Joel 2:22 - Kuna San Blas

²² Ibdula-sapurbarmalad, mer dobgumala, ar gaganmar aramakdagoed. Sapimar bela sanmakdagoed, sapi-higueraʼye-nugadi, degi, uva-dubmar yeer sanmakdagoed.

Joel 2:22 Iomraidhean Croise

Génesis 4:12

A-ular, be nainugi arbaoen-inigwele, bega ibmar sanmakosulid. Be we-napneggi dule-wakindiiyob negsuli gudii guoed.

Salmo 36:6

Be-igar-innikimaladi, yala-dummagan-gandik-bukwadyob gued. Muu-billi-wilasaila-naibayobi, be-igar-nabomalad mamaid. Bab-Jehová, bela be dulemar-akwemaid, bela be ibdurgan-bukwadi, akwemaibalid.

Salmo 65:12

Nega-dulesulidgangi gaganmar aradikid, yar-mullugan ber weligwaled.

Salmo 65:13

Nebagangi sibadmar, sibad-wawaadmar, obiryamakded, orosgi-dakleged agi nue naibalid. ¡Bela agine ibmar-durgan oimakded! ¡Bela namakedibimalad!

Salmo 67:6

Napneggi bela ibmar-durba sanmakoed, Bab-Dummad, anmar-Bab-Dummad, anmargi nued-binsaoed.

Isaías 51:3

Ani Bab-Jehová, Sión-yala wiledakedsegad. Bela e-neg-bibichismaladi, wiledakoed. E-nega-dulesulidgan Edénʼgi-nainu-nued-naigusayobi, imakoed. E-nainu-geg-ibmar-egi-sanmakedi, an-nainuga guoed. A-nainugine weligwar-itomaloed, egi wergumaloed. Anga namaklegedgi namakmaloed, dog-nuedye anga sogmaloed.

Ezequiel 36:30

Sapi-sanmar, degi, ibmar-gwag-welemalad an omerguoed, adi, ukudmaad-itoged-ular, dulemar-yar-baid-baidgi-bukwamaladse mer bar be bingegumalagar.

Ezequiel 36:35

Geb degine, soglegoed: ‘Iduar, we-napa nega-dulesulidganga naigusad. Emidi, Edén-nainu-nuedyob dakleged. Iduar, neggweburmar akwamarbi-ganna-ganna-bukwagusad, napabi-nai gusad, negmar-sate gusad. Emidi, na gangus simalad, egi dulemar bukwabalid.

Ezequiel 36:8

” ’Israel-yalamar, ar bemardi, an-Israel-dulemarga sapimar nikudoed, degi, ibmar-gwag osanmakdoed, ar gannar-dakmalad bato modanikid.

Jonás 4:11

Ar deyob be itogele, an-bulesunna, ¿ar an Nínive-neggwebur wiledakosur be an-insae? Ar we-Nínive-neggwebur-dummadgi dulemar-aku-neg-itomalad mili-dulanergwa-gaka (120,000+) bukwad, degine, moli-bebe-nikamalad bukidar-bukwabalid. ¿Amarde an wiledakosursi? An wile dakoed.

Hageo 2:16

¿igi bemar gubukwana? Be-dule-gwensak sagu-wardurgwen (20) ibmar-gwag-weoye binsadaenad, degi-inigwele, unnila sagu-warambe (10) wesdaed. Vino ega bari-gwadurbo-gakambe (50) guoye binsadaenad, degi-inigwele, unnila bari-gwadurgwen (20) ega gusdaed.

Zacarías 8:12

”Neg-bogidikidgi be ibmar digmaloed, uva-dubmar sanmakega guoed, napamar ibmar-sanmaknai guoed, nibnega e-boomar obadnai guoed. We-neggweburgi-napibesmaladga, bela we-ibmar egadga-guega an ukoed.

1 Corintios 3:7

Degisoggu, dule-ibmar-digedi dule-dummadsulid, degi, dule-diigi-ibmar-ogedi amba dule-dummadsurbalid, unnila Bab-Dummadbi dule-dummadid. Ar ade, Bab-Dummadbi ibmar-gwag odungued.