Joel 3:18 - Kuna San Blas

¹⁸ ”A-ibagi, yarmargine, vino-osidikid aryonai gudoed, yar-seniganagine, moli-nunismar aryomai gudoed, Judá-dianmargine, diimar aryomai gudoed. Anse-goled-neggine, dii aryodagoed, we-dii, neba-Sitimʼye-nugad-ognai gudoed.

Joel 3:18 Iomraidhean Croise

Job 29:6

Deyob-gudiidgine, an-mesegine wilub-obicha mas an nikagudaed. Olivo-gwallumar e-akwa-eguredgi wilub-obicha ariomaidaed.

Salmo 46:4

Diwar-iirmakemaidi, weligwar Bab-Dummad-e-neggwebur imaked. Weligwar Bab-Dummad-Bur-Birigined-e-neg-Islidikid imaked.

Éxodo 3:8

A-ulale, we-napnegse an aidenonikid, adi, Israel-dulemar Egipto-dulemarse-wilebukwadgi an onogegar. An-dulamar yar-nued-naidse, an sedoed. A-yarde, dummad-naid, napa-nuedid, gadi ibmar sanmaked. ”A-yargine, we-dulemar bukwad: Canaán-dulemar, Het-dulemar, Amorreo-dulemar, Ferezeo-dulemar, Heveo-dulemar, degi, Jebuseo-dulemar bukwad.

Isaías 30:25

Bab-Dummad be-isdarmalad-obeloged-ibagine, e-neg-suigan ayaridele, yala-matusurmaladbali, degi, bela yala-mulluganbali dianmar megidoed, diimar iirmakdoed.

Isaías 35:6

Geb deginbali, dule-muya-muyamalad, goe-sapuryob ichomake gumaloed. Dule-geg-sunmakmalad, weligwaledba binnasuli gotemaloed. Ar nega-dulesulidganba diimar suurmakdoed, nega-dinnaganba diimar aryodagoed.

Isaías 44:3

Napa-dinnaganaba dii-suurmakega an imakoed, nega-dinnaganaba dianmar an omesoed. Be-wagangine, An-Burba an odegoed, be-anagangine, ise-nued an binsaoed.

Isaías 45:8

Bab-Jehová soged: “¡Nibali, dii-boomiedyobi igar-innikigwad an barmidsun! ¡Mogir-imbaba dii-wiedyobi igar-napiragwad an barmidsun! ¡Napneggi igar-innikigwad maiguguega an imaksun! ¡Abonoleged an barmidsun! An Bab-Jehová-guedgi an we-ibmarmar obinnisad.”

Isaías 55:1

Bab-Jehová sogbalid: “¡Dule-uku-uku-itodimaladi, dii gobdamar! Dule-mani-surmaladi, ibmar-sudamar, vino be sudamar, moli-nunis be sudamar. Gwen be bennukosulid, binsa bega uklegoed.

Isaías 66:11

Ar Jerusalén-neggwebur nanyobi e-mamgi be-onumaloed, immerbaa be gumaloed. E-nunis-ena-ena-nanaid immelegedse bemar gobmaloed, egi be nue-yeer itomaloed.”

Jeremías 31:12

Nonimaloed, Sión-yala-birse weligwar namaknonimaloed, Bab-Jehová-ega-ibmar-nuegan-ukedgi yeer-itomaloed. Bab-Dummad ega we-ibmar ukoed: Orosgi-dakleged-trigo-nugad, vino-binid, olivo-gwallu, sibad-wawaadmar, moli-bebe-nikmalad, ega ukoed. Nainu-senigwad-nue-egi-arbalediidyob gumaloed, bar abgan-galagan itogosurmalad.

Miqueas 6:5

An-dulamar, be-ebinsamala, Moab-dulemar-e-rey-Balac bemar-wiogega bemar-idu igar amisgusanad. Beor-machi-Balaam, igi Balac-abin sogsagusa, a be nue-ebinsamala. Deginbali, Sitimʼye-neg-nugad-akale, Gilgal-neg-nugadse-be-nonigusmaladi, be ebinsabali. Magar be an-dakmala, ani an, Bab-Jehová bemar-onosadid.”

Zacarías 14:8

”A-ibagine, Jerusalén-neggwebur-akale, diwar ariomai guoed. A-diwar, yorgine, degi, dii-wiedgi, dinguosulid. E-dii, abala Demar-Gagbidye-nugadsik ariomai guoed. Abala, Demar-Dummadye-nugadsik ariomai gubaloed.

Números 25:1

Israel-dulemar Sitimʼye-neg-nugadgi danar-danar bukwamargua, Israel-machergan Moab-dulemar-omeganba galagwensuli nanaarmalad.