Joel 3:13 - Kuna San Blas

¹³ Orosgi-dakleged-trigo goresale, igi es-doperegwadgi weledae, ayobi, an we-dulemar-imakoed. Uva-goresale e-nis-eguregala igi birgi gwirlege, ayobi, an we-dulemar-imakoed. Igi vino e-sigedgi engusadba dikarba aryomaidae, ayobi, we-dulemar-e-isgusad doggus wilub-obichad.”

Joel 3:13 Iomraidhean Croise

Génesis 13:13

Sodomaʼgi dulemar-bukwad bela-bela isgana nanaed, isgued-dummagan Bab-Jehová-asabin imakdimalad.

Génesis 15:16

Ar emigindi, amba yoo Amorreo-dulemala bela-bela isgumarsoggu, be-wagan ilabakegus-gwagedgi, geb we-yarse be-wagan gannar nonikoed.

Génesis 18:20

Degisoggu, Bab-Jehová Abrahamʼga sogded: —Dulemar-e-isgued doggus wilub-obichagusad, anse binnasur gorbukmalad, sogdemalad: Sodoma-neggweburgi-bukwamaladi, degi, Gomorra-neggweburgi-bukmaladi, nue-galagwensur damalad, degine, nue-bela-belad isgus bukmalad.

Isaías 17:5

Dule-ibmar-gwag-weed ibmar-gwag-welesadyobi, Israel-dulemar-e-gangued guoed. Dule na e-argangi ibmar-gwag-weesayobi, Israel-dulemar-e-gangued berguoed. Refaim-nebagi ibmar-gwag-welesad-besmaladyobi, Israel-dulemar ichee bemaloed.

Isaías 63:3

“An walagwen uva-egured-galugi uva-egurusad, dule-bamalad gwen anba gunai gussulid. An-sae-itogedgi an egi annasad. An-urwedgi an maataa imaksad. E-ablis an-morgine milesad, degi, bela an-mor ese isgusad.

Jeremías 51:33

Ar Israel-dulemar-e-Bab-Dummad-Jehová-Bela-Gangued-Nikadi weyob soged: “Babilonia-yalaga odurdakleged-iba omosad, Babilonia-yala-yeerdaklegedi, orosgisaar-dakleged-welesayobi daklegoed. Bela swanga naguoed.”

Lamentaciones 1:15

”Bab-Jehová, an-neggweburgi bela sordamar-bulegan onisad. Angi yolemalagala, dule-bamaladse gochad, an-sapingan-oitogegala, dule-baiganse gochad. Igi uva-nis-egurega uva-birgi annaledae, deyobi Bab-Jehová, Judá-e-bunamala imaksad.

Oseas 6:11

”Judá-dulemar, be-isgued-nukad, bemar sabsur-odurdakleged abdakdiid.”

Mateo 13:39

Ar dule-isdarad-gagan-isgana-digsadi, nia-saila gued. Ibmar-gwag-weleged-ibagan, we-napneg-berguoed-ibaganad. Dulemar-ibmar-gwag-weemaladi, baliwiturmar gued.

Marcos 4:29

Geb ibmar-gwag nue goresale, geb weledagoed, ar ade weleged-ibagan warmaksad.”

Deuteronomio 16:9

Moisés Israel-dulemarga sogdebalid: “Bemar ibmar-gwag-gulleged-gebe-welealid-akale, itoged-iba, ilagugle (7) be ebisdemaloed.

Apocalipsis 14:14

An dakdebargu, mogir-sibudikid nai an dakded. Mogir-birgi Dule-Machiyob-dakle siid. E-nonogi ologurgin siid, e-argangi esa-dopegwad-nugar-ibed ganikid.

Apocalipsis 19:15

Dule-moli-sibudikid-birgi-siid-e-gaya-yaba, dule-yar-baid-baidgi-bukmalad-naibisaega, es-suid-nugar-ibed nogwichid. Degine, bela-bela gandikidba negseoed. We-dule, uva-egured-neggi uva-egurelegeyobi, Bab-Dummad-Bela-Gangued-Nika-Maid-e-urwedgi dulemar-sabsur-imakoed.