Joel 2:21 - Kuna San Blas

²¹ An-yargi-bukmalad mer-dobgumala, bur weligwar itomala, wergumala. Ar Bab-Jehová ibmar-dummagan imakoed.

Joel 2:21 Iomraidhean Croise

Génesis 15:1

Weyob-gusad-sorbali, Abram negburgan-daksad. Agi, Bab-Jehová ega sunmakded, ega sogded: “Abram, melle be dobguo, ar sigu-abgaedyobi, an be-irwa gwisgudioed. Degine, bega-ibmar-nued-uklegoedi, bega ibmar-dummadga guoed.”

Salmo 71:19

Bab-Dummad, be ibmar-dummagan imaksad, be-igar-innikigwad nibnegse warmakmaid. Bab-Dummad, dule beyobid sulid.

Salmo 98:8

Diwarmar-mamaid, argan ogormala, bela yarmar-bubukwad, weligwaledgi namakmala.

Isaías 35:1

Nega-dulesulid weligwale itodoed, napa-dinnagwad weligwale itodoed, nega-dulesulidgi gagan ainidoed, dutu-achunnedyob dakledoed.

Isaías 41:10

Melle be gwayo. An beba gudiguad. Melle be suli-suli-itogo. Ani an be-Bab-Dummadid. An be-ogannogoed, an be-bendakoed, an-sakwa-gandikid-nuedsikidgi an be-ganikioed.

Isaías 44:23

Isaías weyob sogded: “Mogir-billi, Bab-Jehová-ibmar-imaksadgi weligwaledgi be namak. Napa-yaa-matusurmalad, gandikidba be gormakmar. Yalamar, sapurmar, degi, bela e-sapimar, binnasuli be namakmar. Ar ade, Bab-Jehová Jacob-dulemar-bendaksad, Bab-Dummadi e-gandikid-yeerdakleged Israel-yalagi oyosad.”

Isaías 54:4

”Melle be dobe-itogo, ar be bingeguosulid. Melle be gwayo, ar be-nug mesagwar guosulid. Be yagwaunni bingegusadi be iegoed. Bei-machered-burgwisgu, bingedar be itosadgi bar be binsaosulid.”

Isaías 55:12

Bemar weligwaledba ainidmaloed, bogidikidgi gannar be-yalase be momaloed. Be-nadapidbali yalamar, degi, yar-mullugan, binnasuli-weligwaledba namakdemaloed. Degi, bela sapimar-bukwadi, argan ogotemaloed.

Jeremías 33:3

‘Anse be gole, ani an be-abinsaoed, igar-dummagan-mamaid an bega sogoed, degi, ibmar-dukuar-mamaid an bega odalogoed. We-ibmarmar amba be wissulid.’

Oseas 2:21

Bab-Jehová soged: “A-ibagine, mogirmar dii-wiega an imakoed, geb abali, napaneg ibmar-gwag-oniega an imakoed.

Joel 2:20

”Dule-dad-nakwed-argan-sapiledsik-danikid an bemargi-banguega imakoed, a-dule, dule-buksurmaladsik, dule-negasulidganba an balimetoed. E-sordamar-idu-danimalad, dad-nakwedsik-demar-naidgi, didulegega an imakoed. E-sordamar-sorba-danimaladdi, dad-argwanedsik-demar-naidgi, didulegega an imakoed. E-muimar nunguega an imakoed, sunnasuli-yapannega an imakoed.” Bab-Jehová ibmar-dummagan imakoed.

Joel 2:26

Bemar obinebaka, nue-immelegedse gunmaloed, geb be-Bab-Dummad-Jehová-nug be odummomaloed. Ar ani be-Bab-Dummad-Jehová, bemarga ibmar-gegerdakleged imakoed. An-dulamar bar bipisaale, bingeguosurmalad.

Zacarías 8:15

”Emigindi, Jerusalén-dulemarga, Judá-dulemarga ibmar-nued-imakedgi an binsaed. Degisoggu, ¡mer dobgumalo!

Deuteronomio 4:32

Moisés Israel-dulemarga sogdebalid: “Be-Bab-Dummad-Jehová ibmar-gegerdakleged-dummagan bemarga imaksad. Degisoggu, emigindi, be egismardo, Bab-Dummad we-napneggi dule-obinnisad-akale, bemar-idu ibagan-nasmaladgine, degine, bela we-napneg-dirbir-naidgine, ar Bab-Jehová bemarga ibmar-imaksadyob, ¿ibmar-gegerdakleged imaklesgusa? Ar Bab-Jehová bemarga ibmar-imaksadyob, ¿Bab-Dummad-ibmar-imaked itolesgusa? Ar weyobid bemar itodisurmalad.

1 Samuel 12:16

”Emigindi, nue be an-itomala: Bab-Jehová na ibmar-dummad-imaksokalid be-sunnad be dakmala.

1 Samuel 12:24

”Ar Bab-Jehová-dobekwaa be nanamarsunna, napiragwadgi bela-belad e-nug-odummodii be imakmala. Bab-Jehová bemarga ibmar-dummagan-imaksad be ebinsadii gumala.