Jeremías 3:3 - Kuna San Blas

³ A-ulale, bar bemarga dii wissulid, degi, dii-wied-ibagangi bar bemarga dii wissurbalid. Ar bede ome-gambasaedyob na be san-imaksamalad, gwen bingedar be itossurmalad.

Jeremías 3:3 Iomraidhean Croise

Génesis 19:34

A-bangine, ior urbaga sokalid: —Sae-mutik bab-yarba an megisad. Degisoggu, emi-mutik anmar bab-omumsabalo, adi, bab-yarba megmogagar. Geb degiir, anmar geb ega anagan urboed.

Nehemías 9:17

Anmar-dadgan yapa be-ito gusmalad. Degine, ibmar-dakledisulid-ega-be-imaksadi, gwen ebinsassurmalad. Ar be-itossurmarsoggu, amar begi-yoledmalad. Geb na e-dummad-amismalad, adi, gannar Egiptoʼse na maiga-wiledii gunamalagar. Degi-inigwele, Bab-Dummad, bedi amargi bangussulid. Ar Bab-Dummad, bedi dule-wiledaked maid. Bedi sabedgi igar-nudaked, dule-wiledakedba sabedgi be ibmar imaked. Be wissur gwae-gwae sae-itodaed. Be-sabgueddi bur dummarba gued. A-ular, be-dulamar, be iessulid.

Proverbios 21:29

Dule-isgana na ibmar-sogsadi gege ogwadaed. Dule-nueddi, na e-daed nudaked.

Isaías 5:6

Bela swanga-nai an imakoed, bar uva-dub diglegosulid, bar nuekwaa emilegosulid. Ikomarbi, degi, gagan-ikobimaladbi ainidagoed, bar mogirmar egi dii-owiega an imakosulid.”

Jeremías 14:1

Dii bar wimaisulid-ular, Bab-Jehová Jeremíasʼga sunmaknonikid. Ega weyob sognonikid:

Jeremías 14:22

Bab-Dummad, ¿ar bab-dummagan-imbagi, gwensak dii-nabir-owied gudisi? Suli. Bab-Dummad-Jehová, ¿ar bee be, dii-owisursi? ¿Ar nibnega e-itolegedba dii-owiardasi? Suli. Ar bela be we-ibmarmar imaksad. A-ulale, anmar begi bensurmalad.”

Jeremías 14:3

Dule-nuga-nikamaladi, dule-ega-arbamalad ega dii-amiega barmiddaed. Dia-dummagan-siidse naddamalanad, degi-inigwele, diimar satedaed. Binged-abalagi gannar e-gwidu-ollo-ollo negse nonidamalad. Nue-naibi-itogedbali, e-nono gasa imakdamalad.

Jeremías 14:4

Yalagi dii bar wisulidbali, napamar daas-daas naded. Dule-sapurgi-arbamaladi akusunna na itogusmalad, bukib binsagusmalad.

Jeremías 36:2

“Garda-suid be sue, agine bela an bega Josías-ibagan-akar emi-ibadse ibmar-sogdanikid be narmako. An bega, Israel-dulemargi, Judá-dulemargi sunmakdanikid, degine, bela dulemar-baigangi an bega-sunmaksadi bela be narmako.

Jeremías 5:24

Wis binsasurmalad, na sogsurmalad: ‘Anmar, anmar-Bab-Dummad-Jehová dobee nanamarye. Anmarga dii-owimaiye, ibagan-sekalaa dii barmimaiye. Degine, anmarga ibmar-weed-ibagan sekalaa nasikmaiddeeye,’ gwen binsasurmalad.

Jeremías 5:25

”Be-isgumaladi, bemargi we-ibmar-nuegan obelosad. Be-isgumaladi, bei ibmar-nuegan gasa siid.

Jeremías 5:3

Ani Jeremías sogded: “Bab-Dummadga an weyob sogded: Bab-Jehová, ¿ar be dule-innikidamalad amisursi? Eye, be amienad. Ar dulemar be sabsur-odurdaksa-inigwele, degite, gwen bai-itossurmalad. Be we-dulemar-e-ibmarmar-obelos-inigwele, gwen gwage-nuguedgi binsasurmalad. Akwaba bur bule e-gwage dutusuli nadmalad, gwen e-isguedga bukib itossurmalad.

