Joel 1:7 - Kuna San Blas

⁷ An-uva-dubmar-digar-naid obelosmalad. An-higuera-sapimar daas-daas-imaksad. Bela e-uka yaas-yaas-imaksamalad, e-anagan swanga imaksamalad. Bela omukusmalad.

Joel 1:7 Iomraidhean Croise

Salmo 105:33

Uvaʼmar-digar-bukwadi, higueraʼmar-bukwadi ei obelosgusad. E-yalagangi sapimar-bukwad ei bibichisgusad.

Éxodo 10:14

A-sesmala, bela Egipto-yargi ubononikid. We-ibagangi sesmar-ichesur-ubononikidyob iduale weyob neg gudisulid. Degine, we-sorbali, weyob guosurbalid.

Éxodo 10:15

Ar ade, sesmarde bela-bela mergusoggu, napa gwen magar daklessulid. Degine, dii-akwaga-binyaled gagan-obesad, degi, sapi-durbamar-sapigi-obesad, sesmar amar bela guchamalad. Egipto-yargi bipisaale nainu-e-gaganmar, sapi-e-gaganmar, gwen bessulid.

Isaías 24:7

Uva-nainumar isgus naid, vino-binid bar daklesulid. Dulemar-yeer-itogedba-namakdidamaladi, emidi, bukib-binsaedba ogormakdimalad.

Isaías 32:12

Nainu-yeerdaklege-naidga, degi, uva-nainu-nuegan-naidga, be bukib-itogedba binasgar be bibyomarsun.

Isaías 5:6

Bela swanga-nai an imakoed, bar uva-dub diglegosulid, bar nuekwaa emilegosulid. Ikomarbi, degi, gagan-ikobimaladbi ainidagoed, bar mogirmar egi dii-owiega an imakosulid.”

Jeremías 8:13

Bab-Jehová soged: “Bela an bemar-obelogoed, uva-san e-nainugi berguedyob an bemar-obelogoed. Higo-san e-sapigi satedaeyob an bemar-imakoed. Degine, e-gagan-dinnaganbi-nanaidaeyob an bemar-imakoed. A-ulale, an bela bemarga ibmarmar-uksadi, gannar an bemar-annik suoed.”

Oseas 2:12

E-uva-nainumar an ei bela maada imakoed, higuera-sapimar an ei bela obelogoed. Ar ‘we-ibmar an-suigan anga uksaye’ gordiid. Sapurbi-moodo nai an imakoed, ibmar-durgan-sapurbarmalad bela e-ibmar-naid ei gunmalaga an imakoed.

Joel 1:12

Uva-dubmar bela dinguded, sapi-higueraʼye-nugad, bela burgwided. Sapi-granadoʼye-nugad bela dingudmogad, ogobgi-dakleged, manzana-sapimar, dingudmalad. Bela sapimar-gwigwichid dingudmalad. Dulemar-e-yeer-itodiidse-bakale, e-ibe bergunonikid.”

Amós 4:9

”Be-ibmar-digarmalad bonigangi an obelosad, neg-uedikidba an dinare imaksad. Sesmar be-nainugan obelosad, sesmar be-uva-digar-nanaid oburgwisad. Sesmar be-higuera-sapimar obelosad, degi, be-olivo-sapimar obelosbalid. Degite, bemar-ibe deyob-ibmar-gus-inigwele, bemar gwen gannar anse aibilissurmalad. Ani an Bab-Jehová-guedi weyob soged.

Habacuc 3:17

Ar amba sapi-higuera sanmaksulile, uva-dubmar sanmaksurbalile, andi Bab-Jehováʼgi yeer itogoed, Bab-Dummad-an-abonogedgi, an weligwar itogoed. Amba olivo-sapi e-san nikusulile, amba nainumargi ibmar-gwag welesurbalile, andi Bab-Jehováʼgi yeer itogoed, Bab-Dummad-an-abonogedgi, an weligwar itogoed. Amba sibad-wawaadmar e-galugi bar bukwasulile, amba moli-bebe-nikad wargwensaale, e-galugi bar bukwasurbalile,

Malaquías 3:11

Bab-Jehová-Bela-Gangued-Nikad sogbalid: “Sesmar an bega obelogoed, adi, bemar-ibe ibmar-digar-nanaid mer obelogega, degi, nainugi uva-dub-digar-nanaid-e-san mer berguegar.