Jeremías 5:2 - Kuna San Blas

² Ar dulemar sogdamalanad: ‘Bab-Jehová-nuggi an napira sogye,’ degi-inigwele, yamo sogdamalad.”

Jeremías 5:2 Iomraidhean Croise

Isaías 48:1

Jacob-wagan, we-igar-an-bega-sogoedi, nue be itomalo. Judá-wagan Israel-dulemarye-biledimalad, nue an-itomalo. Bemar Bab-Jehová-nuggi be ise-sogar-ibmar-sogdimaladi, Israel-e-Bab-Dummadse be gordimaladi, napiragwadgi be imakdisurmalad. Igar-innikigwadgi be imakdisurmalad.

Jeremías 4:2

Ar gakansulidgi, igar-napiragwadgi, innikigwadgi, ‘Bab-Jehová-nuggi an ise-sogar-sogmarye,’ be sogmalale, ar degidbali, ‘dulemar-yar-baid-baidsik-bukwamaladgi anbali egi yeer binsalegoed, degine, anbali egi weligwar itomaloed.’ ”

Jeremías 44:26

”Degi-inigwele, bemar Judá-dulemar-Egipto-yalagi-mamaidi, Bab-Jehová-gayaburba be itomar. Bab-Jehová weyob soged: ‘Ani an Bab-Jehová-guedgi an-nuggine an soged, Judá-dule-wargwensaale Egipto-yalagi-maidi, an-nug bar ogannogosulid. Degi, dulemar bar weyob ise-sogar sogosurbalid: Bab-Jehová-Bela-Gangued-Nikad-Dulamaid-nuggi an ibmar-sogye sogosulid.

Jeremías 7:9

Bemar gadi-ibmar-atursamalad, emar-gindakmalad, abirgunagwarsuli-galagwensuli-nanamalad, ibmar-imakedseye be ise-sogar binsa-sogdamalad, bab-dummad-Baalʼga ina-wawadikid ukmalad, degine, bab-dummad-baigan-akudakmaladse be gordimalad,

Jeremías 9:2

An nega-dulesulidganba, obunnoged-neg nikana yeerban. An-neggwebur-mete an naoenad. We-dulemargi an banguoenad. Ar bela we-dulemala, galagwensur-nanamaladid, ar bela we-dulemala, dule-yardakmaladid.

Oseas 10:4

Ar unnila binsa sunmakdamalad, gakansaar ise-sogar ibmar-sogdamalad, binsa dulemarbo igar-omesdamalad. Agala, abin-abin-imakmalad, gagan-isgana-ainiardaedyobi noardaed.

Oseas 4:15

”Ar Israel-dulemar galagwensuli negsichidgi nanadimalad, Judá-dulemar, bemardi mer be deyob damarmogad. ”Judá-dulemar, melle Gilgalʼye-neg-nugadse be namalo, melle be Bet-Avénʼye-negye-nugadse be namalo. Melle be ‘Bab-Jehová-nuggi’ ise-sogar-imakmalo.

Levítico 19:12

Melle an-nuggi be ise-sogar-sogo: An ibmar imakoye. Ar degiile, be-Bab-Dummad-nug be oichogoed. Ani an Bab-Jehová gued.

Sofonías 1:5

Dulemar na e-neg-niba niisgwamar-nug-odummogega, niisgwamar-asabin-sindigar-sigmalad, an obelogoed. Dulemar, sindigar-sii an-nuggi ise-sogar-ibmar-sognaid, degi, bab-Milcom ise-sogar-ibmar-sognaidamarbalid, an obelogoed.

Malaquías 3:5

Bab-Jehová-Bela-Gangued-Nikad soged: “Degisoggu, an bemarga igar-nabogega an bemarse warmaknonikoed. We-dulemargi-ibmar-sogega an guagwar danikoed: Ina-isgana-imakdimaladgi, abirgunagwarsuli negsichigi galagwensuli-nanadimaladgi, gakansaar ise-sogar ibmar-sogmaladgi, ega-arbamalad-sabsur-imakdimaladgi, siamar-ei-sui-burgwismalad-sabsur-imakdimaladgi, dule-sergan-sated-sabsur-imakdimaladgi, degi, gwen an-dobsuli, dule-yar-baidsikmalad-sabsur-imakdimaladgi, amargi dobsulidba-gwisguega an danikoed.”

1 Timoteo 1:10

abirgunagwarsuli-negsichigi-yolemaladga, omegiidmaladga, machergangiidmaladga, dule-emar-atursamaladga, dule-gakansamaladga, gakansaar-ise-sogar ibmar-samaladga, degi, bela dulemar-Bab-Igargi-gwisgudimaladgar. A-ular, Bab-Dummad amarga Moisés-Igar mesisad. Degisoggu, Moisés-Igar-Megisadi, bela dulemar Bab-Igargi-yoledimaladga megisad.

2 Timoteo 3:5

Yamo Bab-Dummad-Igar-Maidba-daeyob damalad. Degi-inigwele, binsa asgi gordidimalad, Bab-Igar-sunsogedba nanasurmalad. Dule-degidamaladba mer be akao.

Tito 1:16

Ar Bab-Dummad-wisye sogmalando, ar na e-damaladgindi, Bab-Dummad-osulodimalad. A-dulemar ibmar-isgana imakmalad, Bab-Dummad-sogedba ibmar-imaksurmaladsoggu, bela ibmar-nuegan-imakleged geg imakmarsundo.