Jeremías 3:8 - Kuna San Blas

⁸ Ar Judá-dulemar daksagusad, igi an Israel-dule-uayasulidamalad galagwensuli-gued-ular metegusa, an ega ome-meted-garda-uksagusad an-daksamalad. Degite, e-gwenadgan-Judá-dule-uayasulidamalad gwen an-dobee itossulid, e-gwenadgan-Israel-dulemaryob galagwensuli gusmarmogad.

Jeremías 3:8 Iomraidhean Croise

2 Crónicas 21:11

A-ukinbali, Joram, Judá-yargi, yarmar-bukwadgi e-bab-dummaganse-goled-aila-matusurmalad sobsad, degi, Jerusalén-dulemar bab-dummagan-baiganse-golega imaksad. Degi, bela Judá-dulemar Bab-Jehová-iegega imaksabalid.

Isaías 50:1

Bab-Jehová weyob soged: “Israel-dulemar, ¿an bemar-nan obachasi? Degite, ¿bia abirgin-meted-gardade nadsunna? Anga be oyodo. ¿An doa-dulemarga bemar-egi-mani-ganikidyobi an be-uksamarsunna? An deyob be-uksasurmalad. Ar be-isgued-ular, na be dukin uksamalad. Bemar uaya-sate-gusad-ulale, be-nan oballedsunnad.

Jeremías 2:19

Ani an Bab-Dummad-Jehová-Bela-Gangued-Nikad an bemarga soged: Be-isguedgi na be dukin sabsur-odurdaklemaloed, be angi-yolenanaidgi na be dukin wilemaloed. Nue be binsamar, ‘dule Bab-Jehováʼgi-bangudele, Bab-Dummad-dobsuli-nanadele, we nuedsulid, Bab-Dummad-ieged yeer gangued.’

Jeremías 3:1

Bab-Jehová bemarga soged: “Binsa-sogmalo: ‘Dule-wargwen ome-metele, we-ome machered-baid-nikunonikile, machered-idualed, ¿gannar e-omega-gusad-monao be insae? Suli, gege gannar monaed. Ar monaele, bela yar-oichogo-itole.’ Emide bemar, Israel-dulemar, galagwensuli abirgunagwarsuli be nanasmalad. Degisoggu, geg be bar anse warmakmalad.

Jeremías 33:24

“¿Ar be daksursi, dulemarde an-annik-sogmalad, ande yala-sogabo-susadi bela obachaye? A-ulale, wede isdar-an-dulamar-dakmalad, dulamar-bukwasuliyob dakmalad.

Jeremías 5:7

Bab-Dummad sogded: “¿Ibiga isgussulidyob an bemar-dakosunna? Ar be-mimmigan an-obachamalad, bab-dummagansurmalad-nuggi ise-sogar sogdamalad. An bemarga mas unnitiba uksad, degite, bemar galagwensuli gudmalad. Bela bemar danagwen galagwensuli gambanuchumarba be gudii gusmalad.

Ezequiel 16:46

Samaria, be-iorad, na e-neggwebur-burwiganmala be-dad-nakwed-argan-sapiledsik siid. Sodoma, be-urbad, na e-neggwebur-burwiganmala be-dad-nakwed-argan-nuedsik siid.

Ezequiel 16:47

Unnila wemar-daedbarbi be nanadii gussulid, e-ibmar-isgana-imakdiid be imaksabalid. Wemarba bur bule be isgusad.

Ezequiel 16:51

Degi-inigwele, Samaria, degi, dulemar-e-neggwebur-burwiganginmalad be-isgusadyobi isgussurmalad. Ar bedi we-dulemarba bur bule ibmar-isgana imaksad, ar bebo wilubsadele, beba bur dule-nued gumalad.

Ezequiel 23:44

Ar ome-gambanuchubo-megedyobi, we-omebo megismalad. Weyobi, ome-gambanuchu-saed-Aholaʼye-nugadbo, degi, Aholibaʼye-nugadbo megismalad.

Ezequiel 23:9

”A-ulale, e-ai-nuedga-imakdiidga an urmaksad. Asiria-dulemarga an urmaksasunnad. Surbinsa amarbina sogdii gusad.

Oseas 3:4

Ar Israel-dulemar undar reysuli, degi, dule-negseedsuli gudii gumaloed. Degine, bar ibmar-ogumakar-ukleged-ailagi ibmar-ukdii guosurmalad, degi, dule-irwa-Bab-Dummadse-goled-mor-yoi guosurmalad, degine, ibmar-wagar-wilubganmar-sedii guosurmarbalid.

Deuteronomio 24:1

Moisés Israel-dulemarga sogdebalid: “Dule-wargwen, ome-nikunonidibe, degine, ome-nikusad gwen nabir-egi-nosur-dakalile, abali, bar abesurgualile, ome-meted-garda narmakoed. Geb we-garda omega ukoed, deginbali, e-neggi-gudiid onobaloed.

Deuteronomio 24:3

”Dule, a-machered-sorba-nikusmogar, we-ome-isdar-dakarmogale, degine, ome-meted-garda ega narmakar-uksamogale, deginbali, e-neggi-onosbalile, igidibe, we-sui-sorbalid burgwenonisundibe,