Joel 2:13 - Kuna San Blas

¹³ Wile-itogedbali, mer mor-esirmakedgi be binsamar. Unnila gwagegi nunmaked-dummad-itonai be gumar. Be-Bab-Dummad-Jehová be gannar amimar, ar ade, Bab-Dummad, dule-nuedid, dule-wiledakedid, Gwae-gwae urwesulid, bela-bela emar-sabgumaid, sabsur-odurdakoye-sogda-inigwele, igi-barsaye sogdedaed.

Joel 2:13 Iomraidhean Croise

Génesis 37:29

Rubén dia-siidse gannar nonigu, José-sate dakalid. Geb agi, Rubén e-mor esirmaksad, oyogega, ede, nue-nunmak itoye.

Génesis 37:34

Geb degine, Jacob e-mor esirmakded. Geb wile-itogedba mor-sommed yosad, degine, iba-ichesuli e-machi-burgwisad-ular bodii gusad.

2 Samuel 1:11

David bela itosgua, naibid-dummad itononikid. A-ular, e-mor-yoid na siir-imaksad. David-e-sordagan itosmarmogua, deyob imaksamarmogad.

1 Reyes 21:27

Acab we-gaya-itosgua, e-mor-yoid siir-siir imaksad, geb wile-itoged-mor-sommed yosad. Agine, bar mas-guchasulid. Deyob wile-itoged-mor-yoi.

2 Reyes 22:11

Degi, rey, Bab-Jehová-Igar-Mesisad-Garda-itosgua, nunmak-itogedba e-mor-yoid na siir-siir imaksad.

2 Reyes 22:19

gwagegi naibid-dummad na be itosad. An-asabin san-bipii be imaksad. We-neggweburnik, degi, e-dulamarnik ibmar-guoed be itosad, ade, we-neggwebur bela-napabi-daarmakar an nasikoye sogsad. Ise-ukabsalegar an imakoye sogsabalid. Ar na be mor-yoid esirmaksadi, an be-daksad, degi, an-asabin ogormaksii be gusadi, bela an be-itosad. Ani an-Bab-Jehová-guedgi deyob an soged.

2 Reyes 5:7

Israel-dulemar-e-rey garda absosgu, e-mor-yoid siir-siir-imaksad, degi, sogded: “¿Ar an, Bab-Dummadsi? ¿An dulemarga burba-dulad-ukedsi, degi, dulemar-obelobalidsi? Emide, we-dule anga sogsiid, dule-naibe-buna-yaa-maleged-nikad, ega nudakoye. An dakegua, angi-urwega anga boni-onobieyob an dakdo.”

2 Reyes 6:30

Rey, deyob ome soge-itosgu, sae-itoded, e-mor-yoid siir-siir imaksad. Rey galu-matusulid-birgi garmakdiisoggu, dulemar na dakarmalad, rey e-mor-dummad-urba wile-itoged-mor-yoi nadapi.

2 Crónicas 6:27

nibneggi-mai be itogoed. Be-maimar-Israel-dorganga isgued be elioed. Geb be igar-nuedba-nanaedgi Israel-dulemar be odurdakoed. Geb be Israel-dulemarga yar-ega-uklesadgi be dii owisunnoed.

Nehemías 9:17

Anmar-dadgan yapa be-ito gusmalad. Degine, ibmar-dakledisulid-ega-be-imaksadi, gwen ebinsassurmalad. Ar be-itossurmarsoggu, amar begi-yoledmalad. Geb na e-dummad-amismalad, adi, gannar Egiptoʼse na maiga-wiledii gunamalagar. Degi-inigwele, Bab-Dummad, bedi amargi bangussulid. Ar Bab-Dummad, bedi dule-wiledaked maid. Bedi sabedgi igar-nudaked, dule-wiledakedba sabedgi be ibmar imaked. Be wissur gwae-gwae sae-itodaed. Be-sabgueddi bur dummarba gued. A-ular, be-dulamar, be iessulid.

Job 1:20

Degidgine, Job gwichibin imaksad, nunmak-itogedbali mor-dummadyoid siir imaksad, degine, e-nono swiri imaksabalid, napase dulluu imaksad, Bab-Dummad-nug odummosad.

Salmo 103:8

Bab-Jehová dule-wiledakedid, dule-nuedid, irgwensuli urwesulid, e-sabguedi dummarbad.

Salmo 106:45

e-dulamarbo-igar-mesisad ebinsaded. Sabbarsoggua, wile dakded.

Salmo 34:18

Bab-Jehová dule-naibi-itodimaladba gudiid, dule-bukib-binsadimalad nue-bendakbalid.

Salmo 51:17

Ar begardi, dule-na-e-isguedga-wile-itogedi, ibmar-uklegedba bur-nued gued. Bab-Dummad, dule-na-e-isguedga-bukib-itogedi, bedi isdar daksulid.

Salmo 86:15

Bab-Jehová, bedi dule-nuedid, emar-wiledakedid. Bedi, baisursunna urwesulidid, sabgued-dummad-nikadid, dule-innikigwadbalidid.

Salmo 86:5

Bab-Dummad, be dule-nued gued, isgudsuliyob be emar-dakedid. Dulemar-bese-gormalad be bela-bela sabed.

Isaías 57:15

Ar ade, ani an Bab-Dummad-degisadegu-maidid, an-nuga Isligwaledid, weyob an soged: Ani an niba-maid, neg-isligwaledgi an maid, degi, dulemar-bukib-binsadimaladgi, degi, gwage-eikwaa-imakmaladgi an burbar maibalid. Adi, dulemar-gwage-eikwaa-imakmaladga niga-ogannogegar, degi, dule-bukib-binsadimalad baisur-ito imakegar.

