Joel 3:11 - Kuna San Blas

¹¹ Dulemar-anmar-yar-dikarba-bukwamalad, gwae be dagmala, Josafat-Nebase be ambikudamala.” Bab-Jehová, be-dule-gandikmalad be odedage.

Joel 3:11 Iomraidhean Croise

Salmo 103:20

Bemar, Bab-Dummad-e-baliwiturmar-dule-bulegan, bemar, Bab-Dummad-sogedba-ibmar-imakmaladi, bemar, e-igar-uksadba-nanadimaladi, Bab-Jehová-nug odummomar.

Isaías 10:34

Sapi-moodo-naidi, akangi immided, Líbano-yargi sapimar-yeerdakle-bukwad bela berguded.

Isaías 13:3

Anga-nug-salegarmaladga bato an igar-uksad. Anga-dule-bulegan-gumaladi, an-nakwedgi-na-yeer-itodimaladi, an guakwaa urbisad, adi, anga sabsur-dulemar-odurdakegar.

Isaías 37:36

A-mutikidgine, Bab-Jehová-e-baliwitur, Asiria-sorda-bukwadgine, mili-dulabakebak-gakatar (185,000) dulemar-ogilosad. Degine, neg-oiboargu, bela dulemar burgwar-mamaitibi oiboalid.

Joel 3:2

Bela dulemar-yar-baid-baidgi-bukmalad an onmakoed, Josafat-Nebase-ambikuega an imakoed. Agine, an-Israel-dulamar-sabed-nukad, an we-dulemala sabsur-odurdakoed. Ar we-dulemar, an-dulamar yar-baid-baidse-oaisakiega imaksamalad, an-yar-naid mimismalad.

Miqueas 4:12

Degi-inigwele, we-dulemar Bab-Jehová-e-binsanaidi, degi, e-ibmar-imakbiedi wissurmalad. Ar wemar wissurmalad, Bab-Jehová oros-dugmaklegedyobi e-saboleged-neggi e-urbemaloed.

Sofonías 3:8

Agala, Bab-Jehová soged: “Degisoggu, an-bemargi-yolegega-danikoed-ibagi be an-abitomalo. Ar dule-yar-baid-baidgi-bukwamalad-onmakega an imaksokalid, bela-neg-selemamaid-atoega an imaksokalid, adi, an-bela-bela-sae-itogedgi wemar sabsur-odurdakega, an-bela-bela-urwedgi wemar sabsur-odurdakegar. An uludele, an sooyob gued, anse bela napneg ogumaklegoed.

2 Tesalonicenses 1:7

Ar bemar-naibi-itodimaladgardi Bab-Dummad obunnoged ukoed, ar igi anmarga obunnoged ukmogoe. Ar Bab-Jesús nibneggi e-baliwitur-dutusurmalad-abargi, soo-gwabunye-danikid-abalagi-danikir, we-ibmar weyob guoed.

Apocalipsis 19:14

Sordamar-nibnegginmalad, mola-sibu-nued-dagudikid yoimalad. Sordamar-nibnegginmalad, dule-moli-sibudikid-birgi-siid-sorba, moli-sibumar-birgi-sii nadapmalad.