Joel 3:5 - Kuna San Blas

⁵ Ar bemar an-ibe or, mani atursasmalad. Deginbali, bemar an-ibmar-nuegan be-bab-dummadgan-negse be sesmarbalid.

Joel 3:5 Iomraidhean Croise

2 Reyes 12:18

A-ulale, Judá-e-rey-Joás, e-dadgan-Judá-e-reyga-gusmalad-Josafat, Joram, degine, Ocozías, Bab-Jehováʼse-goled-negga ibmar-nuegan-nug-imaksadi, bela wesad. Degi, Joás, na Bab-Jehováʼga ibmar-nuegan-nug-imaksamogadi, bela-wesbalid. Degine, bela Bab-Jehováʼse-goled-neggi-mani-sabolegedgi ormar-amisadi, degi, bela reyneggi ormar-amisbalidi, bela wesbalid. Geb, bela we-ibmarmar Siria-rey-Hazaelʼse barmisad. Degisoggu, Hazael, Jerusalén-neggweburgi bar-gwisgussulid.

2 Reyes 16:8

Degi, Rey-Acaz, Bab-Jehováʼse-goled-neggi-mani-bukwad, degi, olo-bukwad, susad. Deginbali, reyneggi ibmar-nuegan-bukwad, susbalid. Geb Asiria-e-reyga binsa barmisad.

2 Reyes 24:13

Ar igi Bab-Jehová sogsagusa, deyob ibmar gusad. Nabucodonosor, Bab-Jehováʼse-goled-neggi ibmar-nuegan-bukwad bela sesad, degi, reyneggi ibmar-nuegan-bukwadse-bakale, bela sesad. Nabucodonosor, Bab-Jehováʼse-goled-neggi-ibmar-ebulemalad bela goamaksabalid. We-ibmar Rey-Salomón orbi-sobsagusadid.

Isaías 11:11

A-ibagangine, Bab-Jehová bela e-dulamar-amba-yar-baid-baidgi-mimiles-bubukwad gannar-sedagega imakoed. We-yarmargi mimiles bubukwad: Asiria-yalagi, Egipto-yalagi, Patros-yalagi, Cus-yalagi, Elam-yalagi, Sinar-yalagi, degi, Hamat-yalagi, degine, demar-gakagi-besmalad. Wemar gannar senonikoed.

Jeremías 23:7

A-ulale, Bab-Jehová weyob soged: “Bar weyob-soglegosulid-ibagan daniye, Bab-Jehová Egipto-yalagi-Israel-dulemar-onosad-e-nug odummomarye.

Jeremías 50:28

Dulemar-duurmakmaid-e-sunmakedi be itomar. Babiloniaʼgi-wakinmamaid-e-sunmakedi be itomar: ‘Bab-Jehová, ese-goled-neg-earismalad-ular, Babilonia-yar buged-imaknaiye,’ Sión-yalase sogdanimalad.

Jeremías 51:11

”¡Sigumar be oswiswimakmar! ¡Sigu-abgamalad be nasikmar! Bab-Jehová, Babilonia-dulemar-obelogega, Medo-dulemar-e-reymar ogannosad. We-ibmar-guoedi, Bab-Jehová buged imakegalad, ar Babilonia-dulemar ese-goled-neg-bibichismalad-ular, deyob imakoed.

Ezequiel 37:12

Degisoggu, Ezequiel, yoedse-ibmar-guoed be soge, Bab-Jehová-Bela-Gangued-Nikadi weyob sogye ega be soge: ‘An-dulamarye, be-neg-uanmar an egaoye, agi an be-onomaloye. Geb gannar Israel-yarse-naega an be-imakmaloye.

Daniel 11:38

Wemar-anale, we-rey, neg-gandikmalad-e-bab-dummad-nug odummogoed. E-dadgan, we-bab-dummad-nug odummossurmalad. We-bab-dummadga or, mani, akwa-nuegan, ibmar-mani-gargerbamalad ukoed.

Abdías 1:17

Ar Sión-yargindina, dule-gwenna-gwenna san-onomaloed, amala swilidikidga gumaloed. Jacob-wagan gannar e-ibmar sumaloed.