Isaías 58:5

Weyob mas-gunsuli-gudiguedgi, ¿dule na dukin san-wiodii imakoye an sogsasi? Nargammu-dopee-daklegedyobi, ¿nono-dullu-gudiguoye an sogsasi? Gwage-naibid-oyogega, ¿wile-itoged-mor-yoi gudiguoye an sogsasi? ¿We be bimarsunde, mas-gunsuli-gudigued an yeer dakye? Degi, ¿Bab-Jehová-iba-nued guye?

Isaías 66:2

Ani Bab-Jehová soged: Ar belagwable we-ibmarmar ani an obinnisad, deyobi nagunonikid. ”Ani an dule-wilemalad, dule-suli-suli-itodimalad, degi, an-gayaburbaba binsaed-nika-nanadimalad, an yeer-daked.

Jeremías 36:7

Adi, emar-Bab-Dummadse-goloedi, sunna Bab-Jehováʼse warmakega, deginbali, e-isgumalad-igargi banguegar. Ar Bab-Jehová we-dulemargi-urwedi, sae-itogedi, yeer-gangued.”

Jeremías 41:5

Siquem-akale, Silo-akale, degi, Samaria-akale, dulemar dulabake-mergu (80) Mizpaʼse nonimalad. A-dulemarde siga-eniar-eniar, nonimalad, degi, mor-siir-siir, degine, na dukin e-abagan daas-daas-imaksa nonimalad. Ibmar-gwagmar, degi, ina-wawadikmalad, Bab-Dummadse-goled-neggi-ukega senonimalad.

Jeremías 42:10

” ‘Ar bemar we-yalagi ambikuega guakwamalale, an be-onasgumai samaloed, an bemar-obelogosulid, an bemar-urboed, an bemar-osulogosulid. Ar ade, an bemargi boni-dummagan-barmisadi an nue-nunmak itoged.’ ”

Ezequiel 9:4

Bab-Jehová ega sogded: “Jerusalén-neggweburgi be bipirmaknae. Geb neggweburgi ibmar-isgana-imakleged-ular, dulemar-bukib-binsadidimalad-e-bebegi, degi, bela wile-itodidimalad-e-bebegi, be wilub nasiknae.”

Oseas 14:1

Oseas Israel-dulemarga weyob sogded: “Israel-dulemar, be-Bab-Dummad-Jehováʼse be gannar dagmar. Ar bemar na be-isguedgi-argwanega na be imaksamalad.

Jonás 3:9

Abakale, Bab-Dummad, wile anmar-dakalile. Bela-bela sabsur-anmar-odurdaksokalidgi, bar sabsur-anmar-odurdakarsulile, adi, melle anmar burgwemalagar.”

Jonás 4:2

Geb Jonás, Bab-Jehováʼse goted. Weyob ega sogded: —Bab-Jehová, ¿ar an we-obarissursi, deunni an-yargi an gudigu? Agala, an Tarsis-neggweburse nadegusanad. Ar an nue-wisid, be, Bab-Dummad-emar-saberbadid, be, wile-emar-dakedid. Be wissur-gwae-gwae urwebalidid. Ar be, dulemar-nue-sabsoggu, emar-sabsur-odurdakoye be sogdaenad, degite, be sorba sogdedabalid, be-isgued bergusye.

Miqueas 7:18

Bab-Dummad, ¿ar doa beyobid e-mimmigan-besmaladga isgusad-elied gudii? ¿Doa beyobid ibmar-isgana-imaksad bela ei-ieged gudii? Ar be degisadegu, urwedii guosulid, ar ade, bur bule anmar-sabguedgi be binsaed.

Nahúm 1:3

Bab-Jehová wissur gwae-gwae urwed. Bab-Jehová bela-bela gangued nikad. Bab-Jehová dule-ibmar-oakalosad sabsur-odurdakedsegad. Bab-Jehová burwa-oored-abargi, burwa-dummad-abargi gudidaed, mogir Bab-Jehová-e-nanaedba ukub-ainakweyobi gued.

Números 14:18

‘An wissur gwae-gwae urweye. Bela-bela dulemar-sabye. Degine, dule-begi-isgusad, ega be elidaye. Deginbali, dule-begi-gwisgued ega be elidabarye. Degi-inigwele, be sogdasulid, dule-isgusad an sabsur-odurdakosurdeeye. Ar babgan-isgusad-ular, be, e-mimmigan, e-wagan, degi, e-wagan-yokorgined, degine, e-wagan-yarganbalid be sabsur odurdakdaed.’

Romanos 2:4

Ar Bab-Dummad dule-nued-daedbali bega e-ibmar-nuegan-ukmaid, be, ¿baisur dakde? Bab-Dummad mer sabsur-be-odurdakega na e-san-bargamaid, be, ¿baisur dakde? Degine, Bab-Dummad be-ibmar-isgana-imaked na e-baisur-itogeyob-maid, be, ¿baisur dakde? Ar Bab-Dummad begi-nued-binsaedba, isguedgi bangued be imakbied, ¿ar be aku itosi?

Efesios 2:4

Emigindi, Bab-Dummad, bela-bela wile anmar-daksoggu, nue dummarba anmar-sabgusad.

1 Timoteo 4:8

Ar abaganmar-ogannolegedi igar-nuedindo, degi-inigwele, ulubgi-burba-ogannoleged bur-igar-nuedid. We-burba-ogannoleged, emisgwa-gudiguedgarbisulid, yoedse Bab-neggi-gudii guedgarbalid.