Joel 2:1 - Kuna San Blas

¹ Sión-yargine gar-trompeta ogormar, an-yar-islidikidgi neg-owisoleged-gar be ogormar. Bela dulemar-we-yargi-gudimalad wawanmakmar, ar ade, Bab-Jehová-danikid-e-iba mosad, ar bato nue-warmaksad.

Joel 2:1 Iomraidhean Croise

1 Crónicas 15:28

Weyob bela Israel-dulemar, Bab-Jehová-Ulu-senadapi guarmalad. Doggus-weligwaledba we-garmar-ogornadapi gusmalad: Gar-bocinaʼmar, gar-trompetaʼmar, gar-címbaloʼmar, gar-salterioʼmar, degi, gar-arpaʼmar ogornadapi gusmalad.

Salmo 119:120

An be-dobedbali, be-asabin an wawanmakgwichid, Be-Igar-Nabolemalad-dobee an itoged.

Salmo 87:1

Bab-Dummad-e-neggwebur-e-negsailamar yar-islidikidgi mamaid.

Éxodo 10:14

A-sesmala, bela Egipto-yargi ubononikid. We-ibagangi sesmar-ichesur-ubononikidyob iduale weyob neg gudisulid. Degine, we-sorbali, weyob guosurbalid.

Isaías 13:6

¡Be bomarsun! Bab-Jehová-urwemaid-iba omosad, Bab-Dummad-Bela-Gangued-Nikad bemar sabsur-odurdakoed-e-iba danikid.

Isaías 13:9

¡Be dakmar! Bab-Jehová-urwed-e-iba danikid: Iba-buled dani, yeer-gangued-iba, bela-belad-urwed-iba dani, napneg ollobi daarmakar nasikoed, agine, bela dule-isgubukmalad obelogoed. Bab-Jehová soged:

Isaías 2:12

Bab-Jehová-Bela-Gangued-Nikad ibagwengi nonikoed, bela-dulemar-na-san-dummarba-imakmaladgi, dulegi-mesagwar-sunmakmaladgi, gwichigunonikoed, dule-na-san-bule-bule-samaladgi, gwichigunonikoed. A-e-nugmar bipii imaknonikoed.

Isaías 66:2

Ani Bab-Jehová soged: Ar belagwable we-ibmarmar ani an obinnisad, deyobi nagunonikid. ”Ani an dule-wilemalad, dule-suli-suli-itodimalad, degi, an-gayaburbaba binsaed-nika-nanadimalad, an yeer-daked.

Isaías 66:5

Bemar Bab-Jehová-gayaburba-dobee-nanadimalad, Bab-Jehová-gayaburba be itomala: “Be-gwenadgan-sae-be-dakdimaladi, degi, an-nug-ular-be-obandimaladi, dodoakwaa weyob sogmalad: ‘Bab-Jehová, e-gargangued oyoge, adi, anmar bemar-weligwar-itoged dakegar.’ Ar isdar-be-dakmaladdi bingegumaloed.”

Jeremías 16:10

”Bela be we-dulemarga we-ibmarmar-sogsale, we-dulemar bega sogdamaloed: ‘¿Ibiga Bab-Jehová weyob anmar-imakbiye soge? ¿Ibu-ibmar-isgana anmar imaksasunna? ¿Ibugi anmarde anmar-Bab-Dummad-Jehováʼgi nossunna?’

Jeremías 16:7

”Deginbali, gwen dule, dule-burgwisadga-bonaidgala-e-gwage-baisur-ito-imakega, masgunned ukosurbalid. Deginbali, gwen dule, ega gwage-baisur-ito-imakega gobed ukosurbalid. Degine, amba e-nan-burgwisdibe, e-babdibe, gwen dule ega ibmar ukosurbalid.

Jeremías 4:5

“Judá-yalagi, bela be sunmako. Jerusalén-neggweburgi, bela gayaburbamar be mimimar. ‘¡Bela yalamargi gar-trompeta be ogormar!’ Binnasuli gandikidba be gormakmar. Weyob sogmar: ‘Anmar danar-ambikumar, neg-gandikmaladse ubonamar.’

