Jeremías 8:9 - Kuna San Blas

⁹ We-dule-binsaed-ibegan nue-bingegumaloed, na dukin ise-yardaklegar gumaloed. Ar an-gayaburba itossurmalad, degisoggu, ¿bia e-binsaed-nikagued nadsunna?

Jeremías 8:9 Iomraidhean Croise

2 Reyes 17:15

Bab-Dummad-Igar-uksad, degi, Bab-Dummad-ega-Ibmar-Sogsad obachamalad. Deginbali, Bab-Dummad-Dadganbo-Igar-Mesisad obachamarbalid. Nuchumar-ib-nuedsulid-nug Bab-Dummad-nugyobi odummosmalad, degidbali, amaryobi ibmar-nuedga be gunonisurmalad. Ar Bab-Jehová ega sogsa gusad, dule-bamalad-damaladyob, melle be damaloye. Degi-inigwele, dule-bamalad-daedba nanadii gusmalad.

Job 5:12

Bab-Dummadi, dule-emar-binsaed-gaed-ibe binsaed obured, adi, e-ibmar-imakedgi mer nasguegar.

Job 5:13

Bab-Dummadi, dule-emar-binsaed-gaed-e-binsaed, egi aibinega imaked, degi, ibmar-isgana-imakbied e-ibe oburbalid.

Salmo 19:7

Bab-Jehová-Igar-Maidi, napiragwadid, dule-burba-ogannogedid. Bab-Jehová-Igar-Maidi, sunsogedid, egi geg benguleged. Bab-Jehová-Igar-Maidi, dule-binsaedsulidaed binsaed-ibedga imaked.

Isaías 19:11

”Zoán-neggwebur-e-dummagan, dule-binsaed-ibedye be sogdimalad, bemar dule-gegeganad. Ar bemar Faraónʼga binsaed-isgana ukdimalad. Ar igi yogasaar bemar sogmalosunna: ‘Anmar binsaed-ibedye, epenne-reymar-binsaed-ibegan-megismaladse binsaed amismaladye.’

Isaías 29:14

A-ulale, we-dulemar gannar ibmar-gegerdaklemalad-dakega an imakoed, geb geger dakdemaloed. E-dule-binsaed-ibegan e-binsaed-nikadi, an ei osulogoed, degi, e-dule-nue-ibmar-wismalad ibmar-wissulidga an imakoed.”

Isaías 43:27

Ar be-dad-sailaginedi isgusad. Be-odurdakmaladi, angi dummad-nosmalad.

Isaías 8:20

An bemarga sogdo: “Bab-Dummad-Igar-Mesisadgi bur be nanamalo, e-ibmar-sogsadgi bur be binsamalo.” Ar dule, we-igarmargi-nanasulile, igar-napiragwad amiosulid.

Jeremías 15:6

Bab-Jehová soged: “Bemar an-obachamalad, be angi bangudmalad. Degisoggu, an bemargi gwichiguoed, an bemar-obelogoed. An wile-bemar-dakdiid budar-itogusad. Wese-ugaksun.

Jeremías 19:7

We-nebagine, Judá-dulemar-e-igar-mesismalad an obelogoed, degi, Jerusalén-dorgan-e-igar-mesismalad an obelobaloed. E-isdarmalad-e-oburgwebigudimaladse es-suidgi-oburgwilegega an imakoed. E-muimar, ibmar-durgan-gukumaladse-gullegega an imakoed, degi, achu-sapurmarse-gullegega an imakbaloed.

Jeremías 2:8

Dule-irwa-anse-gormalad bipisaale gwen sogsasurmalad: ‘Bab-Jehová ¿bia-nadye?’ Dule-bulegan-an-igar-mamaid-wisimaladi, Bab-Dummadsuliyobi an-daksamalad. Dulemar-idumaladi, angi yoledmalad. An-gayaburba-barsogmaladi, bab-dummad-Baal-nuggi sunmakdemalad, degine, bab-dummad-baigan-ibnuedga-gusurmaladba nanadmalad.

Jeremías 49:7

Bab-Jehová-Bela-Gangued-Nikadi weyob Edom-dulemar-annik soged: “¿Temán-yargi dule-binsaed-ibegan satesi? ¿Dule-binsaed-ibegan-ebinsaedde bergussi? ¿E-binsaed-nikad bela bergussi?

Jeremías 6:15

Ani an Bab-Jehová soged: “¿Bemar ibmar-isgana-imaksadbali, be bingegusmala? Ar bemar, bingedar itossurmalad. ¡Bingeguodeeye gwen binsasurmalad! A-ulale, wemar dulemar-sabsur-odurdaklegoedba, sabsur-odurdaklemogoed. An we-dulemar sabsur-odurdakalile, bela wilemaloed.”

Jeremías 6:19

”Dulemar, bela be an-itomar: Boni-dummad an Jerusalén-neggweburga sedanikid. E-isgudimalad-ulale, boni-dummad an ega sedanikid. Ar an ega ibmar-soged itossurmalad, aka an-igar-maid obachamalad.

Ezequiel 7:26

Ibagan-sabsur-odurdaklemalad ukin-ukin danikoed, gayaburba-isganamar bali-bali itoledagoed. Bab-Dummad-gayaburba-barsoged ega negburgan-dakega amimaloenad. Ega gwen negburgan dakosulid. Dule-irwa-Bab-Dummadse-gormaladi, igar-maidgi geg bar dule-odurdake gumaloed, girmar-selegan, binsaed-nuegan bar ukdosurmalad.

Amós 2:4

Bab-Jehová weyob soged: “Judá-dorgan-e-isgued nue-wilub-obicha naid. Sabsur-e-odurdaklegoedi, an ega osulogosulid. Ar Judá-dorgan, e-gakansamaladba Bab-Jehová-Igar-Maidgi aibatemalad, Bab-Jehová-Igar-Sogmaidba nanassurmalad. Bab-dummadyob-imaklemaladba nanasmalad, e-dadgan-nanasadba nanasmarmogad.

Zacarías 13:4

”A-ibagine, Bab-gayaburba-barsogmalad gakansaar-sunmaksad-ulale, bingegudmaloed. E-mor-ibmar-ukagi-makaled-yoi bar emar-yardakosurmalad.

Deuteronomio 4:6

Degisoggu, we-Igarmarba nue be nanamalo, nue aba ibmar-imakdii gumalo. Ar deyobi, bemar, dulemar-yar-baid-baidginmalad-asabin nue-binsaed-nikadi be oyodii gumaloed, magar-nue-ibmar-itogedi be oyodii gumarbaloed. Ar wemar bela we-Igar-Mamaid itodamaloed. Geb degine, sogdamaloed: ‘Ar wede, nue-napiragwad, we-dulemar nue-binsaed-ibegan-nanaed, nue magar neg-itomaladid, degine, we-dulemar nue-nug-nikamalad nanamarbalid.’

2 Timoteo 3:15

Ar bato be bipigwaunni Bab-Dummad-Garda-Islidikid-Maid be wisi gudiid. Ar we-gardade sunna igar-abonolegedsik, Cristo-Jesúsʼgi-bensuliguedgi, ibmar-wisi be-imaked.