Jeremías 5:3 - Kuna San Blas

³ Ani Jeremías sogded: “Bab-Dummadga an weyob sogded: Bab-Jehová, ¿ar be dule-innikidamalad amisursi? Eye, be amienad. Ar dulemar be sabsur-odurdaksa-inigwele, degite, gwen bai-itossurmalad. Be we-dulemar-e-ibmarmar-obelos-inigwele, gwen gwage-nuguedgi binsasurmalad. Akwaba bur bule e-gwage dutusuli nadmalad, gwen e-isguedga bukib itossurmalad.

Jeremías 5:3 Iomraidhean Croise

Génesis 19:34

A-bangine, ior urbaga sokalid: —Sae-mutik bab-yarba an megisad. Degisoggu, emi-mutik anmar bab-omumsabalo, adi, bab-yarba megmogagar. Geb degiir, anmar geb ega anagan urboed.

1 Reyes 13:33

Degi-inigwele, amba Jeroboam e-isgudiidgi gwen bangussulid. Aka yogasaar dule-irwa-bab-dummadse-gormalad aila-matusulid-soblesmaladgi arbaega onug-imaksad. Jeroboam, dule-irwa-bab-dummadse-goledga-arbabidibe, na e-sunnad yog-onugguar imakdaed.

2 Reyes 1:13

A-ilapaagwadgi, Rey-Ocozías, Elías-sunaega, sorda-idued-baid, sordamar-dulabo-gakambegwad-abargi (50) yog-barmiar imaksad. Geb sordamar-idued, Elíasʼse modapgu, Elías-asabin yokorgi-sindigar sigdapid, geb egi wilenaigusad. Weyob ega sogded: —Bab-Dummad-e-dule, an bese wilesagwa egised, mer be an-oburgo, degi, be-maigan-dulabo-gakambegwad (50) mer be oburgwebalo.

2 Crónicas 16:9

Ar Bab-Jehová, bela napneg-naid dakmaid, degi, dulemar-egi-bensurmalad-bendakegala guagwar maid. Ar be gegegwaga gussoggu, emi iba-onodoed-akale, bila-onogedbi be gudii sadeguoed.”

2 Crónicas 28:22

Rey-Acazʼga neg-boni-dummad-nai-inigwele, aka bur bar-buloded, Bab-Jehováʼba amba nanassulid.

Salmo 51:6

An nue-wisid, be dule-inniki-gudiid nue-sabed. Burbale, nue-binsaed-nikadaed be an-odurdaksad.

Salmo 51:8

Weligwar be an-imake, yeer-ito be an-imake, be an-san-sabsur-odurdaksad gannar yeer-itoge be imake.

Salmo 55:20

Dule-isgana dule-ebo-nued-gudiidgi aibined, e-igar-mesisadgine annaed.

Proverbios 21:29

Dule-isgana na ibmar-sogsadi gege ogwadaed. Dule-nueddi, na e-daed nudaked.

Proverbios 22:12

Bab-Jehová dule-binsaed-ibedgi nakuleged. Bab-Jehová, dule-gakansili-e-ibmar-sogeddi oyoged, e-sunmaked gakanye.

Proverbios 23:35

Be sogdagoed: “An-naibi-imaksamala, degite, gwen nunmak an itosulid. An-bibyosmala, degite, gwen bai an itosulid. An dadakusale, gannar an mumgunabaloed.”

Proverbios 27:22

Dule-binsaedsulid be nagele, amba uki be nagbalile, degi, ibmar-gwagyob be osarwele, amba e-binsaed-sateddi, e-ibe be osulogosurguoed.

Isaías 26:11

”Bab-Jehová, be sabsur-odurdaked-igar guagwar ega be nasiksad, ar emardi degite aku dakmalad. Be anmar-bela-bela-sabed we-dulemarse be oyoge, adi, bingedar itomalagar. Dule-isganamar-idu be soo-sisadgi obeloge.

