Joel 1:2 - Kuna San Blas

^2-4 “Bemar, sapin-dummagan-gumalad, nue itomalo. Bela we-yargi-gudidimalad, nue itomalo. Ses-danagwen-gudimalad-ibmar-guchagusad-obesadi, sorba ses-dummagan-gudidimalad gunnonimalad. Geb ses-dummagan-gudidimalad-ibmar-guchagusad-obesadi, sorba ses-sapingana gunnonimarmogad. Geb ses-sapingana-ibmar-guchagusad-obesadi, sorba ses-burwigana gunnonimarmogad. Be-dadgan-ibagangi, ¿ar weyobi neg-gusa? Bemar-emi-dulagudimaladgi, ¿ar bemar weyob neg-dakdimala? Emi, be-mimmigangala, be we-ibmar sogmala, adi, be-mimmigan na e-mimmiganga sogmarmogaga, deginmoga, a-mimmigan na e-wagan-danimaloedga sogmarmogoed.

Joel 1:2 Iomraidhean Croise

Job 12:12

Deginbali, dule-selebagus-gudimaladi, magasar neg-itomalad, binsaed-ibegan nanamalad.

Job 15:10

Anmar-abargine dadagan bukwad, be-babba bur selegan nanaed.

Job 21:7

¿Ibiga dule-isganamar amba dula-gudinanae? Aka bur bule nasgumamaid, deyob seredgumamaid.

Job 8:8

”Dadganse be nue ibmar egise, be-babgan-ibmar-bar-amismaladi, be durdake.

Salmo 49:1

Bela bemar, nue an-itomar. Bela bemar, we-napneggi-bukmalad, nue be an-itomar.

Isaías 34:1

Dulemar-yar-baid-baidgi-bukmalad, gayaburba-itogega wese be walikgudamar. Dulamar, nue-bogimakar be itomar. Napneg-naid, nue itogo. Bela-egi-ibmar-bukwamalad, nue-itomarmogo. Napneg-bipirmaknaidgi-bukmalad, bela itomogo. Bela-napneggi-ibmar-sanmakedi, nue-itomarmogo.

Isaías 7:17

Isaías, Acazʼga sogbalid: “Bab-Jehová, Judá-yargine Asiria-e-rey barmidagoed. Begine, be-dulemargine, degi, be-wagangine, ibagan-bulegan barmidagoed. Efraín-yala, Judá-yalagi-bangusad-akale, a-ibmarmar-gwen-dakledsulidi, begi barmidagoed.”

Jeremías 30:7

¡Duledar-wiles! Ibagan-bulegan, ibagan-weyobid-dakledisulid omos. Jacob-dulemarga, suli-suli-itoged-ibaga guoed, degi-inigwele, we-ibagan-bulegangi ollorgumaloed.”

Jeremías 5:21

‘Dule-binsaed-satemalad, dule-aku-neg-itomalad, be itomala. Ar bemar ibya-nika-inigwele, be aku-ibmar-dakmalad. Ar bemar uaya-nai-inigwele, be aku-ibmar-itomalad.’ ”

Daniel 12:1

“Dule-anbo-sunmaknaidi, anga sogdebalid: ‘A-ibagangine, Miguel daklenonikoed. Miguel, baliwiturmar-e-dummadid, degi, be-dulemar-bendakedid. A-ibagine, nunmaked-dummad nagunonikoed. We-napneggi dulemar-ambikusad-akale, deyobi nunmaked nagudisulid. Degi-inigwele, a-ibagangine, bela be-dule-e-nugmar Gardagi-Narmakar-Nanaid bendaklemaloed.

Oseas 4:1

Israel-dulemar, Bab-Jehová-gayaburba be nue itomar, Bab-Jehová dulamar-bukwadga igar-nabogesokalid. Bab-Dummad weyob soged: “Ar an-dulamar-abargine, dule-innikidaed bergusad, emar-sabgued bergusbalid, an-igar-amimalad bergusbalid.

Oseas 5:1

“¡Dule-irwa-anse-gormalad, nue be an-itomalo! ¡Israel-e-dulemar, nue be bogi an-itomalo! ¡Reyneg-yaginmalad, nue be an-itomalo! ¡An bemargi yolesokalid! Bemar Mizpaʼye-neg-nugadgi an-neggwebur-yardaklegega imaksamalad, Bemar Tabor-yalagi an-dulamar-yardaklegega imaksamarbalid.

Joel 1:14

Bela dulemarse gormala, mer-bar-mas-gulleged-iba be nasikmalo. Be-Bab-Dummad-Jehováʼse-goled-neggi, girmar-dummagan be onmakmala, bela dulemar-we-yargi-gudidimalad be onmakmala, agi Bab-Jehováʼse ise-gollar imakmala.

Joel 2:2

A-ibagi, negasichid nagunonikoed, neg gudure sigoed. Mogirmar-gudureged nagunonikoed, neg daas sigoed. Igi neg-oibodanikile, bela yarmargi neg-mee imakdanidae, deyobi, dule-bukidar dule-bulegana danimaloed. Epenne we-dulemaryobid dulemar gwen dakledisulid, deginbali, yoedsega dulemar-deyobid gwen daklegosurbalid.

Amós 3:1

¡Israel-dulemar, we-gayaburba be nue itomalo! Bab-Jehová bemar-annik, degi, bela Egipto-yargi dulemar-noargusmalad-annik weyob soged:

Amós 4:1

Bemar, omegan-Samariaʼginmalad, an bega ibmar-sogoed be itomar: Bemar, Basán-yalagi moli-bebe-nikad-ome-wardummaganyob gumalad. Bemar, dule-wilegana sabsur-wiobukmalad, ise-mesagwale, be dule-wilegana imakbukmalad. Be-suimargarbela be sogbukwadamalad: “Vino anga sedaye.”

Amós 5:1

Israel-dulemar, nue itomalo, gayaburba-wile-itoged-namaklegedgi, an bega namaksokalid.

Miqueas 1:2

“Dulemar, bela we-yalagi-bukmalad be an-itomar, bela napneggi-bukmalad, nue-bogimakar be itomalo. Bab-Dummad-Jehová-Bela-Gangued-Nika-Maid, ese-goled-neg-akale, bemargi-gwisguega sunmakoed.

Miqueas 3:1

Geb degine, an sogded: “Jacob-dulemar-negsemamaid, Israel-dulemar-e-dummagan, nue be an-itomar: Bemar bur igar-innikigwad-imaked-durdaked ¿nabirsursi?

Miqueas 3:9

Jacob-dulemar-negsemamaid, Israel-dulemar-e-dummagan, be nue an-itomalo. Bemar igar-innikimalad bur be obandimalad. Bipisaale, bemar igar-maidgi binsaed-nika dasurmalad.

Mateo 13:9

Geb Jesús sogdebalid: “An-bemarga-ibmar-soged bemar mag nue-itobiele, nue-itomar.”

Mateo 24:21

Ar a-ibagangi, naibi-itoleged-dummad naiguoed. We-ibagan-bulegana, Bab-Dummad-neg-obinnisad-akale, gwen itoledisulid, degi, a-sorba ayobid bar itolegosurbalid.

Apocalipsis 2:7

” ’Ar dule magar-itogele, Bab-Burba-Isligwaled anba-nanaimaladga-soged nue itogo. Dule-ibmar-isgana-birgi-nakwismaladga sapi-durba dula-dule-saed-gunnega an imakoed. We-sapi, Bab-Dummad-nainu-nued-abargi gwichid.’ ”