Jonás 1:3 - Kuna San Blas

³ Ar Jonásʼdi Bab-Jehováʼba gwen ibsassulid. Bab-Jehováʼgi-wakinnegala aka Tarsis-neggweburse naedgi binsaali gusad. A-ular, Jope-neggweburgi urmar-naguedse nade gusad. Jopeʼse modapgua, Tarsis-neggweburse ur-nae-sognai dakdapid. Geb Jonás agi ur-bennuksad, eba naegar. Deyob Bab-Jehováʼgi dikasur-wakinnega Tarsis-neggweburse nadegusad.

Jonás 1:3 Iomraidhean Croise

Génesis 3:8

Dule, e-omebogwa, neg-sedogudanikidgi itoarmalad, Bab-Dummad-Jehová, nainu-nued-abargi garmakdii. Dule, e-omebo deyob itosmargu, Bab-Dummad-Jehováʼgi nainu-nuedgi sapimar-bukwad-imbaba dukunadmalad. Adi, mer Bab-Jehová emar-dakegar.

Génesis 4:16

Caín Bab-Jehováʼgi bangudgu, Nod-yargi megidapid. Nod-yarde Edén-dad-nakwedsik naid.

1 Reyes 19:3

Elías deyob itononigu, gwakided. Geb na san-bendakega wakited. Judá-yargi Beerseba-neggwebur-siidse nonigu, e-mai-obenonikid.

1 Reyes 19:9

A-yargine, Elías, obunnogega akwasaila-olloledyaba dogdapid. Agine gabisad. Agine, Bab-Jehová-gayaburba Elíasʼse nonikid, ega sognonikid: —¿Elías, ibu be wegi samai?

2 Crónicas 2:15

”Dummad, emisgi, anmar-bega-arbamaloedga we-ibmarmar be barmidage: Orosgi-dakleged-trigo, orosgisaar-dakleged-cebada, olivo-gwallu, degine, vino, be anga-sogsadyob be anmarga barmidado.

2 Crónicas 2:16

”Anmar Líbano-yargi urgomar-abeleged mamarmaloed. Geb we-urgomar edinnar-edinnar-nanai, demargi-oselegar Jope-neggweburse an sedmaloed. Geb agi, Jerusalénʼse be urgomar sedmosunnoed.”

2 Crónicas 9:21

Rey-Salomón urmar-dummad nikadi, Hiram-e-selamar ega onanadii gusmalad. Birgapaa-birgapaagi Rey-Salomón-e-urmar, Tarsis-yarse Rey-Hiram-e-sordamarmala naddaed. Tarsis-yargine, seardamalad: Ormar, manimar, isbied-nugar-marfilʼye-nugad, sulumar, degi, rey-siglimar seardamalad.

Esdras 3:7

Geb agine, akwa-neg-sobedgi-arbamaladga, urgo-sobedgi-arbamaladga mani uksamalad. Sidón-dulemarga, Tiro-dulemarga, gobed, masi, olivo-gwallu uksamalad, adi, Ciro Persia-yar-e-rey, a-igar-uksadba, wemar nabir urwar-urgo Líbano-yar-akale, demarba, Jope-neggweburse sedamalagar.

Job 1:12

Agine, Bab-Jehová, nia-Satanásʼga sogded: —Degirdi, nabirdo. Job-bela-e-ibmar-nikadi an bega-urmaksundo. Saedba be sao. E-duledi mer be oakalogo. Agine, geb nia-Satanás, Bab-Jehováʼgi banguded.

Job 2:7

Agine, nia-Satanás, Bab-Jehováʼgi banguded. Geb nia-saila-Satanás, Jobʼga boni-dummad-yaabiid uknonikid. Job, bela e-nag-dukuse, degine, nonose-bakale, boni-yaabiid nikunonikid.

Salmo 107:23

Dulemar muu-billi-dummaganba mani-amiegala, muu-billiba urgi nanadimalad.

Isaías 2:16

Bela dulemar Tarsis-ulu-dummaganyob-san-imakmaladgi, bela ulu-dummagan-yeerdaklemaladyob-san-imakmaladgi, gwichigunonikoed.

Isaías 23:1

Bab-Jehová Isaíasʼga Tiro-neggwebur-guoedi oyosad: Quitim-yar-akale, Tarsis-ur-selaganse gayaburbamar nonikid. Tiro-neggwebur bergussiid, e-negmar, degi, e-ur-nagumalad, bela ei bibichisad. Abali, amar bukib-binsabukwad.

Isaías 23:10

Tarsis-dulemar, sapurgi be arbamarsun, ar ur-nagumaladde, bela be-ibe bergusad. Ar bar bemarse Tiro-urmar dognonikosulid.

Isaías 23:6

Tarsis-neggweburse be namar, demar-gakagi-bukwamalad, be bukib-binsamar.

