Jeremías 9:2 - Kuna San Blas

² An nega-dulesulidganba, obunnoged-neg nikana yeerban. An-neggwebur-mete an naoenad. We-dulemargi an banguoenad. Ar bela we-dulemala, galagwensur-nanamaladid, ar bela we-dulemala, dule-yardakmaladid.

Jeremías 9:2 Iomraidhean Croise

Isaías 59:3

Ar bemar ablisbi argan sedimalad, degi, goonumar isguedbi na be sedimalad. Be-gwabin-duku unnila gakansaedgi sunmaked, be-gaya unnila igar-isganaginbi sunmaked.

Jeremías 12:1

Ani Jeremías Bab-Jehováʼga sogded: “Bab-Jehová, an bebo abin-abin-imakdele, be gusgu nabir-ibmar-sogdaed, ar bedi dule-innikigwadid. Degi-inigwele, an bese igar-soggwen wis egisgwersunno. ¿Ar ibiga dule-isganamarga ibmar-nueganbi naddae? ¿Ar ibiga dule-emar-yardakmalad gwen-bai itodasurmala?

Jeremías 12:6

Ar be-gwenadganbela, be-galagwenmalad-inigwele, begi dododimalad, begi yoledimalad. Ar we-dulemar ibmar-nuegangi amba bega sunmakmalale, melle be we-dulemar itogo.

Jeremías 13:22

”Na be dukin weyob sokarmalale: ‘¿Ibiga wede deyob anmar wilearye?’ Ar be galagwensuli-isgusad-ulale, uka-swili be-imakmaloed. Be galagwensuli-isgusad-ulale, be-gagamaloed.

Jeremías 23:10

We-yala ukabsales-naid-ulale, galagwensuli-negsichigi-yoledimalad doggusad. We-yala nue wiles-itonaid, nega-dulesulidganba gagan-nanaid bela dinguded. Bab-Dummad-gayaburba-barsogmalad, igar-isganaba nanadmalad, e-garganguedi, igar-innikigwadga ebusurmalad.”

Jeremías 4:22

Bab-Jehová soged: “An-dulamar binsaedsurmaladid, aku an-dakmalad. Mimmigan-binsaedsurmaladid, aku neg-itomalad. Ibmar-isgana-imakedsikdi binsaed-ibegan nanamalad. Ibmar-nued-imakeddi wissurmalad.”

Jeremías 5:1

Bab-Dummad soged: “Jerusalén-galimbaba be bipirmaknamar, nue be miamakmalo. Dulemar-ambikuedgi nue be dulemar amimalo. Bemar dule-ibmar-inniki-imaked, dule-ibmar-napira-soged amismalale, an, Jerusalén-neggwebur bar an sabsur-imakosulid.

Jeremías 5:11

Ani an Bab-Jehová soged: Israel-dulemar, Judá-dulemar, uayasuli angi gudmalad.

Jeremías 5:2

Ar dulemar sogdamalanad: ‘Bab-Jehová-nuggi an napira sogye,’ degi-inigwele, yamo sogdamalad.”

Oseas 4:2

Aka bur we-ibmarmar burgusad: Gakangi yamo-ise-sogar-sogleged, gakansaed, atursaed, negsichigi-abirgunagwarsuli-nanaed, dule-gindakmalad. ¡Dulemar gindaklemamaigus nanaed!

Oseas 5:7

Ar angi bela dodosmalad. Bab-baigangad mimmi nikusmalad. Degisoggu, bemala, be-nainumala, niigwengi ilagwen-berguar guoed.” Bab-Jehová soged:

Oseas 6:7

Bemar Adánʼyobi gumalad: Bemar, anbo-igar-mesisad bichismalad. Ar bemar, angi aibichamalad.

Oseas 7:4

Bela we-dulemar, negsichigi abirgunagwarsuli yoledimaladid. Ar we-dulemar madu-yoed-soo ginnitibisiiyob gumalad, ar igi dule-madu-sobed bar soo-ogannoged abesurdae, unnila madu-mued edarbesidae, deyobi we-dulemar gumalad.

Miqueas 6:12

Dule-mani-ibegan, sabsur dule-imakedid. Bela neggweburginmalad, gakansilimalad. Na e-ibmar-sogedi bela gakansaedbiid.

Sofonías 3:4

E-Bab-Dummad-gayaburba-barsogmalad, na san-dummarba-imakmaladid, emar-yardakmaladid. E-dule-irwa-Bab-Dummadse-gormalad, neg-islidikidi oichodimalad. Bab-Jehová-Igar-Mamaidgi annadimalad.

Malaquías 2:11

Judá-wagan, Bab-Dummadgi nosmalad. Israel-yargi, degi, Jerusalénʼgi, igar-maisulid, we-igar-isgana imaksamalad: Ar Judá-e-wagan, omegan-bab-dummad-baidse-gormalad-nikudmaladba, Bab-Jehová-e-neg-sabed-islidikid oichosmalad.

Malaquías 2:14

Degite, amba be egismalad: “¿Ibiga deyob gue?” Ar be na ome-sapingwaun-gasadgi-be-nosadi, Bab-Jehová be-barsogedga gued. Ar we-ome bebogwadinad, deginbali, ebo-be igar-mesisad-omebalinad.

Santiago 4:4

Bemar ¡Na-abirgunagwarsuli negsichidgi-yoledimaladid! Dule we-napneg-naidbo ai-imakele, Bab-Dummad-e-isdaradga-gunonidaed, ¿ar be wissurmarsi? Ar dule we-napneg-naidbo ai-imakbiele, Bab-Dummad-e-isdaradga gunonidaed.

Jueces 2:10

Degi, Israel-dulemar Josué-ibagangi-gudigusmalad bela burgwismarmogad. Geb sorba, wagan-baigan-ambikunonikiddi aku Bab-Jehová-daksamalad, degi, Bab-Jehová-Israel-dulemarga-ibmar-nuegan-imaksad wissurmarbalid.