Jeremías 3:6 - Kuna San Blas

⁶ Josías-reyga-maiunni, Bab-Jehová anga weyob sognonigusad: “Jeremías, ¿Israel-dule-uayasulidamalad-ibmar-isgana-imaksad be daksa? Bela yar-mulluganse, sapi-dummagan-urba galagwensuli gusmalad.

Jeremías 3:6 Iomraidhean Croise

1 Reyes 14:23

Aginbali, bela yar-senigana-birgi, degi, bela-sapi-dummagan-gwismalad-urba bab-dummaganse gordidamalad. Aginbali, aila-matusulidgi ibmar-ogumakleged-ailamar sobsamalad, akwamar-bab-dummadyob-imakleged urbenai gusmarbalid, e-bab-dummad-bundor-Asera-e-wilub sobsamarbalid.

2 Crónicas 34:1

Josías birgabaabak-nikadgi (8) yar sealid. Josías Jerusalénʼgi birga-dulagwen-gakambe-gakagwensak (31) yar sesad.

Salmo 106:39

Weyob neg-imaksamaladbali, neg isgunonikid, bela isgunonimarsunnad.

Isaías 57:3

Bab-Jehová sogded: “Bemar, ome-ina-isgana-imaked-mimmigan, negsichigi-galagwensuli-gambanuchuganba-nanamalad-e-wagan, be anse walikgudamar.

Isaías 57:7

Yar-matusulid-birigine, be-meged be omesisad, yar-matusulidse be nakwisad, agi bab-dummadsulidga ibmar-ogumakar-ukega be nakwisad.

Jeremías 1:2

Deunni, Amón-machi-Josías reyga birgambe-gakapaagus (13) Judá-yargi-maidgi, Jeremíasʼse Bab-Jehová-gayaburba nonikid.

Jeremías 11:10

E-babgan-isgusadyob gannar isgudmarmogad. Amarde gwen an-sogedba nanasurmalad. Bab-dummad-baiganba ibmar-imakdii gudmalad. Ar Judá-dulemar, degi, Jerusalén-dulemar, an E-Dadganbo-Igar-Mesisad bichismalad.

Jeremías 17:2

Ar be-mimmiganse-bakale, bab-dummad-bundor-Asera-e-wilubgan-sobsadi, ega e-ailamar sapi-dummagan-nagaba-sobsadi, nue ebinsamalad.

Jeremías 3:8

Ar Judá-dulemar daksagusad, igi an Israel-dule-uayasulidamalad galagwensuli-gued-ular metegusa, an ega ome-meted-garda-uksagusad an-daksamalad. Degite, e-gwenadgan-Judá-dule-uayasulidamalad gwen an-dobee itossulid, e-gwenadgan-Israel-dulemaryob galagwensuli gusmarmogad.

Jeremías 31:22

Bunagwa-uayasulidaedi, ¿ar sanagwadse be yoggus-gudiguoye be soge? Bab-Jehová, ibmar-gwapid we-napneggi imaksad. Ome sui-ebirdii guoed.”

Jeremías 5:11

Ani an Bab-Jehová soged: Israel-dulemar, Judá-dulemar, uayasuli angi gudmalad.

Jeremías 7:24

”Degi-inigwele, be-dadgan an-itossurmalad, an-sogedba ibsassurmalad. Aka bur e-binsaed-isganamarba nanasmalad. Anba bur nanae-wilubmala-inigwele, aka bur angi bangudmalad.

Ezequiel 16:31

Bela igarmar-abingunanaidgi, gambanuchu-megmalad-neg be sobsagusad, degi, bela neg-ollornanaidgi, gambanuchu-megmalad-neg be sobsagusad. Ar degi-inigwele, bedi gambanuchu-daedyob gussulid, ar be gwen mani-gassulid.

Ezequiel 16:35

Degisoggu, gambanuchu, Bab-Jehová ibmar-soged be itoge.

Ezequiel 20:28

An be-dadganga ise-sogar yar-ukoye-sogsagusad uksagua, be-dadgandi yar-mullugan dakarmalale, degi, sapi-bulamakgwichid dakarmalale, nued dakdamalad. Agi ibdurgan-oburgwega, agi ibmar-ukleged-sae-ito-an-imaked-ukmalaga nued dakdamalad. Agi ina-wawad ogumaksamalad, agi vino eosmarbalid.

Ezequiel 23:11

”E-urba-Aholiba, weyob e-ior-gusad na daksa gusanad, degi-inigwele, aka bur bule e-iorba na galagwensuli guded. E-iorba bur bule gambanuchu-imakdii gusad.

Ezequiel 23:4

Bunagwa-sailaginedi, Aholaʼye nugad, e-urbadi, Aholibaʼye nugad. We-bunamala an nikusad. Anga mimmigan baksamalad. (Ahola, Samaria gued. Aholibaʼdi, Jerusalén gued.)

Oseas 11:7

Bemar, an-neggwebur-gumaladi, angi nue-banguega be alamaknanaid. Degisoggu, amba anse gorye sogmalale, bar an bendakosulid.

Oseas 4:13

Yar-birigangine, yar-mullugangine, sapimar-urba e-bab-dummaganga ina-wawad oburmakdamalad, degi, ibmar-ogumakar ukdamarbalid. A-ulale, e-bunamala, galagwensuli negsichigi-nanaddamalad, degi, e-balamar abirgunagwarsuli negsichigi yoleddamalad.

Jueces 2:17

Degi-inigwele, Israel-dulemar, dummagan-igar-nabomalad-sogedba dassurmarbalid, aka dule-baigan-e-bab-dummaganba nanadmalad, ase gotemalad. Degisoggu, e-dadgan-nanasad-igarba yog-banguar gusmalad. Ar e-dadgandi, Bab-Jehová-Igar-Maidba nanasmalad, emardi, Bab-Jehová-Igar-Maidba gwen nanassurmalad.