Jonás 1:16 - Kuna San Blas

¹⁶ Selamar bela deyob daksamargua, Bab-Jehová-dobee-ito-nadmalad. Geb Bab-Jehováʼga ibmar-ogumakar uksamalad, deginbali, ise-sogar na weyob sognanai-guarmalad: “Bab-Jehová-sogedba anmar gudii-guoye, deyob anmar imakergebye.”

Jonás 1:16 Iomraidhean Croise

Génesis 28:20

Agi, Jacob weyob ise-sogar sogsad: “Ar Bab-Dummad anba gudiguale, an emi-nadapidgi an-edarbele, anga masgunned ukele, degi, anga mor-yoed ukbalile,

Génesis 8:20

Geb agine, Noé, Bab-Jehová-nug-odummogega, ibmar-ogumakar-ukleged-aila sobsad. Geb Noé bela ibmar-durgan-swilidikmalad, degi, nuumar-swilidikmalad akar-akar-ugakaase susad. Geb degine, ailagi ogumakar Bab-Jehováʼga uksad.

2 Reyes 5:17

Geb agine, Naamán sogded: —Degirdi, an bega sogo, an moli-uaya-senigana-walabo we-ukub sedbido. Emisgwagwadgine, an be-mai-guedi bar bab-dummad-baidga ibmar-ogumakar, degi, ibmar-oburgwar ukosulid. Unnila Bab-Jehováʼgarbi ukoed.

Job 37:24

Bab-Dummad, dule-na-ibmar-wisirbaye-sogdiidi, gwen ibmar-wisi daksulid. A-ulale, dulemar Bab-Dummad-dobmalad.”

Salmo 107:22

Bab-Jehováʼga doggus-nuedye-sogleged-ibmar-ukleged be ukmala, weligwaledgi e-ibmar-imaksad be sogmala.

Salmo 116:14

Unnila Bab-Jehováʼga an ibmar-imakoye ise-sogar-sogsadi, bela dulemar-asabin an imakoed.

Salmo 50:14

Anga weligwaledgi dog-nuedye be sogdage. Anga, Bab-Dummad-Bur-Biriginedga be ibmar-imakoye-sogsad, be imakdage.

Eclesiastés 5:4

Bab-Dummadga be ibmar-imakoye-ise-sogar-sogsale, gwae be imako. Ar Bab-Dummad dule-binsaedsulidamalad nabir-dakdasulid. Be ibmar-imakoye-ise-sogar-sogsad, be imake.

Isaías 26:9

Mutikidbali, degi, ibginedbali, an be-amidaed. Be igar-innikigwad napneggi ukdele, bela dule-napnegginmalad durdakdedamalad, ibi igar-innikigwadi.

Jeremías 5:22

Ani an Bab-Jehová soged: “Ar bemar, ¿bar an-dobsurmarde? Ar bemar, an-dobguewilubmalanad. Ani an ukub nasiksad, adi, demar-abingunaidga guegar. Demar-abingunanaid degisadegu-mai guoed, gwen berguosulid. Amba demar binnasur-arwedago-inigwele, degine, uurmakdago-inigwele, e-igar-abingunanaidgi gwen dogosulid.

Daniel 6:26

”We-garda-meslenaidi, ani an mesnaid: Bela an-negsemaidgine, bela dulemar Daniel-e-Bab-Dummad-nug odummomalo, eba ibsamalo. Ar Daniel-e-Bab-Dummad, Bab-Dummad-Dula-Maidid, na degisadegu maidid. E-negsemaid bipisaar akar-guosulid. Deginbali, bela e-neg-ganikid bipisaar gwen berguosulid.

Jonás 1:10

Agi, selamar bela-bela dobgudmalad. Geb Jonásʼga sogdemalad: —¿Igi be neg-imaksa? Ar ega Jonás sogsasoggu, selamar wisgunonimarsunnad, Jonás Bab-Jehováʼgi wakindii.

Jonás 1:14

Geb degine, selamar Bab-Jehováʼse binnasur gotemalad, ega sogdemalad: “Bab-Jehováʼye, melle be we-dule-ular anmar-oburgwe. Ar we-dule ibmar-oakalossulile, melle e-burgoed, anmargi be nasiko. Bab-Jehová, ar bedi na ibmar-imakbiedba be imakmaid.”

Marcos 4:31

”Bab-Dummad-e-negdakmaid, ar mostaza-e-gwag-napagi-diglesayob gued. Ar mostaza-e-gwag bur ibmar-gwag-bamaladba bipii gue-inigwele,

Gusmalad 5:11

Agine, belagwapa Jesúsʼba-nanaimalad-danar-ambikunonidamalad, degine, bela degigusa-itosmaladi, bela dobee itonadmarsunnad.

Jueces 13:16

Bab-Jehová-e-baliwitur ega sogded: —Amba an bemar-walik-siggwerye-sogele, amba an bemar-mas gunnosulid. Ar be ibmar-ogumakar-ukye-sogerdi, Bab-Jehováʼga be ukodo. Ar ade, Manoaʼde wissulid, we-dule, Bab-Jehová-e-baliwitur-gue.