Joel 1:19 - Kuna San Blas

¹⁹ Bab-Jehováʼye, an bese ise-wilegar goled, ar ade, nainumargi gagan-nanaid soo ogumaksad, bela sapimar-gwigwichid ogumaksad.

Joel 1:19 Iomraidhean Croise

Salmo 50:15

Bonigan-abalagi be gunaidgi, anse be gole, an be-bendaknonikoed. Bedi be an-nug-odummogoed.”

Salmo 91:15

Ar anse-gollalile, an abinsaoed, na surbinsa-itogedgi an eba gudiguoed, an ollor-imakoed, an e-nug odummogoed.

Jeremías 14:4

Yalagi dii bar wisulidbali, napamar daas-daas naded. Dule-sapurgi-arbamaladi akusunna na itogusmalad, bukib binsagusmalad.

Jeremías 3:9

”Israel-dulemar an-yardaksagu, gwen bai itossulid. Aka bur bela yar-oichosad, degi, akwamar-bab-dummadyob-imaklemaladba, degine, suarmar-bab-dummadyob-imaklemaladba galagwensuli nanasmalad.

Jeremías 9:10

”Yalaganga boega an be-imakoed, yalaganga akiginnega an be-imakoed. Nega-dulesulidgan-e-gaganmarga oakudii an be-imakoed, ar bela neg-olloo nai guoed. Ar dulemar bar agi gudii guosulid, molimar-goledi bar itolegosurbalid. Bela nuumarse-bakale, ibmar-durganse-bakale, duurmakdemaloed.

Jeremías 9:9

Bab-Jehová soged: “Degite, a-ulale, ¿an sabsur-odurdakosurde? An sabsur-odurdakergebed. ¿We-dulemar an buged-mai imakosurde? An imakergebed.

Joel 2:3

We-dulemar sooyobi gumalad, bela ese ibmar gummaked. We-dulemar-nonikoed-iduale, soo bela ibmar-ogumaked, we-dulemar-nasad-sorbali, soo bela ibmar-obeloged. We-dulemar, amba yoo dagegua, we-yar-naidi, Edén-nainuyobi daklegenad. We-dulemar, we-yargi-nasmargua, e-sorbali, yar, nega-dulesulidganyob nagusad. E-ganguedgi ibmarmar geg wakinned.

Amós 1:2

Amós sogded: “Sión-yala-akale, Bab-Jehová uludagoed, Jerusalén-akale, mar-goledyob e-gayaburba gordagoed. Sibad-wawaad-nikamalad-e-nainugi gagan-ara-ara-nanaid bela bergudoed. Carmelo-yar-birigi-gagan-nanaid dingudoed.”

Amós 7:4

Geb degi, Bab-Jehová-Bur-Gandik-Maid, negburgan-baid anse oyosbalid: An daked, Bab-Jehová dule-sabsur-odurdakega soose gote. Degi, soo napa-urba demar-wilasailad dinnaa imaksad. Degine, nainugan bela swanga imaksad.

Miqueas 7:7

Degi-inigwele, ani Miqueas, Bab-Jehováʼgi an bensulid, Bab-Dummad-an-abonogedi, an edarbedii guoed. An-Bab-Dummadi, an-itogoed.”

Lucas 18:1

Degi, Jesús na e-sapingan-odurdakega burbar sunmakded, amarga sogded: “Bab-Dummadse-goled nue-abeleged, melle be galakumalo.”

Lucas 18:7

Ar bemar insagu, Bab-Dummad na e-dulemar-susadi ese mutikidba, degine, ibginedba gordimaladga igar-napiragwad ¿imakosur be insae? Imakoe. ¿Bab-Dummad abgayala abinsaosur be insae? Eye.