Joel 1:12 - Kuna San Blas

¹² Uva-dubmar bela dinguded, sapi-higueraʼye-nugad, bela burgwided. Sapi-granadoʼye-nugad bela dingudmogad, ogobgi-dakleged, manzana-sapimar, dingudmalad. Bela sapimar-gwigwichid dingudmalad. Dulemar-e-yeer-itodiidse-bakale, e-ibe bergunonikid.”

Joel 1:12 Iomraidhean Croise

Salmo 4:7

Dulemar bukidar-masgunned-nikale, gobed-nikale, na weligwar itodidamalad. Bab-Dummad, bedi a-dulemarba bur bule weligwar-itogega be an-imaked.

Salmo 92:12

Dule-nuegan, ogob-sanmakedyobi gumalad, Líbano-yargi urwarmar-dungumaiyobi gumalad.

Cantares 2:3

An-sui-nue-sabesailad sapimar-abalagi manzana-sapi-gwichiyobi, sapingan-abalagi gudiid. A-sapi-urba-sigedi yeer an itodaed, e-sana, yeer gulledaed.

Cantares 4:13

Be-nuu, nainu-nued-naidgi, manzanaʼmar digar-gwisnanaeyobi gued. E-san-gullegedi yeer-gulle-nanaed. Be-nuu nainugi, dutu-nardo, degi, dutu-azahar nigwis-nanaedyob gued.

Isaías 16:10

Nainugi bar wergulegosulid. Uva-nainugi dulemar bar namake itolegosulid, binnasuli dulemar-goled bar itolegosulid, uva-egurelegedgi dulemar bar uva egured daklegosulid, uva-welegedgi binnasur-gorledaedi ani an osulosad.

Isaías 24:11

Galimbabali, dulemar vinoʼbina binnasuli oimakdimalad, wergulegedi bela bergusad, yeer-itolegedi bela yogguded.

Isaías 24:7

Uva-nainumar isgus naid, vino-binid bar daklesulid. Dulemar-yeer-itogedba-namakdidamaladi, emidi, bukib-binsaedba ogormakdimalad.

Isaías 9:3

Bab-Jehová, bee be, dulemar-omelosad, bee be, bela-bela-weligwar-itogega imaksad. Igi dule ibmar-gwag-weenaile, weligwar itodae, deyobi, be-asabinni weligwale na itomaloed. Igi dule ibmar-nuegan-miminaile, weligwar itodae, deyobi, be-asabinni weligwale na itomaloed.

Jeremías 48:3

”Horonaim-neggwebur-akale, binnasuli dule-gole itoleged, weyob soged: ¡Neg bela! ¡Neg bibichide!

Jeremías 48:33

Moabʼgi nainu-gadi-sanmakmalad-nanaidgi, yeer-itolegedi, degi, weligwar-itolegedi bar itolesulid. Uva-egured-galu an obelosad, bar dule weligwaledba uva-egurnai guosulid, binnasuli-dule-goledi bar weligwaledba golosulid.

Joel 1:10

Nainumar bela swanga nanaid, e-napamar bela dinna naded. Bela ibmar-gwag-orosgi-dakleged bergusad, vinoʼmar bela dinguded, olivoʼmar bela berguded.

Joel 1:16

Anmar-masgulleged, ¿anmar-wagab anmar-ibe sulenai gussursi? Anmar-Bab-Dummadse-goled-neggi anmar-wergued, anmar-yeer-itoged, ¿anmar-ibe osulolessursi?

Jonás 4:7

Neg-oiboargua, Bab-Dummad, dagargii-dakleged-urwa nusse gullegega imaksad. Degisoggu, urwa dingussunnad.

Hageo 2:19

Ibmar-gwag-saboleged-neggi, ¿amba ibmar-gwag wis bukwa? Uva-dub, higo-sapi, sapi-granada, degi, olivo-sapi ¿amba yoo sanmakmarde? Degiirdi, emi-iba-onodoedgine, an bemargi nued binsaoed.”

Malaquías 3:11

Bab-Jehová-Bela-Gangued-Nikad sogbalid: “Sesmar an bega obelogoed, adi, bemar-ibe ibmar-digar-nanaid mer obelogega, degi, nainugi uva-dub-digar-nanaid-e-san mer berguegar.

Números 13:23

Dule-barmilesmalad Escol-dianse-modapmargu, uva-dubgi uva-dukgwen-naid siksamalad. Geb dulemar ebo suar-abargi uva-nai searmalad, degi, gusebyob-dakleged-granadoʼmar, degine, higo-sanmar searmarbalid.