Joel 2:23 - Kuna San Blas

²³ Sión-dulemar weligwar-itomar, be-Bab-Dummad-Jehováʼba be wergumarsun. Ar be-Bab-Jehová e-iba-sogedba bega dii owioed. Ar igi epenneunni, ibmar-digleged-idu dii owidae, degi, ibmar-gwag-weleged-idu dii owidae, deyobi bemarga dii-wied-ibagan nasikoed.

Joel 2:23 Iomraidhean Croise

1 Reyes 8:36

nibneggi-mai be itogoed. Be-Israel-dulemar-e-isgued be osulogoed. Be-igarba nabir nanamalaga, igar-nuedgi be odurdakoed. Geb be-dulamarga, yar-ega-be-uksadgi, be dii gannar owibaloed.

Job 33:23

”Baliwiturmar-miligwen-bukwad-abargine (1,000), baliwitur-gwensak dule-bendakegala gwisgunonisunnad. We-baliwiturde, ibu-imakoye ega sognonisunnad.

Job 37:13

Bab-Dummad na e-sogedba dii owied, imbagwenale, dulemarga dii-wiedi ibnuedga gued, imbagwenale, dulemarga dii-wiedi dule-wiogega gued.

Salmo 104:34

Ulubgi-an-egi-binsaedi, Bab-Dummad yeer-itogoed, Bab-Jehováʼgi an weligwar itoged.

Salmo 147:8

Bab-Dummad, nibneggi mogirmar nasiked, napaneggi dii owied, sapurgi gaganmar onied.

Salmo 149:2

Israel-dulemar, dule-bega-burba-uksadgi be wergumala, Israel-dulemar Sión-yargi-bukmalad, be-e-Reygi be wergumala.

Salmo 28:7

Bab-Jehová, an-ogannogedid, sigu-abgaedyob an-irwa-gwisguedid. Bela-belad gwage-ulubgi an egi bensulid, Bab-Jehováʼgi an bendaklesad. An-gwage-ulubgi, bela-belad-weligwale an itoged, an-namakedgi dog-nuedye an ega soged.

Salmo 32:11

Bemar, dule-innikidamaladi, be weligwar-itomarsun, Bab-Jehováʼgi be wergumarsun. Bemar, dule-gwage-nuegan-gumaladi, bela yeer-itogedgi namakmarsun.

Salmo 84:6

Ibyanis-aryoged-nebaba-nadapile, dii-sailagan-ariomaid-negga imaked. Gebe-dii-argwanedi, neba-naidgi nabir-binsadaed.

Proverbios 16:15

Rey weligwaledba-emar-dakedi, igar-nuegan-oyoged. Rey-emargi-nued-binsaedi, dii-wieyob gued.

Isaías 30:21

Ar be igar-noar aibatedibele, be-yarganbali dule bese-gole be itogoed, weyob bega soge be itogoed: “Noar be aibatemala, wesik igar-mai. Wesik be namala.”

Isaías 30:23

Degisoggu, be ibmar-gwag digele, Bab-Jehová bemarga dii barmidagoed. Ibmar sanmakdagogu, nue-sanmakoed, degi, yeer-gullemaladbi guoed. A-ibagangine, be moli-bebe-nikamalad nainu-dummagangine, gagan-madii gudoed.

Isaías 41:16

Oros-gwag-burwaba-mileddaedyobi be imakoed. Burwa-noedba aisakidmaloed. Ar bedi, angi weligwar itogoed. Bedi, angi Israel-dulemar-e-Bab-Dummad-Isligwaledgi nug-gannarba itomaloed.”

Isaías 61:10

“Bab-Jehováʼgi an bela-bela yeer itoged, an-Bab-Dummadgi an weligwar itoged. Ar ade, abonoleged-mormar anga yosad, degi, igar-innikigwad-imaked-morgi an-edusad. Machered ome-nikunair, igi ibmar-yeerdakleged bebegi-yoidae, deyobi an gued. Ome sui-nikunair, igi ormar-nasikdae, deyobi an gued.

Jeremías 3:3

A-ulale, bar bemarga dii wissulid, degi, dii-wied-ibagangi bar bemarga dii wissurbalid. Ar bede ome-gambasaedyob na be san-imaksamalad, gwen bingedar be itossurmalad.

Jeremías 5:24

Wis binsasurmalad, na sogsurmalad: ‘Anmar, anmar-Bab-Dummad-Jehová dobee nanamarye. Anmarga dii-owimaiye, ibagan-sekalaa dii barmimaiye. Degine, anmarga ibmar-weed-ibagan sekalaa nasikmaiddeeye,’ gwen binsasurmalad.

Lamentaciones 4:2

Sión-dulemar bur bule epenne olo-nueganba e-bina soglegenad, emidi, napsa-nogyob daklemalad, dule-napsagi-arbaed e-ibmar-imakedyob dakleged.

