Jeremías 4:4 - Kuna San Blas

⁴ Judá-dulemar, Jerusalén-dulemar, an-bemarbo-igar-mesisadbarbi be nue-nai gumala, be-gwage-ulubgi a-igarbarbi nue-nai be gumala. Melle be-ibmar-isgana-imaksamalad-ular, an-urwed sooyobi begi-nodagega be imakmalo. An-urwed, soo-gamaiyob, dule geg oginned.” Bab-Jehová sogdebalid:

Jeremías 4:4 Iomraidhean Croise

2 Crónicas 34:25

We-dulemar an-obachamalad, degi, bab-dummad-baiganga ibmar-wawadik-ogumakdii gusmalad. Degine, nuchu-mimmigan sobsamarbalid. A-ulale, an-ourwega imaksamalad. Degisoggu, an bela-bela sae-itodedba, we-neggwebur an sabsur-odurdakoed, degi, an-sae-itoged gwen berguosulid.’

Isaías 10:17

Bab-Dummad-wargwenna-guedi, Israel-dulemarga-neg-meegwadyobi-guedi, soo-gaeyobi gudoed. Bab-Jehová-Isligwaled soo-gwichigumaidyob gudoed. Ibagwen-nuedi, Asiria-sordamar-obelogoed, ikomaryobi, gagan-ikomaryobi, soogi bela obelogoed.

Isaías 30:33

Ar Bab-Jehová, Asiria-dulemarga, degi, e-reyga, sabsur-odurdakleged-neg bato dikasurgus guagwar sisad. Yaa-dummad-matusulid-yabali soo-duurmaked sobsad, degi, sapanmar-ichesuli urbisad. Bab-Jehová soogi buu imakdogu, soo-azufre-gwabunye-gwichiyobi, gadoed.”

Isaías 51:17

¡Jerusalén-dulemar! Be gwisgumar, be gwisgumar. Bab-Dummad-e-urwed be itosad. Be bela-belad ulubse surbinsa-itoge be gusad, geg bar be gwisgu gusad.

Jeremías 15:14

Yar be dakdisurmaladgi, be-isdarmaladga mailedigumalaga an bemar-imakoed. An-sae-itogedi soo-gwabunye-gwichiyobi bemarbina itosnaid.”

Jeremías 21:12

Rey-David-e-waganga weyob-Bab-Jehová-sogye be sogo: ‘Bane-bane wakudaradba igar-innikigwad imakmalo. Dule-mesagwar-gudiid, mesagwar-imaked-dulegi be ollor-imakmalo. Adi, melle bemar-ibmar-isgana-imaked-ulale, an-urwedi bemargi sooyobi gwichiguegar. Ar an-urwed, geg dule gwen bargassuliled.’ ”

Jeremías 21:5

An-sunnagwad an bemargi gwichiguoed. An-gangued an bemarse oyogoed, an ise-urwedgi, an sae-itogedgi an bemargi gwichiguoed.

Jeremías 23:19

An-urwedi burwa-dummadyob urwedigi nodagoed, burwa-bipirmakaledyobi gwichigudagoed. Dule-ibmar-isgana-imakmaladgi, gwichigunonikoed.

Jeremías 36:7

Adi, emar-Bab-Dummadse-goloedi, sunna Bab-Jehováʼse warmakega, deginbali, e-isgumalad-igargi banguegar. Ar Bab-Jehová we-dulemargi-urwedi, sae-itogedi, yeer-gangued.”

Jeremías 44:22

Bab-Jehová bemar-ibmar-isgana-imakmalad budar-dakgusgu, degi, ibmar-isdar-daklemalad-be-imakmaladi budar-dakgusgu, be-neggwebur ibmar-ukabsalegeyobi, ukabsalesad. Nega-dulesulidga imaksad, neg-olloo, dule-sate imaksad. Emi-ibadse, deyob naid.

Jeremías 9:25

Bab-Jehová soged: “Bela dule-abgan-uka-duku-sikarmalad, anse-sabsur-odurdakleged-ibagan ega danikid.

Jeremías 9:26

An we-dulemar sabsur-odurdakoed: Egipto-dulemar, Judá-dulemar, Edom-dulemar, Amón-dulemar, Moab-dulemar, degine, bela dulemar-nega-dulesulidganba-bukwamalad, dulemar-burgwarmaladse-golega na nono-swiri-imakmaladi, wemar an sabsur-odurdakoed. Ar bela dulemar-yar-baid-baidgi-bukwamalad, degi, Israel-dulemarse-bakale, e-gwage-ulubgine anba dasurmalad.”

Lamentaciones 4:11

Bab-Jehová bela-bela e-sae-itoged bar bargassulid, bela-bela e-sabsur-urwed oyosad. Sión-neggwebur ogumaksad, bela Sión-neggwebur-e-neg-sailase-bakar, ogumaksad.

Ezequiel 16:38

Ome-e-sui-dikarba-yolegedyob, degi, dule-gindakedyob an bega igar-nabogedgi sabsur-odurdaked an mesoed. An bela-bela sae-itosoggu, burgwega an be-imakoed.

