Joel 1:13 - Kuna San Blas

¹³ Dule-irwa-Bab-Dummadse-gormalad, be wile-itomar, wile-itoged-mor be yomar. Bab-Jehováʼga-ibmar-ukleged-ailagi-arbamalad, naibid-dummad be itomar. An-Bab-Dummadga-arbadimalad, be dagmala, wile-itoged-mor-yoi, be oibomar, ar ibmar-gwagmar, degi, vinoʼmar Bab-Dummadse-goled-neggi bar uklesulid.

Joel 1:13 Iomraidhean Croise

2 Samuel 12:16

Degisoggu, David mimmi-bendakega Bab-Dummadse ise-wilegar goted. David bar-mas-itossuli gusad, napayala-meremai oiboardaed.

1 Reyes 21:27

Acab we-gaya-itosgua, e-mor-yoid siir-siir imaksad, geb wile-itoged-mor-sommed yosad. Agine, bar mas-guchasulid. Deyob wile-itoged-mor-yoi.

Isaías 22:12

Isaías sogdebalid: “A-ibagangine, Bab-Dummad-Jehová-Bela-Gangued-Nikadi, boega bemarse gochanad, bukib-binsaega bemarse gochanad. Sailagia-swiri-saega bemarse gochanad, mor-sommed-yoega bemarse gochanad.

Isaías 61:6

Ar bemardi weyob biledmaloed: ‘Dule-irwa-Bab-Dummadse-goled Bab-Jehováʼgadye.’ Bemarga sogdemaloed: ‘Anmar-Bab-Dummadga ibmar-imakmaladye.’ Dulemar-yar-baid-baidgi-bukmalad-e-ibmar-nuegangi, be yeer itomaloed. E-ormar-sunsogmaladi, be yomaloed.

Jeremías 4:8

Ani Jeremías sogded: “A-ulale, wile-itoged-mola be yomar, bukib be binsamar, wile-itogedba be akiginmar, ar Bab-Jehová-bela-bela-urwedi, anmargi urwemaid.”

Jeremías 9:10

”Yalaganga boega an be-imakoed, yalaganga akiginnega an be-imakoed. Nega-dulesulidgan-e-gaganmarga oakudii an be-imakoed, ar bela neg-olloo nai guoed. Ar dulemar bar agi gudii guosulid, molimar-goledi bar itolegosurbalid. Bela nuumarse-bakale, ibmar-durganse-bakale, duurmakdemaloed.

Ezequiel 21:12

” ’Dule-machi, be gole, be nunmak-itogedba boe, ar we-es-suid an-dulamar-oburgoed, ar we-es-suid bela Israel-dummagan ogilogoed. Bela Israel-dummagan, an-dulamarba burgwemarmogoed. ¡A-ulale, bukib-itogedba be binasgar-bibyoge!

Ezequiel 27:31

Be-ulale, na nono-swiri imakmaloed, wile-itoged-mor yomaloed. Be-ulale, nue-nunmak-itogedgi, degi, surbinsa-itogedgi dummad-bomaloed.

Ezequiel 7:18

Wile-itoged-mor na yomaloed, dobed-dummad itodimaloed, bela na bingegudimaloed, bela na e-sailagia swiri gudimaloed.

Oseas 9:5

”Bab-Dummadga-iba-onolegedgi ¿ibu-be imakmaloe? Bab-Dummadga-itoakwaa iba-onolegedgi, ¿ibu-be imakmarbaloe?

Joel 2:12

Bab-Jehová weyob soged: “Emigindi, bela-bela be-gwage-ulubgine be an-amimala, mas-gunsuli be gudii gumar, be bomar, degi, be naibi itomar.”

Joel 2:14

Abakale, Bab-Dummad binsaed gwakalile, igi-barsaye sokalile, deyobi, anmargi ise-nued binsaoed. Ibmar-gwag-ukleged, degi, vinoʼmar, Bab-Dummad-Jehováʼgadga guoed.

Joel 2:17

Bab-Dummad-neg-yawagak-siid, degi, ibmar-ukleged-aila-siid, amar-imbagi, dule-irwa-Babse-gormalad Bab-Jehováʼga-arbamaladi, be bomala. Weyob sognanai be gumala: “Bab-Jehováʼye, be wile be-dulamar dake. Mer be-dulamar-nug-oichogega be imake, mer dulemar-yar-baid-baidgi-bukmalad be-dulamargi dodogega be imake. Ibiga dulemar-yar-baid-baidgi-bukmalad sogmaloe: ‘¿Ar bia e-Bab-Dummad nadsunna?’ ”

Números 28:14

E-vino-egi-eolegoed be ukbaloed: Moli-bebe-nikamalad-iliba, bute-warbo. Sibad-wawaad-machered-iliba, bute-wargwen-abala. Degi, sibad-wawaad-birgagwen-nikad-iliba, bute-wargwen. Weyobi birgagi nii-iliba ibmar-ogumakar be anga ukoed.

Números 28:4

Wakdar, we-sibad-wawaad-wargwen be oburgoed. Sedodi, baid be oburgwebaloed.

Números 28:7

Sibad-wawaad-irba bute-wargwen vino be ukoed. We-vinoʼde ibmar-ogumakar-ukleged-ailagi be eogoed.

Números 29:6

Nii-irba gusgu ibmar-ogumakar-ukleged-ukine, eba-ibmar-gwag-gusgu-ukleged-ukine, degi, vino-egi-eolegega-ukleged-ukine, wemar Bab-Jehováʼga be ukoed. Gusgu-igar-uklesadba be imakoed. Bela we-ibmar-uklemalad soogi-ogumakar Bab-Jehováʼga be ukoed. Wede Bab-Jehová yeer-yapanne itodaed.’ ”

1 Corintios 4:1

Degisoggu, bemar anmar-dake-wilubbid, unnila anmarde Cristoʼga-arbamalad-dulemar gumala. Ar anmar unnila Bab-Dummad-igar-dukuar-maidgi-arbamalad gumalad.

1 Corintios 9:13

Dule-Babse-goled-neggi-arbamaladi, a-neggi-mas-nikad gundamalad, ¿be wissurmarsi? Degine, dule-Babga-ibmar-ogumakar-ukleged-ailagi-arbamaladi, ibmar-uklesad-e-san gundamarmogad.

2 Corintios 11:23

¿Ar emarde Cristoʼga-arbaed gumala? Andi bur bule Cristoʼga-arbaed bur gued. (Dule-binsaedsuliyob an sunmakdesunnad). Amarba an bur bule Cristoʼga-arbadii an gusad. An-bibyolesad geg ebisleged, esgaryagi bukidar an mellesad, bukidar burgwednaga an gusad.

2 Corintios 3:6

Degine, Bab-Dummad na e, igar-binid-megisad-e-maiga-guega anmar-imaksad. Igar-narmakar-maidbarsulid. Burbaledba narmakaled. Ar epenne garda-sanar-narmaklesaddi, sunna dule-oburgwed. Ar igar-biniddi, burbaledid, adi, dule-odulogedid.

2 Corintios 6:4

Aka bur anmar ibmar-imakedgi oyodimalad, anmarde Bab-Dummadga-arbaed gumarye: Anmar ise-burdigar bargaagwale nue-naibi-itodimaladgi nanadimalad. Nue-wilediidgi, nue-surbinsa-itodiidgi, nanadimalad.

Apocalipsis 11:3

“Degine, an-barsogmalad an warbo barmidoed. Bemar-iduar iba-miligwen gaka-dulataled-ilabo gaka-dulapaa (1,260) wile-itoged-mor-yoi ibmar-gumaloedgi sunmakdimaloed.”