Ezequiel 34:26

An wemargi doggus-nued binsaoed, degi, an-yar-mullu-e-dikarmar ibmar-nuegan-nikuedga an imakoed. E-ibagan-sekalaa an dii owioed. We-dii ibmar-nuegan-nikuega imakoed.

Oseas 6:3

Anmar magar Bab-Jehová-dakmarsun, e-Igarmar-Mamaidi anmar durdakmarsun. Igi dad-ibeler-noedyobi, Bab-Dummad anmarse magar-guoed, dii-wiedyobi anmarse nonikoed. Igi gebe-dii-argwaned napa-nudakdae, deyobi anmarse nonikoed.”

Levítico 26:4

ani an bemarga e-ibagan-sekalaa dii-owioed. Nainumargi-ibmar-digaled na e-ibagan-sekalaa sanmake an imakoed, degine, sapimar deyob an imakbaloed.

Amós 4:7

”Nii-warbaase ibmar-gwag-welegoed-iduale, dii bar an owissulid. Unnila neggwebur-gwagwengi dii an owisad. Neggwebur-baidgindi dii an owissulid. Nainu-gwensakgi dii-winai gusad. Baid-nainugindi dii wissulid, abali, nainu dingude gusad.

Zacarías 10:1

Bab-Jehováʼse dad-dummad-ganaidgi dii-wied be egismala. Ar Bab-Jehová mar-golega imakedid, na e dii-owimaidid. Bab-Jehová bela dulemargala, ibmar nabir-sanmakega imaked.

Zacarías 10:7

Efraín-dulemar dule-bila-onogedyob gunonimaloed. Igi-dule vino-gobsadba yeer-itodae, deyobi, yeer itononimaloed. E-mimmigan e-babgan-yeer-ito-dakarmalale, weligwar itodmarmogoed. Bab-Jehová-ega-ibmar-imakoedba, yeer itononimaloed.

Zacarías 9:13

An-warsiyob an Judá-dulemar gachii gaoed, an-siguyob an Efraín-dulemar imakoed. Sión-yar, an be-mimmigan, Grecia-mimmigangi-yolegega an imakoed. Bila-onogedgi-es-suid-ebulegeyob an be-imakoed.”

Zacarías 9:9

Sión-dulemar, ¡be nue-wergumala! Jerusalén-dulemar, ¡weligwaledba be binnasur gormala! ¡Weligwaledba be gormakmala! Be dake, be-rey bese danikid. Be-rey, dule-innikigwadid, emar-abonogedid, na san-dummarba imaksulidid. Moli-uayasuid-bipigwad-birgi-sii danikid, we-moli-bipigwad, moli-uayasuid-ome-e-mimmid.

Gusmalad 14:17

Degi-inigwele, Bab-Dummad wargwen anmar-obessulid, anmarga ibmar-nuegan-imakedba e-gangued, degi, e-sabgued oyomai gusad. Anmarga dii-owimai, yor-nued-ibmar-osanmaked nasikmai, mas unniguale ukmai, degi, weligwar-itoleged anmarga ukmai gusad.”

Deuteronomio 11:14

‘Ani an bemar-yargi dii owioed. E-ibagangi an gebe-dii-wied-owiega imakoed, degine, an napi-dii-wied-owiega imakbaloed. Adi, be ibmar-digsamalad nabir weegar, ibmar-gwag-gullemalad, vino, degi, olivo-gwallu nikumalagar.

Deuteronomio 28:12

”Bab-Jehová, nibneg-akale, bega dii-owiega imakoed. Be-yargi, e-iba-sekalaa dii-owioega imakoed. Bab-Jehová bela be-ibmar-imakedgi, begi-ise-nued-binsaed bega oyononikoed. Dulamar-baigan bese mani-egisdii guoed. Bedi, dulamar-baiganse mani egisosurmalad. Ar ade, bemar mani-unniguar-nika guoed.

Deuteronomio 32:2

An-ibmar-odurdakoedi, dii-wiedyobi babatoed. An-sunmakoedi, booyobi babatoed. Gagan-gebe-aramakalidgi-dii-wiedyobi, an-ibmar-odurdakoedi, guoed. Gagan-dutuganagi-boomiedyobi, an-sunmakoed guoed.

Filipenses 3:1

Deginbali, gwenadgan, Bab-Jesúsʼgi wergumarsun. Angardi an gannar-gannar bemarga ibmar-narmakedi gwen akar an itosulid. Ar an gannar-gannar narmakedi, bemarga ibnued gued.

Filipenses 3:3

Ar anmardi burbar bur abgan-uka-duku-sikarmaladid. Ar ade, anmar Bab-Dummad-Burbaba Bab-Dummad-nug odummodimalad, ar anmar Cristo-Jesúsʼginbi san-dummarba itodimalad, ar anmar, abonolegega, dulemar-e-ibmar-imakedgi benmaladid.

Filipenses 4:4

Bab-Jesúsʼgi degisadegu be wergudii gumar. Gannar an bemarga sogbalid, be wergumarye.