Jeremías 8:2 - Kuna San Blas

² Bela-a-garmar dad-abin, degi, nii-abin, degine, niisgwamar-abin urbilegoed. Ar ade, wemar dad, nii, degine, niisgwamar sabgusmalad, ega ibmar imaksamalad, degine, we-ibmarmarse ibmar egichismalad, e-nugmar odummosmarbalid. Dulemar we-garmar-digega bar garmar weosulid. ¡Ibmar-isganamaryob napagi omiledoed!

Jeremías 8:2 Iomraidhean Croise

2 Reyes 17:16

Bela e-Bab-Dummad-Jehová-Igar-Mesisadba ibsassurmalad. Degi, moli-bebe-nikad-walabo esgoro-gordikidgi sobsamalad, degine, bab-dummad-bundorga-imakleged-Asera-wagar-wilub sobsamarbalid. Geb bela bab-dummadyob ibmar-nibneggi-nanaid-nug odummosmalad, degi, bab-dummadyob-imakleged-Baal-nug odummosmalad.

2 Reyes 21:3

Degi, Manasés, e-bab-Ezequías bab-dummadganse-goled-aila-matusurmalad bela osulosgusadi, gannar sobsa gusad. Degine, bab-dummad-Baalʼga aila-matusurmalad gannar sobnonikid, degi, bab-dummad-bundor-Asera-wagar-wilub gannar sobsabalid. Ar igi Israel-rey-Acab ibmar-imaksagusa, deyob ibmar imaksamogad. Degi, bela nibneggi-ibmar-nanaid, bab-dummadyob abin dulluu sigdii gusad, a-ibmarmarse gordii gusad.

2 Reyes 21:5

Manasés, Bab-Jehováʼse-goled-neg-imba-sogbobeladgi, niisgwamar-nibneggi-nanaidga ibmar-ogumakleged-ailamar sobsad.

2 Reyes 23:5

Epenne, Judá-e-reymar dule-irwa-bab-dummaganse-gormalad-nugsasadi, Josíasʼdi a-dule-irwa-bab-dummaganse-gormalad onisad. Judá-e-reymar amar-nugsasanad, adi, amar Judá-neggweburmargi, degi, Jerusalén-neggweburgi, bab-dummad-baiganse-gormalad-neggi, e-bab-dummadga-ibmar-ogumakleged-ailagi, ibmar-wawadikmalad-ogumakega nug-imaksa gusad. Geb amar we-bab-dummaganga ibmar-wawadikmalad-oburmakdii gusmalad: Bab-dummad-Baalʼga, dadga, niiga, nibneggi ibmar-nanaidga, degi, bela niisgwamar-nanaidga, ibmar-wawadikmalad oburmakdii gusmalad.

Salmo 53:5

Dule-isganamar dobguewilubsurmalanad, degite, bela-bela dobedba wawanmakdemaloed. Bab-Dummad we-dulemar-obachadbali, be-isdarmalad-e-garmar oaisakioed. Bab-Dummad dule-isgana obingesaoed.

Salmo 83:10

We-dulemar Endorʼgi burgwismalad, ibmar-isganayob napagi miled gusmalad.

Salmo 83:11

Ar igi be Oreb, degi, Zeeb, imaksagusa, deyobi be e-sordamar-dummagan imakmoga. Ar igi be Zeba, degi, Zalmuna, imaksagusa, deyobi be bela e-dummagan-nuga-nikamalad be imakmoga.

Eclesiastés 6:3

Ar dule-gwensak mimmigan dulatar-nikadibe (100), degine, birga-undar-gudii gusbardibe, ar ibmar-nuegangi-wergudigussuli-burgwisale, yogasaar-diglesale, an sogdo, bur mimmi-gwensak-burgwar-aidenonikir, bur we-duleba nuedye.

