Jeremías 4:1 - Kuna San Blas

¹ Ani an Bab-Jehová-guedgi bemarga soged: “Bemar Israel-dulemar, gannar be anse-dagmarye-sogele, mer bar be isgumalo. Be an-asabin ibmar-isgana-bab-dummadyob-imaklemalad-osulogele, mer bar be angi bangumalo.

Jeremías 4:1 Iomraidhean Croise

Génesis 35:2

Geb degine, Jacob bela e-neguyaginmaladga, degi, bela eba-gudimaladga sogded: “Bemar be-bab-dummadga-imakdiid be sedidimalad, bela be metemalo. Bemar bela islidikidguega, be obmarbalo, degine, bela mor ogwamarbalo.

2 Reyes 23:13

A-ukinbali, Rey-Josías, bela Jerusalén-neggwebur-dad-nakwedsik, Olivo-Yar-siid-argan-nuedsik bab-dummaganga-ibmar-ogumakleged-ailamar-bukwad bibichisbalid. Rey-Salomón we-bab-dummagan-imadaklemaladga aila sobsa gusad: Sidón-dulemar-e-bab-dummad-bundor-Astoretʼga, Moab-dulemar-e-bab-dummad-Quemosʼga, degine, Amón-dulemar-e-bab-dummad-Milcomʼga, sobsagusad. A-ailamar, Rey-Josías bela bibichisad.

2 Reyes 23:24

Degine, Rey-Josías weyob ibmar imaksabalid: Nergan-obelosad, ina-isgana-imaked-dulemar obelosbalid. Bela suar-nuchumar-bukwad osulosbalid. Judá-yargi, degi, Jerusalén-neggweburgi, bela ibmar-nuedsurmalad bab-dummadyob-dakdimalad osulosbalid. Adi, Bab-Jehová-Igar-Mesisad-sogmaidba-guega deyob imaksad. A-garda-narmakar-maidi, dule-irwa-Bab-Jehováʼse-goled-Hilcías Bab-Dummadse-goled-neggi amisgusad.

2 Crónicas 15:8

Asa, Bab-Dummad-gayaburba-barsoged-Azarías Obed-e-machi, degi-soge itosgua, e-niga-ogannosad. Geb bela Judá-yarmargi, degi, Benjamín-yarmargi nuchu-mimmimar obelosad. Degi, Efraín-yalaganba neggweburmar-susbalidgi bela nuchu-mimmimar obelosbalid. Deginbali, Asa, Bab-Jehováʼga ibmar-ogumakar-ukleged-aila Bab-Jehová-e-neg-ubeb-asabin-siidi obinosbalid.

2 Crónicas 33:8

Ar bela Israel-dulemar, Moisésʼga an-Igar-uksadba nanamalale, an-sogsadba, degi, an-Igar-Mamaidba nanamalale, Israel-dulemar an e-babganga-yar-uksadgi-bukwad bar an oniosulid.

2 Crónicas 34:33

Rey-Josías bela Israel-yargi galagwensuli ibmar-isgana-imaklemalad-bukwad osulosad. Degi, Josías bela Israel-yargi-gudidimalad, Bab-Jehováʼse-golega imaksad. Josías we-napneggi-gudigusgua, dulemar e-dadgan-e-Bab-Dummad-Jehováʼba nue-nanadii gusmalad. Bab-Jehováʼgi bar bangussurmalad.

Isaías 31:6

Israel-dulemar, ar doagi bemar dummad-nosmala, ase be gannar namarsun.

Jeremías 15:19

A-ulale, Bab-Jehová weyob soged: “Gannar be anse dagye-sogele, gannarse an be-onudakoed, be anga arbadii guoed. Yogasaar be-itolegedba be sunmaksulile, unnila napiragwadba be sunmakele, bee be, anga gayaburba-berbegedga guoed. We-dulemarba be mer ibsao, ar wemar bur be-sunmakedba ibsamaloedid.”

Jeremías 15:4

”We-dulemargi an ibmar-imakoedi, Ezequías-machi-Manasés Judá-e-reyga-megisadi, Jerusalénʼgi ibmar-isgana-imaksad-ular, bela dulemar-yar-baid-baidgi-bukmalad dobee-itogegala an we-bonigan barmidoed.

Jeremías 18:11

”Jeremías, emisgindi, Judá-dulemarga be sogo, degine, Jerusalén-dulemarga be sogbalo. Bab-Jehová weyob sogye ega be sogo: ‘An bemar-idu boni-dummagan urbenaiye, bemar-sabsur-odurdakedgi an binsanaiye. Bemar igar-isganagi bangumarye, be-daed be ogwamarye, be-ibmar-imaked nue be imakmarye.’

