Joel 1:10 - Kuna San Blas

¹⁰ Nainumar bela swanga nanaid, e-napamar bela dinna naded. Bela ibmar-gwag-orosgi-dakleged bergusad, vinoʼmar bela dinguded, olivoʼmar bela berguded.

Joel 1:10 Iomraidhean Croise

Génesis 4:12

A-ular, be nainugi arbaoen-inigwele, bega ibmar sanmakosulid. Be we-napneggi dule-wakindiiyob negsuli gudii guoed.

Isaías 15:6

Nimrim-dianmar bela dingusad, gagan-ara-aramalad bela dingusad. Bar gagan-ara-aramalad nikagussulid, bela gagan-ara-aramalad bergusad.

Isaías 24:11

Galimbabali, dulemar vinoʼbina binnasuli oimakdimalad, wergulegedi bela bergusad, yeer-itolegedi bela yogguded.

Isaías 24:7

Uva-nainumar isgus naid, vino-binid bar daklesulid. Dulemar-yeer-itogedba-namakdidamaladi, emidi, bukib-binsaedba ogormakdimalad.

Jeremías 12:11

Bela an-nainu wiosmalad. An-sunnagwad an daksad, bela nainu-olloo imaksamalad, bela swanga imaksamalad. Ar dulemar yala gwen bai-daksurmarsoggu, bela yala swanga nagusad.

Jeremías 12:4

¿Sanagwadse we-napade gannar sanmakdoe? ¿Sanagwadse wede gaganmar gannar ainidagoe? Emide, bela we-dulemar-isgued-ulale, ibmar-durgan girgumamaid, degi, bela nuumar burgwemamaid. Ar we-dulemarde sogmalad: ‘Bab-Dummad anmar-ibmar-imaked dakmaisurye.’ ”

Jeremías 48:33

Moabʼgi nainu-gadi-sanmakmalad-nanaidgi, yeer-itolegedi, degi, weligwar-itolegedi bar itolesulid. Uva-egured-galu an obelosad, bar dule weligwaledba uva-egurnai guosulid, binnasuli-dule-goledi bar weligwaledba golosulid.

Oseas 4:3

A-ulale, yar-naidgi wile-itoleged-dummad nagunonikoed, egi-dulemar-gudidiidi niga-galakudmaloed. Sapurgi ibmar-durgan-bukwamaladi, bela burgwidmaloed, nuumala, uamarse-bakale, bela girgudoed.

Oseas 9:2

A-ulale, ibmar-gwagmar, uvaʼmar gwen be-oimmogosurmalad. Vino-binid bar yeer-goblege guosulid.

Joel 1:12

Uva-dubmar bela dinguded, sapi-higueraʼye-nugad, bela burgwided. Sapi-granadoʼye-nugad bela dingudmogad, ogobgi-dakleged, manzana-sapimar, dingudmalad. Bela sapimar-gwigwichid dingudmalad. Dulemar-e-yeer-itodiidse-bakale, e-ibe bergunonikid.”

Joel 1:5

”¡Mummugan, atakmala, be bomala! Bela-gadi-vino-gobmalad be nunmak itomala, ar ade, vino-binid bemar-annik sulesad.

Joel 2:19

Bab-Jehová e-dulamarga weyob sogded: “An bemarga ibmar-gwag ukoed, vinoʼmar, degi, olivo-gwallu ukbaloed. Bemar we-ibmarmargi immelemaloed. Dulemar-yar-baid-baidgi-bukmalad bemargi dodomalaga bar an imakosulid.

Levítico 26:20

Binsa dummad-arbanai be guoed, ar ade, napa isguosoggu, ibmar-gwag-be-digsale, bega sanmakosulid. Degine, be-sapimar bega sanmakosurbalid.

Habacuc 3:17

Ar amba sapi-higuera sanmaksulile, uva-dubmar sanmaksurbalile, andi Bab-Jehováʼgi yeer itogoed, Bab-Dummad-an-abonogedgi, an weligwar itogoed. Amba olivo-sapi e-san nikusulile, amba nainumargi ibmar-gwag welesurbalile, andi Bab-Jehováʼgi yeer itogoed, Bab-Dummad-an-abonogedgi, an weligwar itogoed. Amba sibad-wawaadmar e-galugi bar bukwasulile, amba moli-bebe-nikad wargwensaale, e-galugi bar bukwasurbalile,

Hageo 1:11

Ani an wemargi mer bar dii-wiega imaksad: Orosyob-dakleged-trigo-digar-nanaidgi, uva-digar-nanaidgi, olivo-gwallu-nuegan-digar-nanaidgi, ibmar-durbamar-digarmaladgi, dulemar-bukwadgi, ibdurgan-bukwadgi, degi, dulemar-e-ibmarmar-imakmaladgi, ani an mer bar dii-wiega imaksad.”

Malaquías 2:3

”A-ulale, an be-waganse urwoed. Bemar ibdurgan-ogumakar-ukleged-iba-onolegedgi ibmar-durgan-e-saa, an bemar-wagargi mioed. Geb bela a-ibmar-isganaba-mesa an bemar-metoed.