Isaías 60:9

Neggwebur-demar-gakaba-bukmaladi angi benguosurmalad. Tarsis-ur-dummagan, ur-dummagan-idudanikid. We-urmar, dikasuli be-mimmigan-sedanikid, degi, e-ormar, e-manimar sedanikid, adi, an-nug-odummolegegar. Ar ani an Israel-dulemar-e-Bab-Dummad-Isligwaledid, ar ani an gandikidga be-imaksad.

Jeremías 10:9

Tarsis-yala-akale, mani-matargana sedanidamalad, Ufazʼye-neg-nugad-akale, olo sedanidamarbalid. We-ibmarmargine, bab-dummadyob-imaklemalad sobdamalad. Geb ega mor-arad, mor-ginnid makdamalad. Dulemar-orgi-arbamaladi, manigi-arbamaladi, degi, ibmar-sobedgi-arbamaladi, bela we-ibmarmar imakmalad.

Ezequiel 2:8

Dule-machi, an-bega-ibmar-sogedi be itogo, melle wemaryob uaya-sate be guo. Be-gaya be egae, an-bega-ibmar-uksokalid be gunno.”

Ezequiel 27:12

” ’Be ibmar-nuegan bela-bela nikasoggu, Tarsis-dorgan bebo muchub-muchub ibmar-ukedgi mani-onodaed. Tarsis-dorgan be-ibmar-anale, mani, esgoro, esgoro-estañoʼye-nugad, degi, gingwa bega ukdaed.

Ezequiel 3:14

Bab-Dummad-Burba nakwaa an-imaksad, an-sesad. Ar andi sae-itogedgi, degi, urwedgi an naded. Bab-Jehová e-argangi gandikidba an-ganiki an itoged.

Jonás 1:10

Agi, selamar bela-bela dobgudmalad. Geb Jonásʼga sogdemalad: —¿Igi be neg-imaksa? Ar ega Jonás sogsasoggu, selamar wisgunonimarsunnad, Jonás Bab-Jehováʼgi wakindii.

Jonás 4:2

Geb Jonás, Bab-Jehováʼse goted. Weyob ega sogded: —Bab-Jehová, ¿ar an we-obarissursi, deunni an-yargi an gudigu? Agala, an Tarsis-neggweburse nadegusanad. Ar an nue-wisid, be, Bab-Dummad-emar-saberbadid, be, wile-emar-dakedid. Be wissur-gwae-gwae urwebalidid. Ar be, dulemar-nue-sabsoggu, emar-sabsur-odurdakoye be sogdaenad, degite, be sorba sogdedabalid, be-isgued bergusye.

Lucas 9:62

Jesús aga sogded: —Ar dule neg-imuddibe, gwen yarganba bar-ataksurdaed. Ar degisulile, dule yarganba atakele, e-napa-imunaid ega biir-biir imulego-itole.

Gusmalad 15:38

Pabloʼdi yapa Juan-Marcos-sedegualid. Ar ade, we-dulede, Panfilia-yargi emargi bangud-gusad, emarba Bab-Jesús-igargi bar arbadsulid.

Gusmalad 26:19

Pablo sogdebalid: “Dummad-Rey-Agripa, Bab-Jesús nibneggi anse gochadba, mer ibmar saodeeye, an gwen-binsassulid.

Gusmalad 9:36

A-ibagangi, Jope-neggweburgi ome-wargwen Bab-Jesúsʼba-nue-nai gusmogad. A-omede, Tabitaʼye-nugad, Griego-gayabardi, Dorcasʼye bileged. A-omede, igar-nueganbi imakdiid, degi, wilegana-nue-bendakdidaed.

Gusmalad 9:38

Jope-neggwebur Lida-neggweburgi itakasaar siid. Geb Jesúsʼba-nanaimalad wisguargu, Pedro Lida-neggweburgi gudiiye, dule-warbo Pedroʼse barmisgusmalad, Pedro-sunamalagar. Amar Pedroʼga sogdapmalad: “Gwae Jopeʼse be dagoye, mer be yoggudoye.”

Gusmalad 9:42

Weyob-gusadi, bela Jope-neggweburgi wisgusmalad. Bukidar a-neggweburginmalad Bab-Jesúsʼgi bensur-gunonimalad.

Gusmalad 9:43

Agi, Pedro undar Jopeʼgi megialid. Simónʼye-nugad-neggi mai-gusad. Simónʼde ibmar-ukagi-arbaed-duled.

1 Corintios 9:16

Ar Bab-Gayaburba-Nuedgi an sunmakdele, na san-dummarba-imakedba an sunmaksulid. Ar deyob an sunmakergebed. Ar igi an gusale, an Bab-Gayaburba-Nuedgi sunmaksulir.

2 Tesalonicenses 1:9

A-dulemar degisadegu odurdaklesii gumaloed, Bab-Jesús-e-maidgi dikasur-bangu barmelledmaloed, gwen Bab-Jesús-yeerdakleged-e-gangued dakosurmalad.

Josué 19:46

Mejarcón, Racón. Degi, Jope-asabin yar-naid ega uklesbalid.