bab-Jehováʼye nugad, Bab-Dummad-Bela-Gangued-Nikadid.

Números 11:31

Geb degidgine, Bab-Jehová burwa ogornonikid. Abali, nuu-demargi-nikad-codornizʼye-nugad burwaba nonikid. We-codornizʼmarde Israel-dulemar-bukwadgi batenonikid. Codornizʼmar bela-bela mergued. Bela Israel-dulemar-bukwad-ebiris, argan-nuedsik ibagwen-dummad-nanae-wilubbi nuumar babatisad, degi, argan-sapiledsik ibagwen-dummad-nanae-wilubbi babatisbalid. Deginbali, dali-abala napagi-nibgu odunnumakbukwa gusbalid.