Jeremías 7:6 - Kuna San Blas

⁶ Deginbali, be dule-be-neggweburginedsulid-sabsur-imaksurmalale, degi, sergan-satemalad be mesagwar-imaksurmarbalile, degi, ome-ei-sui-burgwisad be mesagwar-imaksurmarbalile, an wile bemar-dakoed. Degi, we-yargi be dule-ibmar-oakalossulid-binsa-gindaksasurmalale, deginbali, bab-dummad-baiganba be isgumalaga bar be nanasurmarbalile,

Jeremías 7:6 Iomraidhean Croise

2 Reyes 21:6

A-ukinbali, Manasés, e-bab-dummadga, soogi-ogumakar e-masmala-uksagusad, ibmar-burbar-oyoleged-igar durdakdii gusbalid. Ina-isgana-dulegi-imaked-igar durdakdii gusbalid. Gabgi-dule-burgwismaladse-ibmar-egismaladse ibmar-egisdii gusbalid, degi, burba-isganase-ibmar-egismaladse ibmar-egisdii gusbalid. Manasés Bab-Jehová-ibmar-abemaisulidi, bela-belad imakdii gusad. Degisoggu, Bab-Jehová-ourwega imaksasunnad.

2 Reyes 24:4

Manasés, Jerusalénʼgi dulemar-ibmar-oakalossulid-oburgwisad-ulale, Bab-Jehová egi Judá-dulemar-banguega imaksad. Degisoggu, Bab-Jehová Judá-dulemarga, igi-barsaye gwen sogsasulid.

Salmo 106:38

Dule-ibmar-okalodisulid-e-ablis eosmalad, a-e-masmala-e-ablis eosmalad, a-e-bunamala-e-ablis eosmarbalid. Canaán-dulemar-e-bab-dummaganga amar-oburgwenanai guarmalad. Degidbali, ablis-aryosad-ular, napneg isgunonikid.

Proverbios 23:10

Melle dikasurgus-nainu-abingunaidgi ibmar-ogwichismalad be oniro. Mer be dule-sergansated-e-nainugi dogbalo.

Isaías 59:7

A-dulemar ibmar-isgana bur-imakmalad, bur dule-ibmar-akalodisulid-ibe ablis eomalad. E-binsaedi, galagwensur-igar-isganagi binsamalad. E-ibmar-imakedi bela neg-oichoged.

Jeremías 13:10

We-dule-isganamar an-ega-ibmar-soged-itobisurmaladi, na e-gwage-binsaedba ibmar imakmalad. Amar bab-dummaganba-nanadmaladi, bab-dummagan-e-nug odummodmalad. Amala bela sasirdub-lino-nunudyob gumaloed, gwen bar nued guosurmalad.”

Jeremías 19:4

” ’Ar Israel-dulemar an-obachamalad. We-neba oichosmalad, egi ina-wawadikid bab-dummagan-baiganga ogumakar uksamalad. Ar Israel-dulemar we-bab-dummagan-akudakmaladga, e-dadgan we-bab-dummagan-akudaksamarmogadga, degine, Judá-e-reymar we-bab-dummagan-akudaksamarmogadga ina-wawadikid uksamalad. Emide, we-nebagi dule-neg-oakalossurmalad-e-ablis-bukidar eosmalad.

Jeremías 2:30

”Binsarsunna an-dulamar an sabsur-odurdaksad, gwen an-itossurmalad. Achumigur-nono-wawaadyobi, bemar, be-es-suidgi an-gayaburba-barsogmalad oburgwismalad.”

Jeremías 2:34

Bela be-morgi dule-wilemalad-e-ablis nanaid, dule-ibmar-oakalossurmalad-e-ablis be-morgi nanaid. Ar wemar gwen-ibmar-atursanai be daksasurmalanad, degite, be oburgwismalad.

Jeremías 26:15

Degi-inigwele, be ebinsamalo, be an-oburgwemalale, na be dukin bemargi, degi, bela we-neggwebur-dulamargi be dule-neg-oakalossulid-ablis eonaido. Ar nue-napira an bemarga soged, Bab-Jehová we-ibmar-sogega an-barmialid.”

Jeremías 26:23

Geb wemala, Egipto-yargi Urías-gasa seargusmalad. Agi geb Rey-Joacimʼse ninonigusmalad. Geb degine, Rey-Joacim, es-suidgi Urías-oburgwega igar-uksa gusad. Degi, yogasaar-dulemar-diglemaladgi e-mui-metemaloye sogsa gusad.

Jeremías 35:15

” ’De-ukinbali, an bemarga an-maimar, an-gayaburba-barsogmalad barmimaiguad. Adi, bemarga sogmalagar: Be-igar-isganagi be bangumarye, be-damalad be ogwamarye, melle be, bab-dummaganba nanamarye. Adi, be nabir an bemarga yala-uksadgi, degi, an be-dadganga-yala-uksadgi be ambikumalagarye. Degi-inigwele, an bemarga-ibmar-soged be itossurmalad, an-sogedba be ibsassurmalad.