Ezequiel 18:31

Israel-dulemar, bela ibmar-isganamar isguega-be-imaksamaladi be mimar. Gwage-binid, burba-binid-nikued be amimar. ¿Ar ibiga isgued-ular, be burgwebimarsunna?

Ezequiel 20:33

Ani an Bab-Jehová-Bela-Gangued-Nikadi, na dukin ise-sogar-soged, gandikidba, degi, ise-sae-itogedgi an bemar-e-reyga megoed.

Ezequiel 21:17

”Argan an god-god imakmogoed, an-urwemaid bogilegoed. Ani an Bab-Jehová-guedi, soged.”

Ezequiel 24:13

”Jerusalén-neggwebur, be-galagwensuli-gudigusad an bega elibi gusanad, ar bedi bega-elied gwen abessulid. A-ulale, an-sae-itogedba-sabsur-be-odurdakoed-sorbali, geb be swilidik gunonisunnoed.

Ezequiel 24:8

An sae-itogegala, an buged-mai imakegala, ablis-eolesad akwa-dummad-birgi-dinguega an imakoed.”

Ezequiel 44:7

Emide, bemar an-itoged-neg oichodimalad. Dulemar-yar-baidgined-aku-an-dakmaladi an-itoged-negse be ododimalad. We-dulemar gwen-ulubgi an-Igar-Mesisadgi-binsadisurmaladid, degi, abgan-uka-duku-sikarsurmaladid. Bemardi unnila anga masi, ibdurgan-e-gwallu, degi, e-ablis, ukdamalad. Weyob-ibmar-imakedgi, bemar an-igar-mesisadgi annadimalad.

Ezequiel 6:12

Dule-dikasur-bangu-gudiidi na boniganba burgoed. Dule-wegi-walikaa-gudiidi na es-suidgi burgoed. Dule dula-beoeddi ukudba burgoed. Ar ade, an bela-bela-sae-itogedgi an deyob wemar-imakoed.

Ezequiel 8:18

A-ulale, nue-urwedgi an sabsur-odurdakoed. Bipisaale, an sabguosulid, an wiledakosulid. Amba ise-wilegar anse gormaloen-inigwele, an itogosulid.”

Levítico 26:28

agine, bemargi ise-yolegar nue an sae-itogedgi, an-sunnad bemargi yoledsunnoed, be-isgumalad-ular, ilagugle (7) bur bule boni-dummagan bemargi an barmidabarsunnoed.

Levítico 26:41

Ar a-ular, be-isdarmalad-yarse an bemar-barmidoed. A-yargi-gudiidgi bemar-isgusmalad na be magar-itononimalale, be anga sokarmalale, anmar bukib-itomarye,

Amós 5:6

Bab-Jehová be amimala, adi, be dula-gudii gumaloed. Degisulile, Bab-Jehová José-wagangi sooyobi aidenonikoed, We-soo, bela Betel-neggwebur ogumakoed. Dule we-soo-oginnega sate guoed.

Sofonías 2:2

Bab-Jehová-igi-neg-imakoye-sogsagusad-guoed-idu, be deyob na be san-bipii imakmala. A-iba, ar igi-gagan-dinnagana burwaba-seleder berguddae, deyobi bergudoed. Bab-Jehová-bela-bela-e-urwed bemargi-yoleged-idu, be bulakwaa ambikudamala. Bab-Jehová-e-urwed-iba bemargi-yoleged-idu, Bab-Jehová-asabin na be san-bipii imakmala.

Romanos 2:25

Ar Moisés-Igar-Maidba be nanadiile, abgan-uka-duku-sikleged-igar bega igar-nuedga gusiid. Ar Moisés-Igar-Maidba be nanadisulirdi, abgan-uka-duku-sikleged-igar-yoo-imakedyob amba be gued.

Deuteronomio 10:16

”Degisoggu, be-gwagegi na be sogmarsun, Bab-Dummadgarbi an gudii guoye. Melle be uyasuli damar.

Deuteronomio 30:6

”Be-Bab-Dummad-Jehová be-gwagegi ibmar-isgana-imaked-iegega be-imakoed. Geb agi, bemar, be-wagan, bela-bela-e-sabguega, degine, deyob nued-gudiguega bemar-imakoed.

Deuteronomio 32:22

Ar bela-belagwad sae-sae-ito an-imaksamalad, an-urwedi soo-ginnitibi-siiyobid. An-urwedi, nega-uluse warmaked. Bela napaneggi-ibmar-sanmakmalad ese gummakoed. Bela-bela yar-e-sailamar ese gummakoed.

Colosenses 2:11

Deginbali, bemar Cristoʼgi burbar abgan-e-uka-duku siklesmalad. Dule deyobi be-imaksasurmalad. Bab-Dummad-sunnad Cristoʼgi-bemar-oakasgu, deyob be-imaksamalad. Deyobi, be-san-isguedgi be-ollor-imaknonimalad.