Joel 3:12 - Kuna San Blas

¹² “Dulemar-yar-baidgi-bukwamalad, be dagmala, Josafat-Nebase be dagmala. A-nebagine, dulemar-yar-baidgi-bukwamaladga igar-nabogega an signonikoed.

Joel 3:12 Iomraidhean Croise

2 Crónicas 20:26

Ibabakegusgu, Beraca-nebagi bular ambikunonimalad. Agi, Bab-Jehová-nug-odummosmalad. Agala, a-neba Beraca-Nebaye onug-imaksamalad. We-garda-narmaklenaidse amba deyob nugad.

Salmo 7:6

Bab-Jehováʼye, be sae-itogedba an-isdarmalad-anse-urwebukwadgi be gwisgudage. Anga be igar nabodage. An-Bab-Dummadye, anba be nague, igar-innikigwadba be anga igar naboge.

Salmo 96:13

¡Bab-Jehová-asabin namakmala, bato danikid! Igar-innikigwadba dulemarga-igar-nabogega bato danikid. Bab-Jehová igar-innikigwadba dulemarga igar-nabogoed. Napiragwadgi dulemarga igar-nudakoed.

Salmo 98:9

Bab-Jehová-asabin weligwaledgi namakmala, ar Bab-Jehová napneg-seega danikid. Dulemar-bukwadga igar-innikigwad-imakedba igar nabogoed, dulemar-bukwadga emarbi igar nabogoed.

Isaías 2:4

Bab-Jehová, dulemar-yar-baid-baidsik-bukmaladga igar-nabogoed, neggwebur-bukibgi-nakulegega guoed. Dulemar, e-es-suidmar napa-imuedga obinyemaloed, eswar-swiswidikmalad gagan-sikedga gudoed. Yar-gwensak, yar-baidbo bar na abin-abin urwosurmalad. Bila-onogega bar odurdaklenai guosurmalad.

Isaías 22:1

Isaías, Negburgan-Daked-Nebagi yoedse-ibmar-guoedgi sunmaksad: ¿Igi be itomala? Emide, bela bemar neg-uas-birgi be nakwemamaigu.

Isaías 3:13

Bab-Jehová, e-dulemarga-igar-nabogega, gwichigudasokalid. Dulemar-sabsur-odurdakega, gwichigudasokalid.

Ezequiel 30:3

An-iba warmakdanikid, a-iba bato omodanikid. Negasichid-iba omosad, dulemar-yar-baid-baidgi-bukwamaladga sabsur-odurdakleged-iba omosad.

Ezequiel 39:11

” ’A-ibagine, Israel-yargi, dulemar-iirmaked-nebagi, demar-asabin, an Gogʼga neg-uan mesoed. We-neg-uan dulemar iirmaked-igargi megoed. Agi Gog bela e-sordamar-bila-onomaladmala diglegoed, geb Hamón-Gog-nebaye bimaloed.

Joel 3:14

Neba-Decisiónʼye-nugadgine, dulemar-bukidara onmakdanikid. Neba-Decisiónʼye-nugadgine Bab-Jehová-e-iba warmakdanikid.

Joel 3:2

Bela dulemar-yar-baid-baidgi-bukmalad an onmakoed, Josafat-Nebase-ambikuega an imakoed. Agine, an-Israel-dulamar-sabed-nukad, an we-dulemala sabsur-odurdakoed. Ar we-dulemar, an-dulamar yar-baid-baidse-oaisakiega imaksamalad, an-yar-naid mimismalad.

Miqueas 4:3

Bab-Dummad, dulemar-yar-baid-baid-abargi dulemarga igar-nabogoed, neggwebur-gandikmalad-bukibga, degi, dikasurmaladga igar-nabogega guoed. E-es-suidmar napa-imuedga gudoed, e-ila-swiswidikmalad es-dopegwadga gudoed. Dule-yar-baid-baidginmalad, bar abin-abin urwosurmalad. Bila-onogega, bar guagwar-gudii guosurmalad.

Zacarías 14:4

”A-ibagine, Bab-Jehová Olivo-Yar-birgi gwisgunonikoed. We-yar Jerusalén-neggwebur-dad-nakwedsik siid. Olivo-yar dad-nakwedsiki dad-argwanedse sogabo maridoed. A-abargine, neba-dummad nagunonikoed. Yar-marisad-gwensak, dad-nakwed-argan-sapiledsik signonikoed, yar-baid-marisaddina, dad-nakwed-argan-nuedsik signonimogoed.

Apocalipsis 19:11

Geb degi, nibneg argaar an daksad. Agi moli-sibudikid an dakalid, dule-moli-sibudikid-birgi-siidi nugad: Sogedba-Daed-Dule, Dule-Napiragwad. We-dule, igar-inniki-maidba dulemarga igar-naboged, degine, igar-napiragwadba bila-onobalidid.