Jeremías 5:28

Be wardungudmalad, san-dummarbaa be gudmalad. Bemar-ibmar-isgana-imakmaladi gege bergued. Dule-babgan-satemalad nabir-nued-gudigumalaga ega be igar nabosurmalad. Dule-wilegana-e-ibmar-nikue-wilubmogad be bendaksurmarbalid.”

Jeremías 7:5

” ’Ar bemar be-daed be ogwamalale, be-ibmar-imaked be ogwamalale, degine, na be muchub-muchub igar-innikigwad be imakmarbalile, an wile bemar-dakoed. Be-dadganga-an-yala-uksadgi bemar degisadegu gudii an imakoed.

Jeremías 7:9

Bemar gadi-ibmar-atursamalad, emar-gindakmalad, abirgunagwarsuli-galagwensuli-nanamalad, ibmar-imakedseye be ise-sogar binsa-sogdamalad, bab-dummad-Baalʼga ina-wawadikid ukmalad, degine, bab-dummad-baigan-akudakmaladse be gordimalad,

Lamentaciones 4:13

Neg-gunonikidi, Bab-Dummad-gayaburba-barsogmalad-e-isgusad-ulale, deyob neg-gunonikid. Dule-irwa-Bab-Dummadse-gormalad-e-isgusad-ulale, deyob neg-gunonikid. Neggwebur-neg-imbaba dule-ibmar-oakalossurmalad-e-ablis-eosmalad-ulale, deyob neg-gunonikid.

Ezequiel 18:6

Dule-innikidaedi, bab-dummadyob-ibmar-imakleged-e-nug-odummogega, yar-birgi mas-gundamaladba akadisulile, dula-gudii guoed. Dule-innikidaedi, Israel-e-bab-dummadyob-ibmar-imaklegedse gordisulile, dule-baid-omebo negsichidgi galagwensuli-gudisulile, ome-igar-dakdiidse gordisulile, dula-gudii guoed.

Ezequiel 22:7

Be-dulemar na e-babgan, na e-nangan, mesagwar imakmalad. Dule-yar-baidgined sabsur-imakmalad, sergan-sated-ibe, degi, ome-ei-sui-burgwisad-ibe ibmar sumalad.

Levítico 19:33

” ’Dule-yar-baidsikid bemar-yargi-megnonikile, melle be sabsur-imakmalo.

Levítico 25:17

” ’Melle be dule-baid mesagwar imako. Bur be-Bab-Dummad be dobee nanadii gumalo, ar ade, ani an bemar-Bab-Dummad-Jehová gued.’ ”

Malaquías 3:5

Bab-Jehová-Bela-Gangued-Nikad soged: “Degisoggu, an bemarga igar-nabogega an bemarse warmaknonikoed. We-dulemargi-ibmar-sogega an guagwar danikoed: Ina-isgana-imakdimaladgi, abirgunagwarsuli negsichigi galagwensuli-nanadimaladgi, gakansaar ise-sogar ibmar-sogmaladgi, ega-arbamalad-sabsur-imakdimaladgi, siamar-ei-sui-burgwismalad-sabsur-imakdimaladgi, dule-sergan-sated-sabsur-imakdimaladgi, degi, gwen an-dobsuli, dule-yar-baidsikmalad-sabsur-imakdimaladgi, amargi dobsulidba-gwisguega an danikoed.”

Mateo 27:25

Bela-dulemar abin-sogdemalad: —We-dule-oburgwilegoed anmargi naguoe, degi, anmar-mimmigangi nagumogoe.

Mateo 27:4

Amarga sognonikid: —An dummad-nosad, dule-ibmar-gwen-oakalossulid binsa darba an uksad. Ar dummagandi, abin-imakdemalad: —¿Ar anmargardi baisi? ¡Ar wedi, begindo!

Deuteronomio 11:28

An bemarga be-Bab-Dummad-Jehová-e-Igarmar-Mamaid-uknaidba be nanasurmalardi, emi an bemarga igar uknaidgi be aibatemalardi, degine, bab-dummagan-baigan-akudakedse be gotemalardi, ibmar-isgana-abingaleged bemarga uklegoed.

Deuteronomio 24:17

”Israel-dulesuliddibe, sergan-sateddibe, nue ega igar-nabogo. Melle amarga-igar-maidgi be annadii guo. Degine, melle be ome-ei-sui-burgwisad-ibe, ibmar-begi-susad-ular, e-atued-dummad sudii guo.

Deuteronomio 27:19

‘Dule-gwensak Israel-dulesulidga, dule-sergan-satedga, degi, ome-ei-sui-burgwisadga, igar-mamaidba ibmar-egadmogad ega nabosulile, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’

Deuteronomio 8:19

”Ar be-Bab-Dummad-Jehová be iedmalale, bab-dummagan-baiganba be nadmalale, ega be arbadmalale, amar-asabin be dulluu imakdemalale, emi-ibagi, inniki an bemarga soged, bemar Bab-Jehováʼse oburgwilemaloed.

Santiago 1:27

Ar anmar-Bab-Dummad-asabin e-igar-nuedba-swilidik-nanaedi, wedo: Dule-sergan-sated bendaked, mukwamar-sui-ei-burgwismalad-wile-itodimalad bendaked, degi, san-swilidik-gudiguega we-napneggi-ibmar-isganagi bangued.