Jeremías 6:15

Ani an Bab-Jehová soged: “¿Bemar ibmar-isgana-imaksadbali, be bingegusmala? Ar bemar, bingedar itossurmalad. ¡Bingeguodeeye gwen binsasurmalad! A-ulale, wemar dulemar-sabsur-odurdaklegoedba, sabsur-odurdaklemogoed. An we-dulemar sabsur-odurdakalile, bela wilemaloed.”

Jeremías 8:12

Bab-Jehová soged: “Weyob ibmar-isgana-imaksamaladba, degite, ¿bingedar-itosurmarde? Suli, degite amba bingedar itosurmalad. ¡Ar bingegued wissurmalad! A-ulale, dulemar-sabsur-odurdaklegoedba, wemar sabsur-odurdaklemogoed. An we-dulemar sabsur-odurdakalile, bela wilemaloed.”

Jeremías 9:12

Ani Jeremías weyob sogded: Ar we-ibmar magar-itogegala, ¿doa binsaed-ibed-gudii? ¿Ar doaga Bab-Dummad sunmaksa, adi, dule-baidga we-ibmar-sogmogagar? ¿Ar ibiga anmar-yar bergusnai? ¿Ibiga anmar-yar nega-dulesulid-naidyobi dule gwen nanasuli ollo-nai?

Ezequiel 3:7

Ar Israel-dulemardi be-itogosurmalad. Ar an-ega-ibmar-soged itobisurmalad. Ar bela Israel-dulemar uaya-satemaladid, gwage-dutusurmaladid.

Levítico 26:19

Bemar be-san-dummarba-imakmaladi, an san-bipii bemar-imakoed. Nibneg esgoroyob, an bega imakoed, degi, napadi esgoro-gordikidyob an bega imakbaloed, ar ade, dii wiosulid, degi, napagi ibmar-sanmakosulid.

Amós 4:7

”Nii-warbaase ibmar-gwag-welegoed-iduale, dii bar an owissulid. Unnila neggwebur-gwagwengi dii an owisad. Neggwebur-baidgindi dii an owissulid. Nainu-gwensakgi dii-winai gusad. Baid-nainugindi dii wissulid, abali, nainu dingude gusad.

Amós 4:8

Degisoggu, dulemar neggwebur-baid-baidse dii-amidii gusmalad. Wis-gobsamar-inigwele, amba uku-uku-itogedi surgussurmalad. Degite, bemar deyob-gusmar-inigwele, gwen gannar anse aibilissurmalad. Ani an Bab-Jehová-guedi weyob soged.

Sofonías 2:1

Geb ani an Sofonías sogded: “Dulemar-bingedsurmalad, be bulakwaa ambikudamala, Bab-Jehová-asabin na be san-bipii imakmala.

Sofonías 3:5

Dule, Bab-Jehová-e-dulamar-abargi-gudiiddi, igar-inniki-imakedid, ibmar-isgana imaksulid. Bane-bane wakudaryalaba e-igar-inniki-imaked imakdiid, bangi-oibosale, geg imaksuli gued. Dule-isganadina, gwen binged itosulid.

Hageo 1:11

Ani an wemargi mer bar dii-wiega imaksad: Orosyob-dakleged-trigo-digar-nanaidgi, uva-digar-nanaidgi, olivo-gwallu-nuegan-digar-nanaidgi, ibmar-durbamar-digarmaladgi, dulemar-bukwadgi, ibdurgan-bukwadgi, degi, dulemar-e-ibmarmar-imakmaladgi, ani an mer bar dii-wiega imaksad.”

Deuteronomio 28:23

”Degine, nibneggine dad esgoro-gordikidyob-bela-bela-ganai guoed. We-napadi esgoroyob dutusuli guoed. A-ular, bega ibmar sanmakosulid.

Hebreos 12:25

Nue salakarmar, Bab-Dummad-bega-sunmaknaid mer baisur be itomalo. Ar anmar-dadgan we-napneggi ega sunmaklenaigusgu, itossurmaladba nue-odurdaklesmalad. Anmar-bursunna, Bab-Dummad-nibneggi-anmarga-sunmaknaid anmar eba dasurmalale, anmar bur bule odurdaklemalodo.