Jeremías 14:16

”Degine, dule-we-sunmakmalad-itosmaladi, Jerusalén-neggwebur-neg-imbabali ukudba mellemamai gumaloed, es-suidgi oburgwilemaloed, igarba-mellemamai gumaloed. E-omegan-e-muimar, e-masmala-e-muimar, e-bunamala-e-muimar gwen dule digosurmalad. Ar dule-muimar-digedbela sate gumaloed. Ar bela e-isgumalad egi aibinega an imakoed.

Jeremías 16:11

Geb a-dulemar-abin be sogdoed, Bab-Jehová weyob sogye: ‘Be-dadgana angi aibachagusmalad, bab-dummagan-baiganba nanadgusmalad, abali ibsadgusmalad, a-e-nug odummodgusmalad. Ar andi an-iedgusmalad, an-Igar-Maidba nanassurmalad.

Jeremías 16:4

“Wemala, bonigan-dummagangi burgwemaloed, gwen dule ega boosurmalad. Geb degine, e-muimar gwen dule nuedgi digosurbalid. Bela e-muimar ibmar-isganayob napagi-omilede guoed. We-dulemar es-suidgi oburgwilemaloed, ukud-dummad egi gwichiguoed. E-muimar, ibdurgan-gukumalad-e-masga guoed, achu-sapurmar-e-masga gubaloed.”

Jeremías 16:6

We-yalagine, bela dulemar burgoed: Dule-nuga-nikamaladdibe, dule-binsarmaladdibe, bela burgwemaloed. Gwen dule ega boosulid, gwen dule nuedgi e-mui digosurbalid. Degine, gwen dule e-ular, na e-san-naibisaosulid, degi, gwen e-ular, saila-swiri imakosurbalid, wile-itoged-iba ega gwen dakosulid.

Jeremías 19:13

”Bela Jerusalén-neggweburgi negmar-bukwadi, degine, Judá-dulemar-e-reymar-negmar-bukwadi, Tofet-ailayob guoed. Bela we-negmar-e-ailamar-birgi ina-wawadikmalad niisgwamarga uklesad. Degine, a-ailamar-birgi bab-dummad-baiganga gobed-eosgusmarbalid. A-negmala, Tofet-ailayob isgus bukuoed.”

Jeremías 22:19

Moli-uayasuid-diglegeyobi diglegoed, illi-illir ebipimaloed. Jerusalén-neggwebur-magaba metemaloed.”

Jeremías 25:33

A-ibagangine, Bab-Jehová, a-dulemar-ogilogoed, bela napaneg-ugakaase napagi-omilede guoed. Dulemar ega boosulid, dulemar gwen e-muimar-digega weosurbalid, ibmar-isganayobi napagi-omilede gumaloed.

Jeremías 31:40

Bela neba-naidgi bia dulemar-mui-diglege, degi, burumar-milege bela angadga nugsalegoed. Degine, bela-nainumarnanaid-akale, Cedrón-dian-maidse, degine, dad-nakwedsik molimar-yawagak-gwichidse angadga nugsalegoed. Bipisaale, we-neggwebur bar berguosulid, degi, bar bibisgosulid. Degisadegu sii guoed.”

Jeremías 36:30

A-ulale, Bab-Jehová Judá-dulemar-e-rey-Joacim-annik weyob soged: “Bipisaale, e-wagan-gwensak, David-ologangi sigosulid. E-mui dadabinni mellemai guoed, mutikidbali, neg-dambed-abalagi mellemai guoed.

Jeremías 9:20

”Omegan, an-gayaburba nue be itomar. An-ibmar-soged nue be itomalo. Be-bunamala, bukid-binsaleged-namakedgi be odurdakmar. Be-aimar muiga-bolegedgi weyob be odurdakmar:

Jeremías 9:21

‘Burgwedi, anmar-negse dognoniki, anmar-neg-yawagakba dogsad. Burwigana-magaba-gudidimalad obelolesad, sapingana-magaba-ambikulegedgi-bukmalad obelolesad.’ ”

Jeremías 9:22

Bab-Jehová soged: “Muimar, napagi ibmar-isganayob omilede guoed. Igi dule-ibmar-gwag-wesale, napagi-babatismalad-omileddae, gwen bar dule wedasuli, deyobi, muimar napagi omilede guoed.”

