Joel 1:9 - Kuna San Blas

⁹ Bab-Jehováʼse-goled-neggi ibmar-gwag-orosgi-dakleged-ukleged bar uklesulid, degi, vinoʼmar bar uklesurbalid. Dule-irwa-Bab-Dummadse-gormalad Bab-Jehováʼga-arbamaladi, bomarmogad.

Joel 1:9 Iomraidhean Croise

2 Crónicas 13:10

”Ar anmar-Judá-dulemardi, Bab-Jehová-obachasurmalad, ar ade, Bab-Jehová, anmar-Bab-Dummadid. Anmar-irwa-Bab-Dummadse-gormaladdi Aarón-masmala-gued. Amar amba Bab-Jehováʼga ibmar-imaked. Degine, Levita-dulemardi e-bendakmalad-gued.

Éxodo 28:1

Bab-Jehová Moisésʼga sogdebalid: “Be-ia-Aarón, degi, e-machimala Nadab, Abiú, Eleazar, Itamar, amala bese warmaked be imako. Wemar, anga Israel-dulemar-abargi dule-irwa-anse-gormaladga gumaloed.

Isaías 61:6

Ar bemardi weyob biledmaloed: ‘Dule-irwa-Bab-Dummadse-goled Bab-Jehováʼgadye.’ Bemarga sogdemaloed: ‘Anmar-Bab-Dummadga ibmar-imakmaladye.’ Dulemar-yar-baid-baidgi-bukmalad-e-ibmar-nuegangi, be yeer itomaloed. E-ormar-sunsogmaladi, be yomaloed.

Lamentaciones 1:16

”Bela we-ibmala boega an-imaked, boedba nue an ataksurgusad. Dule-an-gwage-baisur-ito-imaked an-walik gudisulid, dule-wis-gadi-gadi-an-imaked, an daksulid. Ar an-isdarmalad anmargi nakwissoggu, an-mimmigan wargwen melledmarsunnad.”

Lamentaciones 1:4

Sión-neggweburse-naega igarmar-mamaidi, wiles dakleged, ar e-itoakwaa-ibagan-onolegedse dulemar bar nanasurmalad. Bela e-yawagakmar bergus gwigwichid. E-dule-irwa-Bab-Dummadse-gormalad bodimalad. E-yagana, wile itodimalad. Jerusalén-neggweburgi bela nunmakedbi neg-nagusad.

Oseas 9:4

Bab-Jehováʼga bar vino-eoleged ukosurmalad, e-ibmar-Bab-Dummadga-ukmalad, bar ega ibnuedga guosulid. Madu-gullegoedi dulemarga madu-dule-burgwaled-neggi-gullegedyob ega guoed. Dule a-madu-guchale, swilidiksuli guoed. Unnila sikwas nabir-itogega ega guoed. Degi-inigwele, we-madu, Bab-Jehová-negse seledosulid.

Joel 1:13

Dule-irwa-Bab-Dummadse-gormalad, be wile-itomar, wile-itoged-mor be yomar. Bab-Jehováʼga-ibmar-ukleged-ailagi-arbamalad, naibid-dummad be itomar. An-Bab-Dummadga-arbadimalad, be dagmala, wile-itoged-mor-yoi, be oibomar, ar ibmar-gwagmar, degi, vinoʼmar Bab-Dummadse-goled-neggi bar uklesulid.

Joel 1:16

Anmar-masgulleged, ¿anmar-wagab anmar-ibe sulenai gussursi? Anmar-Bab-Dummadse-goled-neggi anmar-wergued, anmar-yeer-itoged, ¿anmar-ibe osulolessursi?

Joel 2:14

Abakale, Bab-Dummad binsaed gwakalile, igi-barsaye sokalile, deyobi, anmargi ise-nued binsaoed. Ibmar-gwag-ukleged, degi, vinoʼmar, Bab-Dummad-Jehováʼgadga guoed.

Joel 2:17

Bab-Dummad-neg-yawagak-siid, degi, ibmar-ukleged-aila-siid, amar-imbagi, dule-irwa-Babse-gormalad Bab-Jehováʼga-arbamaladi, be bomala. Weyob sognanai be gumala: “Bab-Jehováʼye, be wile be-dulamar dake. Mer be-dulamar-nug-oichogega be imake, mer dulemar-yar-baid-baidgi-bukmalad be-dulamargi dodogega be imake. Ibiga dulemar-yar-baid-baidgi-bukmalad sogmaloe: ‘¿Ar bia e-Bab-Dummad nadsunna?’ ”