Jeremías 4:3 - Kuna San Blas

³ Bab-Jehová weyob Judá-dulemarga, degi, Jerusalén-dulemarga soged: “Napa-ebuledisulidgi be ibmar digmala. Melle bar iko-imbaba be ibmar digmalo.

Jeremías 4:3 Iomraidhean Croise

Génesis 3:18

Napa bega ikomar nikuoed, napa bega gagan-ikobiid nikuoed. Gagan-nainuginmalad-gunne be guoed.

Éxodo 23:11

Birgagugledgindina (7) melle be ibmar bar digo. Napa-obunnogega be imakoed, adi, dule-wilemalad a-ibmar gunmalaga, degi, ibmar-durgan-sapurbarmalad, a-ibmar-obinoed gunmarmogagar. ”Amba deyob, be-uva-digaled, degi, be-olivoʼmar-digaled, be imakbaloed.

Oseas 10:12

Oseas Israel-dulemarga sogded: “¡Bab-Jehová-amiega be guakwamalo! Ar bemar nainu-binidyob gumalad. Gwagegi igar-napiragwad be nasikmar, adi, egi sabgued-igar be amimaloed. Geb agine, Bab-Jehová, bemar-bendakegala, bemarbina danikoed. Ar igi dii-wiedi, napa-dinnaregedgi batenonidae, deyobi, Bab-Jehová bemar-bendaknonikoed.

Mateo 13:22

”Ar ikomar-abargi-batismaladdi, we-dulemar Bab-Dummad-gayaburba abingasmalando, ar we-napneggi ibmarbina bukib-binsaedbali, degi, maniginbi bur binsamarsoggu, binsaed-galedmalad, abali, Bab-Dummad-gayaburba-e-gwagegi-naid iedmarsunnad. Degisoggu, amar ibmar-gwag gwen sanmaksasulidyob gunonisunnad.

Mateo 13:7

”Ibmar-gwag abala iko-abargi babatisad. Ibmar-gwag dungudgu, ikomar ichosad, degisoggu, gwen sanmaksasursunnad.

Marcos 4:7

Baid-ibmar-gwag iko-abargi babatisad. Ikomar dungudgua, bur bule ibmar-gwag-birgi obited, degisoggu, ibmar-gwag gwen sanmaksasulid.

Lucas 8:14

”Ar iko-imbaba-babatismaladdi, we-dulemar Bab-Dummad-gayaburba abingasmalando. Ar undargusgu, we-napneggi-ibmar-nanaidse, degi, manise, degi, we-napneggi-unnila-yeer-itodiguedse, binsaed-galedmalad. Amar ibmar-gwag-gwen-sanmaksasulidyob gunonikid.

Lucas 8:7

”Abala, ibmar-gwag, iko-abargi babatisad. Ibmar-gwag dunguargu, ikomar eba dungudmogad. Ikomar ibmar-gwag-ichosad. Degisoggu, ibmar-gwag gwen sanmaksasulid.