Ezequiel 29:5

Be-diwar-uamarmala, nega-dulesulidganba an be-metoed. Neg-ollor-dummad-naidgi be melledoed, be-suosurmalad, be-digosurmarbalid. Ibmar-durgan-ursirmar, degi, mulamar, be-san-gunnega an imakoed.

Ezequiel 39:5

Neg-ollor-dummad-naidgi be omiledmaloed. Ani an Bab-Jehová-Bela-Gangued-Nikadi weyob soged.

Ezequiel 6:5

Israel-dulemar-e-muimar na e-bab-dummadyob-ibmar-imakdimalad-asabin an mesoed. E-garmar e-ibmar-ogumakar-ukleged-aila-ebilis an mioed.

Ezequiel 8:16

Geb degine, Bab-Jehová ese-goled-negyaba galu-imba-naidse an-sesad. Bab-Jehováʼse-goled-neg-dogedgi, neg-imba-naidbo ibmar-ukleged-aila-siid-abingunaid-imbagi, dulemar e-durgwen-gakatar (25) bukwa an dakarbalid. A-dulemar Bab-Dummadse-goled-negsik atakbuksulid, dad-nakwedsik atakbukwa an daksad. Yokorgi sindigar-sii dad-ibeler-nug odummobukwa an daksad.

Sofonías 1:17

Bab-Jehová soged: “Dulemar angi isgusmalad. A-ulale, bela-bela-surbinsa-itogega an imakoed. Ibyasuliyob gudii gumaloed.” E-ablis ukubyob milemai guoed. E-sanmar ibmar-isganayob milemamai guoed.

Sofonías 1:5

Dulemar na e-neg-niba niisgwamar-nug-odummogega, niisgwamar-asabin-sindigar-sigmalad, an obelogoed. Dulemar, sindigar-sii an-nuggi ise-sogar-ibmar-sognaid, degi, bab-Milcom ise-sogar-ibmar-sognaidamarbalid, an obelogoed.

Gusmalad 7:42

”Degisoggu, Bab-Dummad anmar-dadgangi bangudsunnad. Nibneggi-ibdula-nanaidse ulubgi bab-dummadyob egi binsabukwa-guega imaksasunnad. Ar weyob Bab-Dummad-Gardagi E-gayaburba-barsogmalad bato narmaksad: ‘Israel-dulemar, bemar birga-dulabo (40) nega-dulesulidganba gudigusmargua, ¿anga be napiragwadgi ibmar-ogumakar-ukleged uksamarsi? ¿Anga be napiragwadgi ibmar-ukleged uksamarsi? Suli.

Deuteronomio 17:3

Dule, bab-dummagan-baigan-e-nug-odummogega, dad-ibeler-e-nug-odummogega, sindigar-sigisale, nue isgusad. Deginbali, nii-e-nug-odummogega, niisgwamar-e-nug-odummogega, sindigar-sigisale, nue isgusad. ”Ar ade, Bab-Jehová gandik sogsagusad: ‘Mer bab-dummad-baiganse be goloye.’ Abali, ibsassulid.

Deuteronomio 4:19

”Nue salakarmar. Ar be niba atakdemalale, we-ibmar be dakdele: Dad-ibeler, nii, niisgwamar, bela niisgwamar-akar-akar-nanaid be dakdele, abakale, ese be binsaed-galedamalar, e-nug-odummonai gudamalar, e-asabin dulluu sigdamalar. Ar ade, bemar-Bab-Dummad-Jehová, bela dulemar-we-napneggi-bukwamaladga we-niisgwamar obinnisad.