Jeremías 5:22

Ani an Bab-Jehová soged: “Ar bemar, ¿bar an-dobsurmarde? Ar bemar, an-dobguewilubmalanad. Ani an ukub nasiksad, adi, demar-abingunaidga guegar. Demar-abingunanaid degisadegu-mai guoed, gwen berguosulid. Amba demar binnasur-arwedago-inigwele, degine, uurmakdago-inigwele, e-igar-abingunanaidgi gwen dogosulid.

Ezequiel 12:23

Degisoggu, we-dulemarga be sogo, Bab-Jehová-Bela-Gangued-Nikadi weyob sogye: ‘We-deyob-sogleged mer bar sogmalaga an imakoye, Israel-yargine gannar-gannar bar sogosurmalad.’ Deginbali, ega be sogbalo: ‘Ibagan daniye, negburgan-daklesad-sanar-gued-ibagan, daniye.

Ezequiel 21:12

” ’Dule-machi, be gole, be nunmak-itogedba boe, ar we-es-suid an-dulamar-oburgoed, ar we-es-suid bela Israel-dummagan ogilogoed. Bela Israel-dummagan, an-dulamarba burgwemarmogoed. ¡A-ulale, bukib-itogedba be binasgar-bibyoge!

Ezequiel 30:3

An-iba warmakdanikid, a-iba bato omodanikid. Negasichid-iba omosad, dulemar-yar-baid-baidgi-bukwamaladga sabsur-odurdakleged-iba omosad.

Ezequiel 33:3

We-dule-neggweburgi-nakulegwichid, e-isdarmalad-bila-onomalad warmakdani dakalile, dulemar-owisogega gar-trompeta ogoloed.

Ezequiel 33:6

” ’Ar we-dule-neggweburgi-nakulegwichid, e-isdarmalad-bila-onomalad warmakdani dakalile, dulemar-owisogega gar-trompeta ogorsulile, e-isdarmalad-nonikoedi, dule-wargwen-oburgwisale, we-dule-burgwisad na e-isguedba burgwisad. Degi-inigwele, we-burgwisad dule-neggweburgi-nakulegwichidgi an atakoed.’

Ezequiel 7:10

”Bato ibagan warmaksad, bato weginbinned. Israel-yar, be-ibagan-bergued nonikid. Igar-innikigwad-imakleged bar imaklesulid, bela san-dummarba-imakedbimalad.

Ezequiel 7:12

Wachi mosad. Iba warmaknonikid. Dule-ibmar-baked, melle be yeer-itoge, dule-ibmar-uked, melle be bomoga. Ar an-urwed bela Israel-dulemar-sabsur-odurdakoed.

Daniel 6:26

”We-garda-meslenaidi, ani an mesnaid: Bela an-negsemaidgine, bela dulemar Daniel-e-Bab-Dummad-nug odummomalo, eba ibsamalo. Ar Daniel-e-Bab-Dummad, Bab-Dummad-Dula-Maidid, na degisadegu maidid. E-negsemaid bipisaar akar-guosulid. Deginbali, bela e-neg-ganikid bipisaar gwen berguosulid.

Daniel 9:16

Bab-Dummad, be-ibmar-innikigwad-imakedba, be-urwed, be-sae-itoged, Jerusalén-neggweburgi mer be bar imake. Ar Jerusalén be-neggwebur gued, be-yar-islidikid gued. Anmar-isgusadbali, degi, anmar-dadgan-isgusadbali, anmar-dikarba bela-dulemar-yar-baid-baidgi-bukwamalad Jerusalén-neggweburgi, degi, be-dulamargi dodobukwamalad.

Daniel 9:20

“An-Bab-Dummad-Jehováʼse amba an gorsii gualid, an ega an-isgusad barsognai gualid. Degi, an-Israel-dulemar-e-isgusad an barsognai guarbalid. An ese e-yar-islidikidga gorsii guarbalid.

