Joel 2:16 - Kuna San Blas

¹⁶ Bela dulemar-bukwad-onmakega imakmalo, bela dulemar swilidik ambikumalo. Sapin-dummagan bela onmakmalo, burwigana onmakmalo, goemarse-bakale, onmakmalo. Emisgwa-ome-nikusad e-gabedneggi nodage, emisgwa-sui-nikusad e-gabedneggi-maidgi nodamoga.

Joel 2:16 Iomraidhean Croise

2 Crónicas 20:13

Bela Judá-dulemar, Bab-Jehová-asabin gwigwichimalad, e-omeganse-bakar, e-machimalase-bakar, degi, e-mimmi-bipiganase-bakar, gwigwis nanaed.

2 Crónicas 29:5

Degi, Ezequías amarga sogded: “Levita-dulemar, nue an-itomalo. Na san-swilidik be imakmar. Degi, be-dadgan-e-Bab-Dummad-Jehováʼse-goled-neg swilidik be imakmarbalo. Bela Bab-Dummadse-goled-negyaba ibmar-isgana-bukwad be onimalo.

2 Crónicas 30:17

Ar dulemar-bukwadi, bukidar amba yoo Bab-Jehováʼga-arbaega na san urukmarsoggua, Levitaʼmar a-dulemar-ular sibad-wawaad-senigana, Bab-Jehováʼga ogumakar-ukegala oburgwisad.

2 Crónicas 30:19

We-dulemar-e-dadgan-e-Bab-Dummad-Jehováʼye, an bega sogdo, we-dulemar, bese-goled-neggi igar-maidba na san-urukmaksasur-inigwele, be wile dako.”

2 Crónicas 35:6

Israel-Dulemar-Oburgwilegoenad-Ibaga sibad-wawaad-senigwad be oburgwemalo. Bemar swilidik na be imakmalo. Degine, bela ibmar-abelemalad guagwar be urbemalo. Adi, be-gwenadgan sogedba Bab-Jehová-gayaburba-Moisésʼga-uklesadba imakmalagar.”

Job 1:5

Iba-onolesad-sorbali, Job e-masmalase gotedaed, ese dagmalaga, adi, Bab-Dummad-asabin swilidik-gumalagar. Job, bolegoedbali e-masmala-nuggine, wala-walagwenga ibmar-ogumakar-ukleged imakardaed, ade binsadaed: “Abakale, an-masmala, Bab-Dummadgi yolesmarsuaye, e-gwagegi ichakwa binsasmarsuaye.” Job weyob bali-bali ibmar imakardaed.

Salmo 19:5

Bab-Dummad dad-ibelerga mogir-billigi neg-nasiksad. Ar igi machered-ome-nikusad neg-oibosale, e-gabedneggi weligwar-noardae, deyobi, dad-ibeler wakudaryalaba noardaed. Ar Igi dule-abarmaked abarmaksokalir, yeer-itodae, deyobi, dad-ibeler nakwiardaed.

Éxodo 19:10

Bab-Jehová Moisésʼga sogded: “Emi, be Israel-dulemarse nao. Emi, degi, banedgi, Israel-dulemar an-nug-odummomalaga guakwaa isligwar-bukwa be imako. Deginbali, swilidik-guega mor na enukmarbalo,

Éxodo 19:15

Agi, Moisés dulemarga sogded: “Guakwaa ibapaagwad-idu ambikumalo, degine, melle na be be-omese gormalo.”

Éxodo 19:22

Ar dule-irwa-anse-gormalad amba anse warmakmar-inigwele, na e-san ise-bagagwar urukmalargebed. Ar degisulile, anse ogilolemogoed.

Joel 1:14

Bela dulemarse gormala, mer-bar-mas-gulleged-iba be nasikmalo. Be-Bab-Dummad-Jehováʼse-goled-neggi, girmar-dummagan be onmakmala, bela dulemar-we-yargi-gudidimalad be onmakmala, agi Bab-Jehováʼse ise-gollar imakmala.

Mateo 21:16

Amar Jesúsʼga sogdemalad: —¿Burwigana ibmar sogbukmalad be itoge? Jesús, abin-sogded: —Eye, an itoge. ”¿Ar bemar Bab-Dummad-Gardagi absodisurmarsi? ‘Burwigangi, degi, amba mimmigan-nunanaidgi, amar-sunmakedgi be-nug-odummoged be imaksad.’ ” Salmo 8:2

Mateo 9:15

Jesús, abin-sogded: —Dulemar ome-nikued-ibagi masgullegedse nonikile, ar dule-ome-nikuoed e-abargi-siir, ¿bukib binsamalo be insae? Geg bukib binsaed. Ar dule-ome-nikunaid e-idu-seledoed-ibagan nonikoed. A-ibagan-nonikile, agindi, Bab-Dummadse-golega mas-gunsuli gudigumalodo.

1 Corintios 7:5

Degisoggu, mer bemar na be gorsuli gudii gumalo. Degi-inigwele, ar bebogwa na be Bab-Dummadse-gorbied-ular, gatik ise-bagagwar gudii imakbied-ulale, na be igar-nabosmalardi, nabirdo. A-sorbali, na be gannar golewilubmalad. Deyob be dasurmalale, abakalegi na be geg-san-bargamaladba, nia-saila-Satanás isguega be-imakarmalale.

Josué 7:13

¡Josué, be gwisgue! ¡Israel-dulemar-swilidik be imake! Ega be sognae: ‘Banedse an-asabin-bukunonimaloed-iduale, na be gwage-swilidik imakmarye. Ani an Israel-e-Bab-Dummad-Jehová soged: Israel-dulemar, bemar-abargine ibmar-obelolegoye-soglesad selediid. Ar we-ibmar-obelolegoye-soglesad bemar-abargi be osulosurmalale, bemar be-isdarmaladgi be nakosurmalad.’

Josué 8:35

Josué bela Israel-dulemar-asabin, omegan-asabin, burwigana-asabin, degi, dule-yar-baidginmalad-asabin, we-Moisés-Igar-uksa-gusadi bela absosad, bipisaale soggwen obessulid.

1 Samuel 16:5

Samuel abin-sogded: —Eye, nuedgi an daniki. Bab-Jehováʼga ibdurgan-ogumakar-ukleged an ukdanikid. Bemar ise-bagagwar san imakmalo. Geb be ibdurgan-ogumakar-uklegedse be anba dagmalo. Geb degine, Samuel, Isaí, e-machimalabo san-bagagwar-imakega imaksad. Geb a-sorbali, ibdurgan-ogumakar-ukleged-ukedse anba dakmaloye ega sogsad.