Joel 2:3 - Kuna San Blas

³ We-dulemar sooyobi gumalad, bela ese ibmar gummaked. We-dulemar-nonikoed-iduale, soo bela ibmar-ogumaked, we-dulemar-nasad-sorbali, soo bela ibmar-obeloged. We-dulemar, amba yoo dagegua, we-yar-naidi, Edén-nainuyobi daklegenad. We-dulemar, we-yargi-nasmargua, e-sorbali, yar, nega-dulesulidganyob nagusad. E-ganguedgi ibmarmar geg wakinned.

Joel 2:3 Iomraidhean Croise

Génesis 13:10

Lot bela Jordán-diwarsik Zoar-neggweburse neba-naid dakded. A-nebagi dii nue-nika, degine, Bab-Jehová-nainu-nuedyob-daklege dakalid. E-daklegedde Egipto-yaryob daklebalid. Ar Bab-Jehová Sodoma-neggwebur, degi, Gomorra-neggwebur-obelogoed-iduale, we-neggweburmar yeer daklegenad.

Génesis 2:8

Geb degine, Bab-Dummad-Jehová dad-nakwedsik, Edénʼgi nainu-nued nasiksad. Agi, Bab-Dummad-Jehová we-dule-obinnisad ogwisnonikid.

Salmo 50:3

Anmar-Bab-Dummad-danikidi boo danisulid, e-iduale, soo-dummadi gadanikid, bela ibmar-ogumakdanikid. Burwa-oored bela Bab-Dummad-ebiris danikid.

Salmo 97:3

Soo, Bab-Jehová-idu nadapid, we-soo, Bab-Jehová-e-isdarmalad Bab-Jehová-ebiris-bukwad obeloged.

Éxodo 10:15

Ar ade, sesmarde bela-bela mergusoggu, napa gwen magar daklessulid. Degine, dii-akwaga-binyaled gagan-obesad, degi, sapi-durbamar-sapigi-obesad, sesmar amar bela guchamalad. Egipto-yargi bipisaale nainu-e-gaganmar, sapi-e-gaganmar, gwen bessulid.

Éxodo 10:5

We-sesmar we-napneggi yaisur-mergu-nikuosoggu, napa gwen daklegosulid. We-sesmar, dii-akwamarga-binyaled-babatisad ibmar-wis-obesad bela gunnoed, degi, bela sapi-sapurba-bukmalad gunbaloed.

Isaías 14:17

¿We-dule we, napneg nega-dulesulidga imaksadi? ¿We-dule we, yalamar obelodii gusadi? ¿We-dule we, esgaryagi-dulemar-gales-bukwad gannar e-negse-naega gwen imakdasulidi?’

Isaías 15:6

Nimrim-dianmar bela dingusad, gagan-ara-aramalad bela dingusad. Bar gagan-ara-aramalad nikagussulid, bela gagan-ara-aramalad bergusad.

Isaías 33:4

We-dulemar-e-ibmar-nikadgi, e-isdarmalad ses-burwigana-bateyobi egi nonimaloed. E-ibe bela ibmar-nuegan sunonimaloed.

Isaías 51:3

Ani Bab-Jehová, Sión-yala wiledakedsegad. Bela e-neg-bibichismaladi, wiledakoed. E-nega-dulesulidgan Edénʼgi-nainu-nued-naigusayobi, imakoed. E-nainu-geg-ibmar-egi-sanmakedi, an-nainuga guoed. A-nainugine weligwar-itomaloed, egi wergumaloed. Anga namaklegedgi namakmaloed, dog-nuedye anga sogmaloed.

Isaías 9:18

”Ibmar-isgana sooyobi gued. Igi-soo-gadele, gagan-ikobiid bela biin-imake, ikomar bela biin-imake, deyobi, ibmar-isgana-imaklegedi gued. Igi soo-gaedi sapurgi sapi-bukwadi bela obeloge, degi, geb burwa-bipirmakaledyob, waa ainakwiddae, deyobi, ibmar-isgana-imakedi gued.

Isaías 9:19

Ar Bab-Jehová-Bela-Gangued-Nikad-urwedbali yala duu gadoed. Dulemar e-sapanga guoed. Dulemar na e-gwenadgan wiledakosulid.

Jeremías 5:17

Be-ibmar-wesmalad bei obelomaloed, be-masgullemalad bei obelomarbaloed. Be-masmala, be-bunamala, bei oburgwemarbaloed. Degine, be-sibadmar, be-moli-bebe-nikamalad, bei ogilomarbaloed. Deginbali, be-uvaʼmar, be-higuera-sapimar, bei obelomarbaloed. Be-neggwebur-gandikmaladgi, dule-oakalogosurye-egi-be-binsaedi, bela es-suidgi bei obelolebaloed.”

Ezequiel 36:35

Geb degine, soglegoed: ‘Iduar, we-napa nega-dulesulidganga naigusad. Emidi, Edén-nainu-nuedyob dakleged. Iduar, neggweburmar akwamarbi-ganna-ganna-bukwagusad, napabi-nai gusad, negmar-sate gusad. Emidi, na gangus simalad, egi dulemar bukwabalid.

Amós 7:4

Geb degi, Bab-Jehová-Bur-Gandik-Maid, negburgan-baid anse oyosbalid: An daked, Bab-Jehová dule-sabsur-odurdakega soose gote. Degi, soo napa-urba demar-wilasailad dinnaa imaksad. Degine, nainugan bela swanga imaksad.

Habacuc 1:6

Caldea-dulemar an bemargi bila-onodagega imaknaid, we-dulemar, dule-isgana-nanaed, binna-binnasuli ibmar-imakmaladid. Dule-baid-ibe napa-suega bela napneg-ebirdii damalad.

Zacarías 7:14

Agala, igi-burwa-dummadba ibmar-seleddae, deyobi, dule-akudakmalad-yar-baid-baidgi-bukwamaladse, an we-dulemar oaisakis gusad. E-yar-metemaladi, swanga nagunonikid, dulemar gwen bar egi nabi dasurmalad. Deyobi, iduar yar napa-nuedga-naigusadi, nega-dulesulidganga nagunonikid.”