Oseas 5:8

“Gabaa-neggweburgi moli-bebe-gar be ogormar, Ramá-neggweburgi gar-trompeta be ogormar. Bet-Avén-neggweburgi binnasuli be bila-onogedgi-gormakedyobi be gormakmar: ‘Benjamín-neggwebur, nue-salakar.’

Oseas 8:1

Bab-Jehová sogdebalid: “¡Gar-trompeta be ogole! Ar sulubagi anse-goled-neggi sigdanikid. Ar Israel-dulemar, anbo-igar-mesisad obelosmalad, an-Igar-Maidgi yolesmalad.

Joel 1:15

¡Iba-buledi danikid! ¡Bab-Jehová-e-iba bato warmakdanikid! Bab-Dummad-Bela-Gangued-Nika-Maid-e-iba, ibmar-bergued-iba guoed.

Joel 2:11

Bab-Jehová, e-sordamar-idu-nadapi, maryob e-gaya-goled itogega imakoed. Bab-Jehová-e-sordamala bukidarad, e-igar-uksadba-ibsamaladi, gege ebisleged. Bab-Jehová-danikid-e-iba gwayed-dummadid, dobed-dummadid. ¿Doa abin-gwisguoe?

Joel 2:15

Sión-yar-birgi gar-trompeta ogormalo, dulemar-onmakega ese gormalo, masgullesulid-iba nasikmalo.

Joel 2:31

Bab-Jehová-e-iba-dobegwar-itoleged-danikoed-idu, e-iba-gwayed-dummad-danikoed-idu, dad-ibegwar-ganaidi negasichidga gudoed, nii-ganaidi ablisgi-oglesayobi ginnitibi daklenonikoed.

Joel 3:14

Neba-Decisiónʼye-nugadgine, dulemar-bukidara onmakdanikid. Neba-Decisiónʼye-nugadgine Bab-Jehová-e-iba warmakdanikid.

Joel 3:17

Bab-Jehová e-dulamarga sogded: “Geb degine, bemar wisgunonikoed, ani an be-Bab-Dummad-Jehová, an-yar-Sión-islidikidgi an maid. Jerusalén-neggwebur islidikidga gunonikoed. Sordamar-yar-baidginmalad gandikidba bar egi ubogosurmalad.

Amós 3:6

¿Neggweburgi gar-trompeta gollalile, dulemar dobedba oimakardasur be ebinsae? Eye. ¿Neggweburgi boni-dummadgan-noedi, Bab-Jehová imaksur be ebinsae? Eye.

Amós 5:18

Dule, Bab-Jehová-sabsur-odurdaked-iba-abitogele, ¡duledar-wilesmar! ¿Ar ibiga we-ibade edarbesunna? Ar we-iba negasichidbi naguoed, neg-meegwad naguosulid.

Amós 8:2

Degi, anse egichided: —Amós, we, ¿ibu be dake? Degi, an abin-sogde: —Garbagi sapi-san-gorogana-bukwa an daked. Degidgine, Bab-Jehová anga sogded: —Israel-dulemar-e-bergued-ibagan warmaknonikid. Ibmar-san-gorogwayobi berguoed. Israel-dulemarga e-isgued bar an eliosulid.

Abdías 1:15

Bab-Jehová soged: “Ar bela dulemar-sabsur-odurdaked-e-ibagan warmaksad, Edom, ar igi be dule-imaksa, deyobi, be gumogoed. Igi be dulemar-imaksagusa, emigi be bela itomogoed.

Sofonías 1:14

“Bab-Jehová-e-urwed-dummad-iba bato walikgudanikid, a-iba gwae-gwae modanikid. Bab-Jehová-e-urwed-dummad-ibagine, sabsur-gormaknanai gumaloed. Dule-buledse-bakale, binnasuli-gornai guoed.

