Jeremías 7:8 - Kuna San Blas

⁸ ” ’Ar bemar, gakangi be bensurmalad. Ar we-gayamardi gwen nabiridsulid. Gwen ibmar-nued bega uksulid.

Jeremías 7:8 Iomraidhean Croise

Isaías 28:15

Ar bemar weyob sogmalad: “Anmar burgwed-igarbo igar amisad, anmar burgwed-galubo igar amismalad. Boni-dummagan anmargi danikile, anmarse warmakosulid, ar ade, anmar-gakansaedi anmar napiragwadyobi daksad, anmar-emar-yardakedi anmar igar-nuediyobi daksad.”

Isaías 30:10

Emide, dulemar-yoedse-ibmar-guoed-sogedga sogdamalad: ‘Melle bar be negburgan-daked sogmarye.’ Bab-gayaburba-barsogmaladga sogdamarbalid: ‘Melle bar be anmarga Bab-Dummad-gayaburba-napiragwad sogmarye. Binsa nabir ibmar-nuegangi be anmarga sunmakmarye, binsa gakangi be anmarga sunmakmarye.’

Isaías 59:4

Dule igar-innikigwadgi-sunmaked sulid, dule napiragwadgi-igar-naboged sulid. Gakansalegedgi bensurmalad, na muchub-muchub gakansamalad. Binsaed-isganagi binsadamalad, degi, igar-isgana imakdedamalad.

Jeremías 13:25

Bab-Jehová sogbalid: “Ar weyob be odurdaklemalargebed, na weyob be wilemalargebed. Ar bemar an-iedmalad, ar gakansaedgi bur be bensuli gudmalad.

Jeremías 23:26

¿Sanagwadse gayaburba-barsogmalad gakansaar sunmakdii gumaloe? ¿Ibmar-daksasulid-wargwengi-obinyedimalad sanagwadse bar sogosurmala?

Jeremías 23:32

Bab-Jehová soged: “Gayaburba-barsogmaladgi an gwichid. Negburgan-daksasulidgi gakansaale sunmakdimalad. An-dulamarga deyob gakansaale sunmakedba, igar-noaledba an-dulamar-seddamalad, yamo-binsaed-gaale, ega sunmakmaladba an-dulamar-binsaed gadamalad.” Bab-Jehová soged: “Ani an, gwen we-dulemar barmissulid, gwen an ega igar uksasurbalid. We-dulemar, an-dulamarga igar-nued gwen senonisulid.”

Jeremías 28:15

Geb degi, Jeremías, Hananíasʼga sogded: —Hananías, nue be an-itogo. Bab-Jehová dulemarse be-barmiarsulid. Emide, be we-dulemar gakangi-bensuliguega be imaksad.

Jeremías 4:10

Ani Jeremías sogded: “An-Bab-Dummad-Jehová, nue be we-dulemar yardaksad, nue be Jerusalén-dulemar yardaksad. Ega be sogsagusanad: ‘Bonisuli be gudii gumaloye.’ Emide be dakena, boni-dummaganba galitonanaid.”

Jeremías 5:31

An-gayaburba-barsogmalad, unnila gakansaale sunmakmalad. Dule-irwa-anse-gormalad, na e-itolegedba negsemamaid. An-dulamarde, weyob-abeye soged. Ar bela ibmar bergunonikile, ¿bemar igi-gudmalosunna?”

Jeremías 7:4

Melle dulemar-bega-gakansaar weyob-sogmalad be itogo: Wegi we Bab-Jehováʼse-goled-neg siid. Wegi we Bab-Jehováʼse-goled-neg siid. Wegi we Bab-Jehováʼse-goled-neg siid. Agala, neg akarguosulid.

Jeremías 8:10

A-ulale, an e-omegan machergan-baiganga ukoed, degi, an e-nainumar dule-baiganga ukbaloed. Ar bipigana, serganse-bakale, igar-maisulidba ibmar-nikuedgi binsamalad. Bab-Dummad-gayaburba-barsogmalad, dule-irwa-Bab-Dummadse-gormaladse-bakale, ibmar-amimalagala, emar-yardakar arbadimalad.