Jeremías 9:4 - Kuna San Blas

⁴ ”Be-aimar-warwargwengi nue salakarmar, melle gwenadganse-bakar, egi be bensuli guo. Ar bela gwenadganmar dule-yardakedbiid. Bela aimar, na e-aimar-dikarba yogasaar sunmakdimalad.

Jeremías 9:4 Iomraidhean Croise

Jeremías 6:28

Bela we-dulemala uayasulidamalad, gakansaedbi dakdimalad. Na dule-nuedga san-imakmar-inigwele, bela dule-isganamarbiid.

Mateo 10:21

Jesús, e-sapinganga sogdebalid: “Dulemar e-gwenadgan-oburgwega na muchub-muchub urmaknanai gumaloed. Bab na mimmigi aibinnai guoed. Mimmigan babgangi gwisgunanai gumogoed. Na oburgwenanai gumaloed.

Levítico 19:16

Melle be dulemargi yogasaar sunmako. Melle dule-baid-oburgwedgi be binsao. Ani an Bab-Jehová gued.

Jeremías 12:6

Ar be-gwenadganbela, be-galagwenmalad-inigwele, begi dododimalad, begi yoledimalad. Ar we-dulemar ibmar-nuegangi amba bega sunmakmalale, melle be we-dulemar itogo.

Proverbios 25:18

Dule, e-aigi gakansaar-sunmakedi, akwa-mamaredyob gued. Es-suidyobi, degi, es-swiswidikidyob gubalid. Emar-wioged.

Proverbios 10:18

Dule-gakansaerbadi, sae-emar-daked odukued. Dule-emargi-isdar-sunmakedi, binsaedsuli gued.

Salmo 15:3

Dule-baidgi-wissur-gakansaed, dule-aimar-naibi-imakdisulid, dule-emar-mesagwar-imakdisulid.

Génesis 32:28

Geb degine, dule ega sogded: —Jacobʼye bar be nugguosulid. Ar ade, be Bab-Dummadbo-galitosadgi, degi, dulemarbo-galitosadgi be obichasoggu, be Israelʼye nugguoed.

1 Tesalonicenses 4:6

We-igargi, mer be-gwenad-bensudii, degi, yardakdii be nanamalo. Ar bato iduar an bemarga sogsamalad, Bab-Dummad beedse dulemar-degi-gudimalad odurdakoye.

Lucas 21:16

”Ar be-babganse-bakar, be-ukmaloed, be-iamar, be-urbamar, be-gwenadgan, be-aimar, dummaganga be-ukmaloed, degine, gwen-gwen bemar oburgwilemaloed.

Mateo 10:17

Dulemargi nue salakarmar. Ar amar, Judío-dummagan-igar-nabiromaladga be-ukmaloed, degine, Judíoʼmar-onmakedneggine, sabsur be-bibyomarbaloed.

Ezequiel 22:9

Be-abargi-dulemar-gudimaladi, na e-gakansaedba dulemar-ibe ablis-eodiid. Yargi bab-dummadyob-ibmar-imakleged-goled-neg-siidgi mas-gundii damalad, degine, ibmar-isgana-imakdii damarbalid.

Proverbios 6:19

dule-ibmar-daksad-gakansaar-ibmar-soged, gwenadgan-gwenadgan-ourwed-dule. We-ibmarmar, Bab-Jehová isdar daked.

Proverbios 6:16

Bab-Jehová ibmar soganergwa (6) sae-daked, napi-ibmar-sogagwenad-baid bur-bela-bela isdar daked. We-ibmarmar-sogagugled (7) isdar daked:

Salmo 101:5

Dule dule-baidgi-arbak-sunmaked an obelogoed. Dule-san-dummarba-saed, anse-warmaked an imakosulid. Dule-baigangi-obinye-soged, anse-warmaked an imakosulid.

Isaías 59:13

Anmar, uayasuli gusad. Anmar, Bab-Jehová-obachamalad. Anmar, Bab-Dummad-iedmalad. Anmar, dogdar dule-mesagwar imakmalad, degi, dogdar dule-yardaksamalad. Anmar-binsaedgi-gakansaed-ainiedi, anmar dulemarga sogsamalad.

Jeremías 9:8

Ar e-gwabin-duku sigu-dule-gindakedyobid, unnila gakansaar-sunmakedbi wismalad. E-aibo nuedgi sunmakdaed, ar e-ulubgindi yamogedgi binsadamalad.”

Malaquías 2:10

Ani, Malaquías, an bemarga soged: ¿Ar bela anmarde unnila Bab-wargwenna niksursi? ¿Ar Bab-Dummad-wargwenna anmar-obinnissursi? Ar degite, ¿ibiga anmar na muchub-muchub yardakedgi Anmar-Babgan-Bab-Dummadbo-Igar-Mesisad oichodimarsunna?

Proverbios 4:16

Dule-isganamar ibmar-isgana-imaksurmalale, geg gabdamalad, dule-oakalosurmalale, geg gabdamalad.

Proverbios 4:17

Ibmar-isgana-imaked mas-gunnedba bur-yeer itodamalad. Sabsur-emar-imaked, vino-gobedba bur-yeer itodamalad.

Isaías 9:16

We-neggwebur-idumaladi, igar-noaledba dulemar-sesmalad. Dule-eba-selesmaladi, aku neg-itodmalad, yoggudmalad.