Isaías 42:25

A-ulale, Bab-Jehová egine ulusad, bila egi onosad. Soogine sabsur-odurdaksad, degi-inigwele, amba aku-itosmalad. Sabsur-odurdakles-inigwele, amba eba ibsassurmalad.

Isaías 48:4

Ar ade, bato an wisid, bede nue gwage-dutusulid, be-dukar-war esgoro-gannaregedyobid, be-bebe-gar esgoro-gordikidyobid.

Isaías 9:13

”Degi-inigwele, dulemar Bab-Dummad-sabsur-e-odurdaksad amba aku daksamalad. Bab-Jehová-Bela-Gangued-Nikad e-bendakega gwen amissurmalad.

Jeremías 15:7

Gagan-durgan-burwaba-mileddaedyobi, neggweburgi an bemar-oaisakioed. Mimmigansuli an bemar-imakoed, bela an bemar-obelogoed, ar be-daedi na be ogwassurmalad.

Jeremías 17:23

Degi-inigwele, be-dadgan an-itossurmalad, gwen an-sogedba ibmar imaksasurmalad, bur gwage-dutusuli gudmalad, gwen an-itossurmalad, degine, e-odurdaked abessurmarbalid.”

Jeremías 19:15

“Israel-e-Bab-Dummad-Jehová-Bela-Gangued-Nikad weyob soged: ‘Ar we-neggwebur, degi, bela e-neggwebur-burwigan-dikarba-bukwamaladi, an-ibmar-sogedba imaksasurmarsoggu, bela boni-dummagan-barmidagoye-an-sogsadi, an bemargi barmidasunnoye.’ ”

Jeremías 2:30

”Binsarsunna an-dulamar an sabsur-odurdaksad, gwen an-itossurmalad. Achumigur-nono-wawaadyobi, bemar, be-es-suidgi an-gayaburba-barsogmalad oburgwismalad.”

Jeremías 3:3

A-ulale, bar bemarga dii wissulid, degi, dii-wied-ibagangi bar bemarga dii wissurbalid. Ar bede ome-gambasaedyob na be san-imaksamalad, gwen bingedar be itossurmalad.

Jeremías 32:19

” ’Be-ibmar-imakmaladi, igar-dummad gued, degi, be-arbamaladi doggus yeerdakleged. Bela dulemar-ibmar-imakedi be dakmaid, adi, na wala-walagwengi e-damaladba, e-ibmar-imakmaladba ega ibmar guegar.

Jeremías 35:13

Israel-dulemar-e-Bab-Dummad-Jehová Bela-Gangued-Nikadi soged: “Jeremías, be nae, bela Judá-dulemarga, Jerusalén-dulemarga, be weyob sogna. ‘Bab-Jehová soged: ¿Ar bemarde Recab-wagan-daedyob geg ibmar durdakmarmosi? ¿Ar bemarde geg wis an-sogedba damarmosi?

Jeremías 44:10

” ’Degi-inigwele, amba emi-ibasega gwen san-bipii be imaksurmalad, degi, gwen dobee be itosurmarbalid. An-Igar-Mesisadba, an-Igar-uksadba, gwen be ibsadisurmalad, an bemarga, degine, be-dadganga an we-Igarmar uksad.

Jeremías 7:26

Degi-inigwele, amba be an-itosurmalad, an-sogedba be ibsassurmalad. Aka be be-dadganba bur bule uayasuli nadmalad, bur bule be isgudmalad.”

Jeremías 7:28

Geb agi weyob ega be sogo: ‘We-neggweburmala, Bab-Dummad-Jehováʼba ibsassurmalad, e-odurdaked abessurmalad. Bela e-ibmar-napira-sogmalad bergusad, ibmar-napira-soglegedgi gwen bar sunmaklesulid.

Jeremías 8:5

Degite, ¿ibiga bemar igar-noaledba aibatemarsunna? Jerusalén-dulemar, ¿ibiga be nue-an-obachamarsunna? Unnila gakan-igargi be alamakdimalad, gwen anse gannar be dagbisurmalad.

