Joel 3:19 - Kuna San Blas

¹⁹ Egipto-yar-naidi, sabsur-Judá-dulemar-imaksamalad-nukad, bela ibitogoed. Edom-yar-naidi, sabsur-Judá-dulemar-imaksamalad-nukad, nega-dulesulidganga binyoed. Ar wemar, Judá-yargine dulemar-gwen-ibmar-oakalossurmalad-ibe ablis eos gusmalad.

Joel 3:19 Iomraidhean Croise

Salmo 137:7

Bab-Jehová, Babilonia-dulemar Jerusalénʼgi-nakwisgu, Edom-dulemar-sognanai-gusad, be insao: “¡Jerusalén-neggwebur bela be obelomarye! ¡Swanga be nasikmarye!”

Isaías 11:14

Aka, emar ebogwa, Filistea-dulemargi dad-argwanedsik-bukmaladgi gwisgudmaloed. Emar ebogwa, dulemar-dad-nakwedsik-bukmalad-ibe ibmar atursadmaloed. Edom-dulemar, Moab-dulemar, degi, Amón-wagan, amarse sabsur-wilemarmogoed. Amar-sogedba ibmar imakmaloed.

Isaías 11:15

Bab-Jehová, Egipto-demar-sukun-naid bela dinna nasikoed. Éufrates-diwargi e-argan oyogoed, egi burwa-uereged barmidagoed, geb we-diwargi dian-sogagugle (7) mesoed, adi, nabir nagab obakmalagar.

Jeremías 49:17

Edom-yala-wilegoedi, bela-belad wilegoed. Dulemar a-yar-nagaba-nasmaloedi, geger Edom-yala-wilesadi dakdamaloed.”

Jeremías 51:35

Jerusalén-dulemar sogmalad: “Babilonia-dulemala igi anmar-wiosa, deyobi, Babilonia-dulemar gumarmosun.” Sión-dulemar sogmalad: “Igi Babilonia-dulemar anmar-ablis eosmala, deyob e-ablis ei ariomosun.”

Lamentaciones 4:21

Edom-dulemar, Uz-yargi rey-bundoryob be gudimalad, be yeer-itomala, be wergumala. Ar bemar sabsur-odurdaklegedsemarmogad. Be-ibmar-nikadi bela be-ibe surgunonikoed.

Abdías 1:1

Abdías-negburgan-daksad. Anmar, Bab-Jehová-e-ibmar-soged itosad. E-gayaburba-berbeged-wargwen, dulemar-yar-baid-baidgi-bukwadse barmilesad. A-dule, weyob soged: “Anmar ogusmar. Anmar we-neggweburgi bila-ononamar.” Bab-Jehová-Bela-Gangued-Nikad Edom-dulemarnik weyob soged:

Habacuc 2:17

Babilonia-dorgan, be Líbano-yar-sabsur-imaksagusad begi aibinoed. Be ibdurgan-ogilosgusad, dobguega be-imakoed. Ar be dulemar-ibe doggus ablis eosad, e-yar-naid be sabsur-imaksad, e-neggweburmar, degi, e-dulemar be sabsur-imaksad. A-ulale, be sabsur-odurdaklemogoed.

Zacarías 10:10

Egipto-yargi-bukwa an sedagoed, Asiria-yargi-bukwa an ninonikoed. Galaad-yar-naidse, Líbano-yar-naidse, an sedoed. Bela wemargala, yar unni-guosulid.

2 Tesalonicenses 1:6

Ar Bab-Dummad dule-innikigwadsoggu, emi dulemar-be-wiodimalad, Bab-Dummadse sabsur-odurdaklemarmogoed.