Jeremías 7:4 - Kuna San Blas

⁴ Melle dulemar-bega-gakansaar weyob-sogmalad be itogo: Wegi we Bab-Jehováʼse-goled-neg siid. Wegi we Bab-Jehováʼse-goled-neg siid. Wegi we Bab-Jehováʼse-goled-neg siid. Agala, neg akarguosulid.

Jeremías 7:4 Iomraidhean Croise

1 Reyes 9:7

bemar Israel-dulemar, we-yar-an-bemarga-uksadgi, an gandikidgi sabsur bemar-onogoed. ”We-anse-goled-neg an nug-imaksadi, an obanoed. Israel-dulemar dodolegedga gudoed, degi, bela dule-bamalad egi alledii gudmaloed.

Isaías 48:2

Bemar neggwebur-islidikidginmaladye na be sogdimalad, degine, Israel-e-Bab-Dummadgi-bensurmalad, Bab-Dummad-Bela-Gangued-Nikadye-nugadgi be bensurmalad, nue be itomalo.

Isaías 59:4

Dule igar-innikigwadgi-sunmaked sulid, dule napiragwadgi-igar-naboged sulid. Gakansalegedgi bensurmalad, na muchub-muchub gakansamalad. Binsaed-isganagi binsadamalad, degi, igar-isgana imakdedamalad.

Isaías 66:1

Bab-Jehová weyob soged: “Nibnega an-ologana gued, napneg an-nag-onakwed gued. ¿Ibi-neg be anga sunna sobsamarsunnale? An-obunnoged-neg, ¿bia be anga sobmalosunna?

Jeremías 28:15

Geb degi, Jeremías, Hananíasʼga sogded: —Hananías, nue be an-itogo. Bab-Jehová dulemarse be-barmiarsulid. Emide, be we-dulemar gakangi-bensuliguega be imaksad.

Jeremías 29:23

Bab-Jehová soged: “Ar we-dulemar, Israel-yargi ibmar-isgana imaksamalad: Galagwensuli emar-omeganba negsichigi nanasmalad, gakansaale an-nuggi sunmaksamarbalid. Bipisaale an ega gwen ibmar-sogsasulid sogsamalad. We-ibmala an bela wisid, ani an we-ibmar daksadid.”

Jeremías 29:31

“Babiloniaʼgi dulemar-galesbukmaladga gayaburba be barmido. Weyob be sogo, Bab-Jehová, Nehelam-machi-Semaías-annik weyob sogye: ‘Semaías bemarga yogasaar-gakansaar gayaburba sogsad. Gwen we-gayaburba an barmissulid. Bemar-binsaed-gaega be-imaksamalad.’

Jeremías 6:14

Unnila asginbi an-dulamarga sokardamalad: ‘Be-isguedgi be ollorgusye, nueganbiye.’ Sokardamarbalid: ‘Neg nueganbiye.’ Degi-inigwele, neg nueganbi dasulid.”

Jeremías 7:14

”Igi an Silo-neggweburgi anse-goled-neg-siid an imaksagusa, deyobi, anse-goled-neg-siid egi bemar-bensulidi, an imakbaloed. Degine, an be-dadganga we-yala-uksadi, degi, bemarga an we-yala-uksadi, Silo-neggwebur-imaksayob an imakbaloed.

Ezequiel 13:19

Bemar, orosgi-dakleged-cebadaʼye-nugad argan-nukgwen-ular, degi, madu-wargwenad-ular, an-dulamar-asabin an-nug oichosmalad. Be-gakansamaladgi an-dulamar egi bensulid-ulale, dulemar-burgwed-wilubsulinad be oburgwemalad. Aka dulemar bur burgwed-wilubbinad dula-gudii be imakmalad.’

Miqueas 3:11

Be-dummagan-negsemaladi, dule-baiganse-manigi-baklegar igar nabomalad. Be-dule-irwa-Bab-Jehováʼse-gormaladi, manigi-bennuklegar dule-odurdakmalad, degi, be-Bab-Jehová-gayaburba-barsogmaladi, manigi-bennuklegar dulega sunmakmalad, aka bur Bab-Jehováʼga weyob sogdedamalad: “¿Ar Bab-Jehováʼde anmarba gudisursi? Degisoggu, anmar akar-guosulid.”

Sofonías 3:11

A-ibagine, be angi-yoledigusadgine, bar be bingeguosulid. Be-abargi dule-na-san-dummarba-imakdiid, dule-na-nuga-nikadga-imakdiid, an obelogoed. Deyobi, an-yar-islidikidgi, bar na san-dummarba-imakdii guosulid.

Lucas 3:8

Degisoggu, be-daedgine na be oyomar, bemar nue-gwagsamalad, be-isguedga na be bukib binsasmalad. ”Mer unnila na be sogmalo: ‘Anmar Abraham-wagan gumarye. A-ulale, Bab-Dummad anmargi nabir binsaergebye.’ Suli, degisuli. Ar be Abraham-wagwasulile, akarsulid, ar Bab-Dummad sunna we-akwamar Abraham-waganga imaked.