Joel 2:11 - Kuna San Blas

¹¹ Bab-Jehová, e-sordamar-idu-nadapi, maryob e-gaya-goled itogega imakoed. Bab-Jehová-e-sordamala bukidarad, e-igar-uksadba-ibsamaladi, gege ebisleged. Bab-Jehová-danikid-e-iba gwayed-dummadid, dobed-dummadid. ¿Doa abin-gwisguoe?

Joel 2:11 Iomraidhean Croise

Salmo 18:14

Bab-Jehová sigu-milegeyob e-isdarmaladgi mar-odealid. Bab-Dummad e-isdarmalad-oduurmaksad, e-isdarmalad-oabarmakega imaksad.

Salmo 46:6

Bab-Dummad-sunmakdele, dulemar-yar-baid-baidgi-bukwamalad dobguddamalad, neggweburmar-bubukwad giglimakdedaed.

Salmo 68:18

Bab-Dummad-Jehová, niba be nakwisgua, dule-galesmalad beba be sesa gusad. Dulemar-ibmar-bega-binsa-uksad be susad, dule-uayasulidamalad-e-ibmar be susad. Adi, be be-dulamar-abargi gudii guegar.

Isaías 13:4

¡Be itomar! Yalaganba neg-oimake itoleged, dulemar-ichesur-oimakedyob itoleged. ¡Be itomar! Neggwebur-dummagan-atosmalad-oimaked, be itomar, mala-gollomakedyob e-oimaked itoleged. Bab-Jehová-Bela-Gangued-Nikad, bila-onogega, sorda-bila-onomalad-guagwar urbenaid.

Isaías 42:13

Bab-Jehová dule-bila-onogedyob nodagoed. Dule-bila-onoged-urweyobi uludagoed. Binnasuli urwedgi bila-onodagoed, e-isdarmaladgi obinoed.

Isaías 7:18

A-ibagangine, Bab-Jehová, Egipto-sorda-diwar-dukuba-dikasur-bukmaladse wigooed. Amala gukurmaryobi bemarse barmidagoed. Degi, Asiria-yalagi-bukmaladse wigobaloed. Bemarse burmaryobi barmidagoed.

Jeremías 25:30

”Emi, Jeremías, we-dulemarga bela we-ibmar an bega-soged be soge: ‘Bab-Jehová, nibneggi binnasuli urwemaid, e-neg-islidikid-akale, malayob e-sunmakedi goled. E-dulabina nue-itos maid. Igi-dulemar uvaʼgi-annanair binnasuli-gornanaidae, deyobi, Bab-Jehová, bela dulemar-napneggi-bukwadgi binnasuli goled.

Jeremías 30:7

¡Duledar-wiles! Ibagan-bulegan, ibagan-weyobid-dakledisulid omos. Jacob-dulemarga, suli-suli-itoged-ibaga guoed, degi-inigwele, we-ibagan-bulegangi ollorgumaloed.”

Jeremías 50:34

Ar dule-e-bendakeddi, dule-dutusulidid, ani an Bab-Jehová-Bela-Gangued-Nikadye nugad. Gandikidgi an bendakoed, nega-bogidikid an ega nasikoed. Babilonia-yalagindina, an dobed-dummad nasikoed.”

Ezequiel 22:14

An sabsur-be-odurdakye sogele, ¿an-abin be gwichigusar be itoge? ¿Gangued-nika nader be itoge? Ani an Bab-Jehová-guedi weyob soged, sogedba an imakoed.

Joel 1:15

¡Iba-buledi danikid! ¡Bab-Jehová-e-iba bato warmakdanikid! Bab-Dummad-Bela-Gangued-Nika-Maid-e-iba, ibmar-bergued-iba guoed.

Joel 1:6

Ar dule-yar-baidgi-bukmalad-gandikmalad-bukidar, an-yargine ubononikid. E-nugarmar, achumigur-nugarmaryobi nikamalad. E-nugar-suigan, achumigur-e-ome-nugaryobi nikamalad.

Joel 2:1

Sión-yargine gar-trompeta ogormar, an-yar-islidikidgi neg-owisoleged-gar be ogormar. Bela dulemar-we-yargi-gudimalad wawanmakmar, ar ade, Bab-Jehová-danikid-e-iba mosad, ar bato nue-warmaksad.