Jeremías 24:9

Bela yalamar-nanaidga we-dulemar boni-dummaganyob an imakoed, adi, an bia-oduurmakoe, agi isdar-dakmalaga an imakoed. Amar-sae-dakmalaga, mesagwar-dakmalaga, degine, ukabsamalaga an imakoed.

Jeremías 25:5

We-dulemar bega sogsamalanad: ‘Igar-isganagi be bangumala, melle be igar-isgana imakmala. Adi, nabir bemar, degibi, degisadegu, Bab-Jehová-bemarga-yar-uksadgi, be-dadganga-yala-uksadgi, be bukwa gumalagar.

Jeremías 3:1

Bab-Jehová bemarga soged: “Binsa-sogmalo: ‘Dule-wargwen ome-metele, we-ome machered-baid-nikunonikile, machered-idualed, ¿gannar e-omega-gusad-monao be insae? Suli, gege gannar monaed. Ar monaele, bela yar-oichogo-itole.’ Emide bemar, Israel-dulemar, galagwensuli abirgunagwarsuli be nanasmalad. Degisoggu, geg be bar anse warmakmalad.

Jeremías 3:12

Jeremías, dad-nakwed-argan-sapiledsik be nae. We-gaya be sognao. Weyob be sogo: ‘Weyob Bab-Jehová sogye: Ani an Bab-Jehová-guedgi bemarga soged: Israel-dule-uayasulidamalad, gannar be anse dagmala, an isdar bemar-dakosulid. Ani an Bab-Jehová-guedgi bemarga soged: An wile-dulemar-dakdaedid, isdar an bemar-dakdii guosulid.

Jeremías 3:14

”Ani an Bab-Jehová-guedgine bemarga soged: Bemar Israel-dule-uayasulidamalad, gannar be anse dagmala. ¡Ar ani an be-ibedid! Neggwebur-iliba war-wargwen an bemar-suoed, degine, be-dadgan-iliba war-warbo an bemar-subaloed. Geb Sión-yalase an bemar-nidagoed.

Jeremías 3:22

”Mimmigan, bemar uayasulidamalad, gannar be anse dagmala, be-galagwensulidamalad ani an bega nudakoed.” Israel-dulemar sogdemalad: “Bab-Jehová, anmar bese danimala, ar be, anmar-Bab-Dummadid.

Jeremías 35:15

” ’De-ukinbali, an bemarga an-maimar, an-gayaburba-barsogmalad barmimaiguad. Adi, bemarga sogmalagar: Be-igar-isganagi be bangumarye, be-damalad be ogwamarye, melle be, bab-dummaganba nanamarye. Adi, be nabir an bemarga yala-uksadgi, degi, an be-dadganga-yala-uksadgi be ambikumalagarye. Degi-inigwele, an bemarga-ibmar-soged be itossurmalad, an-sogedba be ibsassurmalad.

Jeremías 36:3

”Abakalegi, Judá-dulemar boni-dummagan an egi-barmidasokalid-wisgualile, e-isgued-igargi banguarmalale, degidbali, an sunna e-ibmar-isgana-imakmaladi, degi, e-isgumaladi an ega elied.”

Jeremías 4:4

Judá-dulemar, Jerusalén-dulemar, an-bemarbo-igar-mesisadbarbi be nue-nai gumala, be-gwage-ulubgi a-igarbarbi nue-nai be gumala. Melle be-ibmar-isgana-imaksamalad-ular, an-urwed sooyobi begi-nodagega be imakmalo. An-urwed, soo-gamaiyob, dule geg oginned.” Bab-Jehová sogdebalid:

Jeremías 7:3

Weyobi, Israel-e-Bab-Dummad-Jehová-Bela-Gangued-Nikad soged: We-yalagi-gudii amba an bemar-imakega, be-daed be ogwamar, be-ibmar-imaked be ogwamar.

Jeremías 7:5

” ’Ar bemar be-daed be ogwamalale, be-ibmar-imaked be ogwamalale, degine, na be muchub-muchub igar-innikigwad be imakmarbalile, an wile bemar-dakoed. Be-dadganga-an-yala-uksadgi bemar degisadegu gudii an imakoed.

Jeremías 7:7

we-yalagi, be-dadganga-an-yala-uksadgi amba gudii an bemar-imakoed.

