Jeremías 40:3 - Kuna San Blas

³ emide, emi-ibagi Bab-Jehová-e-ibmar-sogsad gunaid. Bela we-ibmar-gunaidi, ar Bab-Jehováʼgi-isgusmaladba, e-ibmar-sogsadba-ibsassurmaladba gunaid.

Jeremías 40:3 Iomraidhean Croise

Nehemías 9:28

Anmar-dadgan, gales-bukwadgi ollorgunonimalale, gannar be-asabin isguddamalad. Degidgine, e-isdarmaladga be urmakdedasunnad, amarse wilebukwa guddamalad. Anmar-dadgan gannar bese binnasuli gotedamalad. Bedi nibneg-akar amar-itodaed. Be sabgued-dummarba-nikadba, an-dadgan gannar-gannar be abonomai gusad.

Nehemías 9:33

Bela-anmargi-ibmar-gusmaladi, igar-innikigwadba be imaksad. Ar bedi dule-innikigwadba be ibmar-imaked, ar anmardi begi nue-dummad nosmalad.

Jeremías 11:17

Bab-Jehová-Bela-Gangued-Nikadi, we-yalagi bemarga-ibmar-nasiksadi, bemargi boni-dummad-barmidagoye sogsad. Bemar Israel-dulemar, degine, Jerusalén-dulemar, be ibmar-isgana-imaksamalad-ulale, bonigan begi barmilealid. Ar bemar Baalʼga inamar-wawadikid-ogumakar-ukdigusmaladgi isdar-itogega be Bab-Jehová-imaksamalad.

Jeremías 22:8

”Dule-bukidar we-neggweburgi nasmalogua, e-sordaganga sogdamaloed: ‘¿Ibiga Bab-Jehová weyob we-neggwebur-dummad imaksa?’

Jeremías 39:16

“Be nae, Etiopía-dule-Ebed-Melecʼga be sogna, weyob Israel-dulemar-Bab-Dummad-Jehová Bela-Gangued-Nikadi sogye: ‘We-neggwebur-sabsur-wilegoedgi an sunmaksadi, an sogedba imakoed. Ega ibmar-nued gwen guosulid. A-ibagangine, be-sunnagwad ibmar-guoedi, be dakoed.

Jeremías 44:23

”Bemar bab-dummad-baidga ina-wawadikid ukdegusmalad, Bab-Jehováʼgi be isgusmalad, e-gayaburbaba be ibsassurmalad, e-Igar-Maid-sogedba be ibmar imaksasurmalad, degi, e-Igarmar-omesisadbali, e-Igarmar-uksadbali, be ibsassurmalad. A-ulale, emi-ibagine we-bonigan bemargi nonikid.”

Jeremías 50:7

E-isdarmalad dakarmalale, obelodamalad, e-isdarmaladi sokardamalad: ‘Anmargi sisuli. Ar wemar Bab-Jehováʼgi isgusmalad. Bab-Dummad ega ibmar ukmainad, e-dadgan we-Bab-Jehováʼgi ibmar-abdakdii gusmaladinad.’

Lamentaciones 2:17

Bab-Jehová ibmar-imakega na igar-amisadi, sogedba imaksad, na dikasurgus ibmar-sogsadi, bela imaksad. Bab-Jehová be-wiledaksasuli, be-obelosad, be-isdarmalad begi-dodogega imaksad, begi-yolenanaid-e-gangued ogannosad.

Romanos 2:5

Ar be Bab-Dummadba-dabisulidbali, degi, be-isgued-mibisulidbali, Bab-Dummad-dulemar-sabsur-odurdakoed-ibagan-nonikoedga, na be dukin odurdakleged-dummad aminaid. A-ibagi, Bab-Dummad na e-igar-naboged-innikigwadi oyononikoed.

Romanos 3:19

Ar anmar wisid, bela Moisés-Igar-Maid-sogmaidi, dulemar-a-Igar-Maid-urbaligwa-gudimaladga sogmaid. Adi, bela dulemar mer sogmalaga, anmar gwen isgudisurye. Adi, bela dulemar Bab-Dummad-asabin isgusadbi daklegegar.

Deuteronomio 29:25

”Geb degine, dulemar abin-sogdemaloed: ‘Ar Bab-Jehová-e-dadgan-e-Bab-Dummad, Egipto-yargi wemar-onosgusanad, emide, ebo-Igar-Mesisadgi bangudmalad.