Joel 2:2

A-ibagi, negasichid nagunonikoed, neg gudure sigoed. Mogirmar-gudureged nagunonikoed, neg daas sigoed. Igi neg-oibodanikile, bela yarmargi neg-mee imakdanidae, deyobi, dule-bukidar dule-bulegana danimaloed. Epenne we-dulemaryobid dulemar gwen dakledisulid, deginbali, yoedsega dulemar-deyobid gwen daklegosurbalid.

Joel 2:25

Bab-Jehová soged: “Ses-danagwen-gudimalad, ses-dummagan, ses-sapingana, ses-burwigan, birga-nasmaladgine bemar-ibe bela ibmar-gwag guchagusad, gannar bemar a-ibmarmar-nikuega an be-imakoed.

Joel 2:31

Bab-Jehová-e-iba-dobegwar-itoleged-danikoed-idu, e-iba-gwayed-dummad-danikoed-idu, dad-ibegwar-ganaidi negasichidga gudoed, nii-ganaidi ablisgi-oglesayobi ginnitibi daklenonikoed.

Joel 3:14

Neba-Decisiónʼye-nugadgine, dulemar-bukidara onmakdanikid. Neba-Decisiónʼye-nugadgine Bab-Jehová-e-iba warmakdanikid.

Joel 3:16

Bab-Jehová Sión-yar-akale, achumigur-nono-wawaadyobi binnasuli gordagoed. Jerusalén-neggwebur-akale, mar-goleyobi binnasuli sunmakdagoed. Bela napneg-naid, nibneg-naid, giglimakdoed. Ar Bab-Jehováʼdi e-dulamarga dukued-negga gunonikoed, Israel-dulemarga ganguedga gunonikoed.

Amós 1:2

Amós sogded: “Sión-yala-akale, Bab-Jehová uludagoed, Jerusalén-akale, mar-goledyob e-gayaburba gordagoed. Sibad-wawaad-nikamalad-e-nainugi gagan-ara-ara-nanaid bela bergudoed. Carmelo-yar-birigi-gagan-nanaid dingudoed.”

Amós 5:18

Dule, Bab-Jehová-sabsur-odurdaked-iba-abitogele, ¡duledar-wilesmar! ¿Ar ibiga we-ibade edarbesunna? Ar we-iba negasichidbi naguoed, neg-meegwad naguosulid.

Amós 5:20

Bab-Jehová-sabsur-odurdaked-ibade negasichidbi-nai guoed, neg-meegwad-nai guosulid. Bela neg-gubyagwaledbi-nai guoed, neg dale-dalesaar daklegosulid.

Abdías 1:15

Bab-Jehová soged: “Ar bela dulemar-sabsur-odurdaked-e-ibagan warmaksad, Edom, ar igi be dule-imaksa, deyobi, be gumogoed. Igi be dulemar-imaksagusa, emigi be bela itomogoed.

Nahúm 1:6

Bab-Jehová-e-urwed-abin, ¿doa gwisguoe? Bab-Jehová-e-sae-itoged-abin, ¿doa gannarbaa gwisguoe? Bab-Jehová-e-urwedi, soo-gwabunye-gwichidyobi gued, e-asabin akwasailagan bela ese ubigwar gued.

Malaquías 3:2

Degi-inigwele, ¿doa, e-iba-danikid-abin baisur-itogoe? ¿Doa, a-dule-danikir, e-asabin unni gwisguoe? Ar a-dule, soo-ibmar-swilidik-imakedyobi gued, morgauk olli-nanaid-eliedyobi gued.

Números 24:23

Berguegala, Balaam, Bab-Jehová-ega-sogsadba weyob napi sogded: “¡Wilesdakle! Bab-Dummad weyob neg-imakdele, ¿doa san-onogoe? Dule geg san-onoge.

1 Tesalonicenses 4:16

Bab-Jesús-sunnad Bab-Dummad-gayaburba-ganguedba, baliwitur-dummad-gayaba, degi, Bab-Dummad-gar-trompetaʼba, nibneggi aidedagoed. Geb dulemar-Cristoʼgi-bengussuli-burgwismalad-inse durgudagoed.

Apocalipsis 18:8

Degisoggu, unnila ibagwen-abalakwaa e-bonigan egi yolenonikoed: Burgwed egi nonikoed, boed egi nonikoed, ukudmesed egi nonikoed, degine, soogi gummakoed. Ar ade, Bab-Dummad-Bur-Birigined-Igar-Nabogedid, bela-bela gangued nikad.”

Apocalipsis 6:17

Ar wemar-ibagan-buled-e-iba nonikid. Degisoggu, ¿doa wemar-asabin gwisguoe? Geg dule gwisgued.”