Ezequiel 11:18

Wemar na gannar e-yarse nonimaloye. Agine, bab-dummaganyob-ibmar-imakdimalad-imadaklemalad bela mimaloye, degi, bela ibmar-isgana-imakdimalad obelomarbaloye.

Ezequiel 18:13

deginbali, mani-gaka-amiegala dulega mani-ukele, we-machigwade, ¿dulagudigued nuedi? ¡Suli! Ar we-ibmar-isgana-imaksad-ular, oburgwileged bur nabirid. E-burgwisadi, egi dukin ataklegoed.

Ezequiel 43:9

Na e-galagwensuli-gudimalad, degi, e-reymar-burgwismaladse-gordimalad bar imaksurmalale, andi Israel-dulemar-abargi degisadegu gudii guoed.

Oseas 14:1

Oseas Israel-dulemarga weyob sogded: “Israel-dulemar, be-Bab-Dummad-Jehováʼse be gannar dagmar. Ar bemar na be-isguedgi-argwanega na be imaksamalad.

Oseas 2:2

”Be-nan abargi-odolegega be imakmar, egi be yolemar. Ar we-ome, bar an-omesulid, bar an e-suisurmogad. Melle gambasamalad-damaladyob bar san-imake, machergan-egi-wergued obeloge.

Oseas 7:16

Gwen anse Bab-Dummad-Bur-Biriginedse dagbisurmalad. Warsi-biir-daklegedyob gumalad. E-dummagan sabsur-sunmakmaladbali, es-suidgi oburgwilenai gumaloed, degine, Egipto-dulemar egi dodonanai gumarbaloed.”

Joel 2:12

Bab-Jehová weyob soged: “Emigindi, bela-bela be-gwage-ulubgine be an-amimala, mas-gunsuli be gudii gumar, be bomar, degi, be naibi itomar.”

Zacarías 1:4

Bab-Jehová-Bela-Gangued-Nikad weyob soged: “Mer be be-dadgan-gudigusmaladyob gumala. Be-dadgangala Bab-Dummad-gayaburba-barsogmalad, Bab-Dummad-Bela-Gangued-Nikad weyob sogye sogsamalanad: ‘Mer bar galagwensuli-gudii gumarye. Mer bar ibmar-isgana imakmarye.’ Degi-inigwele, gwen anba ibsassurmalad, gwen an-itossurmalad.”

Deuteronomio 27:15

‘Dule-gwensak ibmar-wilub e-bab-dummadga-imakega-sobsale, suargindibe, akwagindibe, esgoro-diregwadgindibe, geb agi, odukusbalile, we-dule, sabsur-odurdaklesun. Ar we-ibmar dule-imakedsoggua, Bab-Jehová we-ibmar isdar daked.’ Bela dulemar abin-sogoed: ‘Eye, sabsur-odurdaklesun.’

Deuteronomio 4:30

Ar igi an bemarga bela-ibmar-sogsa, deyob be wilearmalale, sulibinsa be itoarmalale, geb agi, napidgi be-Bab-Dummad-Jehováʼse be gannar dagmaloed, degi, Bab-Jehová-bega-ibmar-sogedba be ibsanonimaloed.

Josué 24:14

Josué, Israel-dulemarga sogdebalid: —Degisoggu, bemar Bab-Jehováʼgi binsaed-nikaa nanamarsun. Eba ibsadii gumarsun, deginbali, innikigwadgi e-nug-odummodii, ese-gordii gumarsun. Be-dadgan Éufrates-diwar-obakar, degi, Egipto-yargi bab-dummadyob-ibmar-imakleged-e-nug odummodii gusmalad. A-bab-dummagan be mimarsunna, unnila Bab-Jehová-nugbi be odummodii gumala.

Jueces 10:16

Geb Israel-dulemar bab-dummadyob-imaklemalad-sedimaladi bela osulosmalad. Geb gannar Bab-Jehová-sogedba nanadmalad. Bab-Jehová, Israel-dulemar-wilebukwad nue-geger-dakgusadba na nue-wiledaksad.

1 Samuel 7:3

Aga, Samuel, Israel-dulemarga sogded: “Ar bemar bela-bela ulubgi gannar Bab-Jehová-sogedba nanabiele, dulemar-yar-baidsikid-e-bab-dummadyob-ibmar-imakleged be obelomalo, degi, bab-bundor-Astarot-e-wilub-sobarmalad be obelomarbalo. Unnila Bab-Jehová-e-nug-odummodii be gumala. Geb agine, Bab-Jehová, Filistea-dulemar-sabsur-negsemaidgi be-ollorsamaloed.”