Joel 2:18 - Kuna San Blas

¹⁸ Geb degine, Bab-Jehová na e-sabgued e-yarga oyosad, e-dulamar egi-isgussuliyobi daksad.

Joel 2:18 Iomraidhean Croise

2 Reyes 19:31

Ar Jerusalénʼgi, amba dulemar ambikuoed, bela ukudba burgosurmalad. Sión-yargi amar bukumaloed. Bab-Jehová-Bela-Gangued-Nikadi, we-ibmar imakoed.

Salmo 103:13

Ar igi bab na e-mimmigan sabe, debayobi, Bab-Jehová na dulemar-e-nug-odummodidimaladi sabgued.

Salmo 103:17

Ar Bab-Jehová-e-sabgueddi, degisadeguad. E-nug-odummodimaladgardi, e-sabgued-oyoged berguosulid. Wemar-e-wagangardi, Bab-Dummad-e-igar-innikigwad degisadeguad.

Isaías 37:32

Ar Jerusalén-neggweburgi wis ichee dulemar bedapoed, amba Sión-yargi bukumaloed. Ar Bab-Jehová-Bela-Gangued-Nikad e-dulamargi-bela-bela-sabgued-nikadba, we-ibmar imakoed.”

Isaías 42:13

Bab-Jehová dule-bila-onogedyob nodagoed. Dule-bila-onoged-urweyobi uludagoed. Binnasuli urwedgi bila-onodagoed, e-isdarmaladgi obinoed.

Isaías 60:10

”Dule-ainebarmalad bega gannar galu-matusurmalad soboed, degi, e-reymar bega arbamaloed. An-urwedgi an sabsur-be-odurdaksa-inigwele, an-sabguedgi an ise-wile be-dakoed.

Isaías 63:15

Bab-Dummadye, mogir-billi-akale, be nue atake. Be-neggandikid-islidikid-yeerdakleged-akale, be nue negdake. ¿Bia be-sabed-dummarbad, degi, be-gangued nade? Be-wile-dule-daked, degi, be-sabgued anmar daksulid.

Isaías 63:9

Bab-Dummad dule-abonogega, dule-e-nuggi-sunmaked, degi, baliwitur, barmiarsulid, na e-sunnad dule-abonosad. E-sabedgine, degi, e-wile-dule-dakedgine, bendaknonikid. Gannarse ogwichisad, na e-ganguedba sesad. Epennegwadyobi deyob imaksad.

Jeremías 31:20

Bab-Jehová soged: “¿Ar Efraín an-Machi-sabed-sunnadsursi? ¿Bur Efraínʼbina an nue-itosursi? Gandikidba an ega ibmar-sokalile, an ebinsaardaed. Efraín bur bela-belad an-gwage-ebudaed, we bur an nue-wiledaked.

Lamentaciones 3:22

Bab-Jehová-sabgued-dummad-nikad-ular, anmar bergussulid, e-wile-emar-daked gege bergued.

Zacarías 1:14

Geb baliwitur anga sogded: “Weyob be sogo: ‘Bab-Jehová-Bela-Gangued-Nikad weyob sogye: An bela-bela Sión-yar-sabedbali, an nue egi nobed. An bela-bela Jerusalén-neggwebur-sabedbali, an nue egi nobed.

Zacarías 8:2

“Ani Bab-Jehová-Bela-Gangued-Nikad, weyob soged: Sión-dulemarbina an bela-bela nue soged. An bela-bela nue-binasogedbali, an e-isdarmaladse sabsur-ulud gusad.”

Lucas 15:20

Machigwa gwichibin imaksad, na e-babse arsunnad. ”Machigwa amba dikasur daniki, bato e-bab daksabinned, na wile e-machi-dakdedbali, e-machi-abin abarmakded, ise-angaagwar e-machi-gadapid, degi, ei wagar udsunnad.

Deuteronomio 32:16

Baigan-bab-dummaganse-gotemaladgi, Bab-Dummad-nobguega imakdemalad. E-bab-dummagan-e-ibmar-wilubgan-sunnasurmaladgi, Bab-Jehová-ouludmalad.

Deuteronomio 32:36

”Ar Bab-Jehová e-dulemar-gargangued-sate-dakalir, bendaknonikoed. Bab-Jehová maimar-bergus-dakalir, degine, dule-maiga-gudisurmalad-bergus-dakalir, Bab-Jehová e-dulemar-wile dakdoed.

Deuteronomio 32:43

”Dulemar-yar-baid-baidginmalad, Bab-Dummad-dulamarba be wergumar. Bab-Dummad, ega-arbamalad-e-ablis-eosmalad buged-mai imakoed. Ar deyob gunonikoed. E-isdarmalad-buged-mai imakoed. Bab-Dummad e-dulamarga isgued osulogoed, degi, e-yala-e-isgued ega osulobaloed.”

Santiago 5:11

Ar anmar wisid, dule nunmaked-birgi-nakwisadgi nued binsalesye. Ar bemar bato itosad, igi-Job baisur-itosgusa. Degi, bemar wisbalid, a-sorbali, Bab-Dummad igi Jobʼga ibmar-uksa gusa. Ar Bab-Dummad dulemar-nue-sabed, degi, dulemar-nue-wiledakbalid.

Jueces 10:16

Geb Israel-dulemar bab-dummadyob-imaklemalad-sedimaladi bela osulosmalad. Geb gannar Bab-Jehová-sogedba nanadmalad. Bab-Jehová, Israel-dulemar-wilebukwad nue-geger-dakgusadba na nue-wiledaksad.