Joel 3:16 - Kuna San Blas

¹⁶ Bab-Jehová Sión-yar-akale, achumigur-nono-wawaadyobi binnasuli gordagoed. Jerusalén-neggwebur-akale, mar-goleyobi binnasuli sunmakdagoed. Bela napneg-naid, nibneg-naid, giglimakdoed. Ar Bab-Jehováʼdi e-dulamarga dukued-negga gunonikoed, Israel-dulemarga ganguedga gunonikoed.

Joel 3:16 Iomraidhean Croise

Salmo 18:2

Bab-Jehováʼye, be an-akwasailaga gued. Be an-garganguedsoggu, an begi bensulid. Bab-Jehováʼye, be an-neggandikidid. Sigu-abgaedyob be an-idu bonigan-irwa gwisgued. Be-garganguedgi be an-bendaked. Bebi unnila bonigan-idu an-odukued-birigined maid. Bab-Jehováʼye, be an-ollor-imakedid. Bonigangi be an-ollor-imakdiid. Ar an bese gotele, an-isdarmaladgi-nakwega be an-imaked.

Salmo 29:11

Bab-Jehová na e-dulemarga gangued ukoed, Bab-Jehová e-dulemarga bela neg-bogidikid nasiked.

Salmo 61:3

Bab-Dummad, bee be an-odukuedid. Bee be, neg-gandikidyob an-isdarmaladgi be an-bendakedid.

Proverbios 18:10

Bab-Jehová-e-nug, neg-matusulid-gandikid-geg-ayaredyobid. Dule, bendakleged-amiegala, a-negse abarmakdedaed. Bab-Jehová-e-nug dule-innikimaladga deyob gued.

Isaías 33:16

dule-weyob-daedi, nibneggi mai guoed. Akwasaila-gandikmalad e-dukued-negga guoed, masgullemalad ega uklegoed, gobed ega gwen surguosulid.”

Isaías 33:21

Jerusalénʼgi, Bab-Jehová anmarga e-gangued oyogoed. Diwar-dummagan-maiyob, degi, diimar-iirmakmaiyob guoed. Ar a-diwargine, ur-gammi-nikamalad iirmakosulid, degine, ur-gandikmalad egine iirmakosulid.

Isaías 42:13

Bab-Jehová dule-bila-onogedyob nodagoed. Dule-bila-onoged-urweyobi uludagoed. Binnasuli urwedgi bila-onodagoed, e-isdarmaladgi obinoed.

Isaías 51:16

Be-gwabindukugine, an-gayaburba an nasiksad. An-ganguedbali an be-anar gwisgusad. Ani an mogir-billi nasiksad, ani an napneg nasiksad. Degine, Sión-yalagi-bukmaladga an weyob sogsad: ‘Be an-dulamar guye.’ ”

Jeremías 16:19

Bab-Jehováʼye, an suli-suli-itogedgine, be an-ganguedga guedid, be an-ogannogedid, be an-edarbedid. Bela yalamar-ugakaase-bukmaladi bese danimaloed, bega sognonimaloed: “Anmar-dadgan bab-dummadsulid e-bab-dummadga na imaksamalad. Gwen ibmar-nued abingassurmalad, unnila ibmar-igarga-gusulid na abingasmalad.

Jeremías 17:17

Bab-Dummad, melle be an-ogwayega gue, ar boni-dummagangine, bee be an-bendakedid.

Ezequiel 38:19

An-sae-itogedgi, an soged, a-ibagine, Israel-yargi negabandur-dummad naguoye.

Oseas 11:10

”An achumigur-nono-wawaadyob uurmakdoed, geb bemar anba ibsadmaloed. An binnasuli-uurmakdele, be-wagan, dad-nakwed-akale, dobed-abalagi anse nonimaloed.

Amós 1:2

Amós sogded: “Sión-yala-akale, Bab-Jehová uludagoed, Jerusalén-akale, mar-goledyob e-gayaburba gordagoed. Sibad-wawaad-nikamalad-e-nainugi gagan-ara-ara-nanaid bela bergudoed. Carmelo-yar-birigi-gagan-nanaid dingudoed.”

Amós 3:8

Ar achumigur uurmakalile, ¿doa dobguosur be ebinsae? Bab-Jehová-Bur-Gandik-Maid sunmakele, ¿doa e-gayaburba barsogosur be ebinsamoga?

Nahúm 1:7

Bab-Jehová, duledar-nuedid, suli-suli-itogedgine, anmar-odukuedid. Dule-egi-bensurmalad-bendakedid.

Hageo 2:6

Ar Bab-Jehová-Bela-Gangued-Nikad weyob soged: ‘Ar emisgwasaar, an nibneg, napneg ogiglimakoed. Demar, demar-gaka-ugakaase an osukamakoed.’ ”

Hageo 2:7

Bab-Jehová-Bela-Gangued-Nikad weyob soged: “Bela dulemar-yar-baid-baidgi-bukwamalad an owawanmakoed. Dulemar-yar-baid-baidgi-bukmalad na e-ibmar-nuegan senonimaloed, deyobi, anse-goled-neg yeerdaklegega an imakoed.”

Zacarías 10:12

An-sunnad an-dulamar an ogannogoed, dobsuli an-nuggine nanamaloed. Ani an Bab-Jehová deyob soged.”

Zacarías 10:6

Bab-Jehová sogdebalid: “An Judá-dulemar ogannononikoed, an José-e-wagan bendaknonikoed. An wemar-wiledaked, degisoggu, gannar dagmalaga an imakoed, gwen-mesagwar-anse-gussuliyob gunonimaloed. Ar ani an e-Bab-Dummad-Jehová gued, e-anse-goled, an itogoed.

Zacarías 9:12

Dule-galesbukmalad-bendakleged-edarbebukmalad, gannar e-neg-gandikid-bukwadse dagmala. Ar emi an bega soged, bemar-wilesadbali, bur bule ilabo-wilub wergued an bemar-imakoed.

Hebreos 12:26

Bab-Dummad sunmaksagusgu, we-napneg ogiglimaksa gusad. Emigindi, na sogsasunnad: “Napi-ilagwen an neg-ogiglimakbaloed, unnila we-napnegbi an ogiglimakosulid, nibnegse-bakar, an ogiglimakoed.” Hageo 2:6

Apocalipsis 11:13

A-wachigi negabandur-dummad nagunonikid. A-neggwebur-e-neg-sogambegwad-iliba gwensak (10%) bibichisad. A-negabandur-nagusadgi dulemar-miligugle (7,000) burgwismalad. Degine, dule-baigandi dobee-ito nadmalad, amar Bab-Dummad-Nibneggi-Maid-e-nug ogannodmarsunnad.

Apocalipsis 11:19

Degine, nibneggi Babse-goled-neg argade an daksad. Agine, Babse-goled-neg-yagi Bab-Dummad-Dadganbo-Igar-Mesisad-Ulu-siidi mag-dakle-sii an daksad. Geb mala ibyided geb uurmakded, gollomakded, negabandur naguded. Geb dii-gwamakaled-gwaburwisur-babatide an daksabalid.

Apocalipsis 16:18

Geb degine, mala ibyided, mala uurmakded, mala gollomakded, geb napneg giglimakded, negabandur-dummad nagunonikid. Negabandur-deyobid dulemar-we-napneggi-ambikuded-akar gwen nagudisulid.

1 Samuel 15:29

Napira an bega soged, Israel-e-gangued-Bab-Jehová, bipisaar gakansasulid, ibmar-sogsad imakedsegad. Ar ade, Bab-Jehová duleyobsulid, ibmar-sogsad geg-ogwaed.