Sofonías 1:16

Gar-trompeta-goled-iba, bila-onogega oimaknanaigumaloed-iba, naguoed. A-ibagi, neggweburmar-sakdigar-bukwadgi-bila-ononaegala, igar uklegoed. Negmar-matusur-gwigwichidgi-urwenamalaga, igar uklegoed.”

Sofonías 1:7

Bab-Jehová-Bur-Gandik-Maid-asabin bogidik sigmalo, ar Bab-Jehová-e-iba bato mosad. Bab-Jehová ibmar-ogumakar-ukleged guakwaa urbisad, ese-dagega-gorlesmaladi swilidik imaklesmalad.

Sofonías 3:11

A-ibagine, be angi-yoledigusadgine, bar be bingeguosulid. Be-abargi dule-na-san-dummarba-imakdiid, dule-na-nuga-nikadga-imakdiid, an obelogoed. Deyobi, an-yar-islidikidgi, bar na san-dummarba-imakdii guosulid.

Zacarías 14:1

“¡Jerusalén-neggwebur! Bab-Jehová-e-iba danikid. A-ibagine, be-ibmar be-galimbabali mimilenai gudoed.

Zacarías 8:3

Bab-Jehová weyob soged: “An Sión-yarse gannar nonikoed, an Jerusalén-neggweburgi megnonikoed. Jerusalén-neggwebur Napiragwad-Neggweburye nuggunonikoed. Bab-Jehová-Bela-Gangued-Nikad-e-yar Islidikid-Yarye nuggunonikoed.”

Malaquías 4:1

Bab-Jehová-Bela-Gangued-Nikad soged: “Be dakmar, bato iba danikid, igi-maduyoedgi soo gwabunyesiidae, deyobi iba danikid. Bela dulemar-na-san-dummarba-imakdimalad, degi, bela dule-isganamar gagan-dinnagwadyobi gumaloed. A-ibagine, an wemargi soo ogaoed, bela-e-malimarse-bakale, degi, e-anaganse-bakale, an swanga imakoed.

Números 10:2

“Gar-trompeta, walabo manigi be sobo. We-garmarde mardogi binnaa sarsoar be soboed. We-gar-trompetaʼde dulemarse golega be ebugoed. Degine, dulemar-danar-danar-bukwad baid-negsik-sedesokalile be ebubaloed.

Números 10:3

We-gar-trompeta warbobela be ogotele, bela dulemar be-asabin dulemar-anbo-ambikued-neg-yawagak-abin ambikunonimaloed.

1 Corintios 14:8

Deginbali, gar-trompeta nuekwa ogorlesulile, aku-itolegele, ¿doa urwenaega na guagwar gudioe? Guagwar gudigussurmalaled.

Filipenses 2:12

Degisoggu, an-gwenadgan-sabesailamalad, an bemar-abargi-gudigusgu, bemar gusgu an-ibmar-sogedba ibsadamalad. Emigindi, an bemarba-gudisulidgi bur bule be anba ibsamala. Bab-Dummad-dobegwadgi, degi, Bab-Dummadgi-nue-binsaed-nikagwadgi, be-abonolesadgi be alamaknai samala.

1 Tesalonicenses 5:2

Ar bemar nue-wismalad, Bab-Jesús-danikoed-e-iba, ukiagwar nonikoed, igi-atursamalad ukiagwar mutik nonidae, deyob nonikoed.

Santiago 5:8

Bemar deyobi mer be gwae-gwae itomarmoga, na be gwage ogannomarsun. Ar Bab-Jesús-gannar-danikid-e-ibagan warmakdanikid.

1 Pedro 4:7

We-napneg-bergued-ibagandi owarmaksad. Degisoggu, nue-binsaed-nikaa be gudii gusun, degine, nue be ataksun, Bab-Dummadse gatik be gorsun.

Apocalipsis 6:17

Ar wemar-ibagan-buled-e-iba nonikid. Degisoggu, ¿doa wemar-asabin gwisguoe? Geg dule gwisgued.”