Ezequiel 2:4

”Dulemar-aku-ibmar-itomaladse, dulemar-gwage-dutusurmaladse an be-barminaid, amarga be sogoed: ‘Bab-Jehová-Bela-Gangued-Nikadi weyob sogye.’

Ezequiel 24:13

”Jerusalén-neggwebur, be-galagwensuli-gudigusad an bega elibi gusanad, ar bedi bega-elied gwen abessulid. A-ulale, an-sae-itogedba-sabsur-be-odurdakoed-sorbali, geb be swilidik gunonisunnoed.

Daniel 9:13

” ’Anmargi, bela we-bonigan, Moisés-Igar-narmaksadba gunonikid. Ar degite, anmar Bab-Dummad-Jehováʼse bendakleged gwen amissulid. Anmar-isgued anmar gwen iessulid, deginbali, anmar be-igar-innikigwad-maidba nanasurbalid.

Levítico 26:23

”Weyob an bemar-sabsur-odurdaknanaidgine, amba bemar nugusurmalale, amba bemar angi-yolenanaile,

Amós 4:10

”Egipto-dulemargi bonigan an barmisgusayobi, an bemargi barmisgusad. Es-suidgi be-sapingan an oburgwisad, e-molimar-galesmalad an ogilosbalid. Dule-burgwismalad-e-mui-yapanned neg-gagasa an nasiksad. Degite, bemar deyob-gusmar-inigwele, gwen gannar anse aibilissurmalad. Ani an Bab-Jehová-guedi weyob soged.

Amós 4:11

”An Sodoma-neggwebur-wiosayobi, degi, Gomorra-neggwebur-wiosayobi, an bemar-wiosmogad. Bemar suar soose-negabar-gummaksayobi gusmalad. Degite, bemar deyob-gusmar-inigwele, gwen gannar anse aibilissurmalad. Ani an Bab-Jehová-guedi weyob soged.

Amós 4:6

“Ani an bela be-neggweburmargi ukud-dummad nasiksad, bela be-dulemar-bukwadga masgulleged an osulosad. Degite, bemar deyob-gusmar-inigwele, gwen gannar anse aibilissurmalad. Ani an Bab-Jehová-guedi weyob soged.

Amós 4:8

Degisoggu, dulemar neggwebur-baid-baidse dii-amidii gusmalad. Wis-gobsamar-inigwele, amba uku-uku-itogedi surgussurmalad. Degite, bemar deyob-gusmar-inigwele, gwen gannar anse aibilissurmalad. Ani an Bab-Jehová-guedi weyob soged.

Amós 4:9

”Be-ibmar-digarmalad bonigangi an obelosad, neg-uedikidba an dinare imaksad. Sesmar be-nainugan obelosad, sesmar be-uva-digar-nanaid oburgwisad. Sesmar be-higuera-sapimar obelosad, degi, be-olivo-sapimar obelosbalid. Degite, bemar-ibe deyob-ibmar-gus-inigwele, bemar gwen gannar anse aibilissurmalad. Ani an Bab-Jehová-guedi weyob soged.

Sofonías 3:7

An binsanaigualid: ‘Jerusalén-dulemardi an-dobguoergebye, anba ibsaoergebye.’ Adi, deyobi, an e-neg-bukwadse ataknadele, e-negmar an oberguosurye. Degi-inigwele, aka Jerusalén-dulemar bur gwae-gwae ibmar-isgana-imakde gusmalad.”

Romanos 2:2

Ar anmar wisid, Bab-Dummad dulemar-we-ibmar-isgana-imakdimaladga, igar-nabogoedi, napiragwadba ega igar nabogoed.

Hebreos 12:9

Degi, anmar-babgan-we-napnegginmalad nuedgi-anmar-sabsur-odurdakedba, anmar egi nue-binsaed-nikaa gusmalad. Degisoggu, bur bule Bab-Dummad-Burbaledba anmar uaya-nikaa daewilubmardo, adi, anmar dula-gudii guegar.