Jeremías 3:2 - Kuna San Blas

² Nue be yar-mullugan-swana-naid be dake: Bia be galagwensuli-gussuli dakmalodibe. Bemar, Árabe-dulemaryob nega-dulesulidba igar-yalagi mellesii be damalad. Omegan-gamba-imakmaladi, na machered-abindaksidamaladyobi, be gudidamalad. Bemar galagwensuli-isgusmaladbali, we-yala be oichosmalad.

Jeremías 3:2 Iomraidhean Croise

Génesis 38:14

Deyob wisgusgu, Tamar e-sui-burgwisad-ular mor-bukib-binsaed-yoid esusad. Geb mor-baid yosad. Geb degine, dunwegi e-wagar odukusad, adi, melle dulemar magar e-dakmalagar. Geb degine, Enaim-neggwebur-dogedgi sigisad, ar ade, Timnatʼse-naega, agi igar maid. Tamar weyob imaksad, ar ade, Sela bato dummad-gusa daksad. Degine, Tamar, gwen Sela e-suigaguega, ega uksurmala daked.

1 Reyes 11:3

Salomón dulataled-ilagugle (700) reymar-sisgan nikusad. Aginbali, dulataled-ilapaa (300) omegan-dikarbalid nikusbalid. A-omegan, Salomón Bab-Jehováʼgi-banguega e-binsaed gasmalad.

2 Reyes 23:13

A-ukinbali, Rey-Josías, bela Jerusalén-neggwebur-dad-nakwedsik, Olivo-Yar-siid-argan-nuedsik bab-dummaganga-ibmar-ogumakleged-ailamar-bukwad bibichisbalid. Rey-Salomón we-bab-dummagan-imadaklemaladga aila sobsa gusad: Sidón-dulemar-e-bab-dummad-bundor-Astoretʼga, Moab-dulemar-e-bab-dummad-Quemosʼga, degine, Amón-dulemar-e-bab-dummad-Milcomʼga, sobsagusad. A-ailamar, Rey-Josías bela bibichisad.

Salmo 106:38

Dule-ibmar-okalodisulid-e-ablis eosmalad, a-e-masmala-e-ablis eosmalad, a-e-bunamala-e-ablis eosmarbalid. Canaán-dulemar-e-bab-dummaganga amar-oburgwenanai guarmalad. Degidbali, ablis-aryosad-ular, napneg isgunonikid.

Proverbios 23:28

We-omedi, dule-atursaedyob matarmakdidaed. We-ome, machergan-bukidar-e-ome-dikarba-yolemalaga imaked.

Proverbios 7:11

We-ome neg-gagadidaed, gwinni-gwinni daed, geg neggi siged, galimbabi wisid.

Jeremías 12:12

Bela yala-mullugan-negasulidganba, dule-isganamar nonimalad. Bab-Jehová-e-es-suid bela we-yala obelogoed, bela naga-nagase obelogoed, gwen dule-wargwenga neg-bogidikid naguosulid.

Jeremías 2:20

”Bato dikasurgus bemar angi gwisgusmalad, dikasurgus be angi bangusmalad. Ar bemarde weyob sogsamalad: ‘¡Anmar beba daosuli!’ Bela yar-mullugangi, bela sapi-dummagan-urba, gambanuchu-imakdii be gusmalad.

Jeremías 2:23

”Ar bemarde igi be sogosunna: ‘An isgussurmarye, bab-dummagan-Baal-e-nugmar an odummossurmarye.’ ¡Nebagi ibmar-imaksamalad be ebinsamar! ¡Be ibmar-isgana-imaksamalad be magar-itomar! Bemar moli-yargan-mureged-abarmakwisdaedyob be gumalad, geg boo be gudii gumalad.

Jeremías 2:7

Napa-gadi-ibmar-sanmakedse ani an bemar-sealid, bemar agi ibmar-san gunmalagar, degi, e-ibmarmar-nuegan gunmalagar. Degi-inigwele, bemar an-yalase-nonimargua, be an-yala oichononimalad. Ib-isganaga be an-yala imaksamalad.

Jeremías 3:1

Bab-Jehová bemarga soged: “Binsa-sogmalo: ‘Dule-wargwen ome-metele, we-ome machered-baid-nikunonikile, machered-idualed, ¿gannar e-omega-gusad-monao be insae? Suli, gege gannar monaed. Ar monaele, bela yar-oichogo-itole.’ Emide bemar, Israel-dulemar, galagwensuli abirgunagwarsuli be nanasmalad. Degisoggu, geg be bar anse warmakmalad.

Jeremías 3:13

Ani an Bab-Jehová-guedgi bemarga soged: Unnila be-isgusad be magar-itomala, na be angi-nosmalad be magar-itomala. Bela sapi-dummagan-urba bab-dummad-baiganga be ibmar-imaksamalad be magar-itomala, gwen be an-sogedba-nanabigussulid be magar-itomala.’

Jeremías 3:21

Bab-Jehová bemarga soged: “Yar-mullugan-nega-swaan-naidganba, dulemar-oimake itoleged. Israel-dulemar ise-wilegar bobukwa itoleged. Ar e-daed oichosmalad, igar-noaled susmalad, Ani an e-Bab-Dummad-Jehová-guedi iedmalad.

Jeremías 3:9

”Israel-dulemar an-yardaksagu, gwen bai itossulid. Aka bur bela yar-oichosad, degi, akwamar-bab-dummadyob-imaklemaladba, degine, suarmar-bab-dummadyob-imaklemaladba galagwensuli nanasmalad.

Jeremías 7:29

Sailagia be siksun, sailagia be misun, yar-mullugan-swiliganba be bonae. Ar dulemar-an-ourwega-imaksamaladi an obachad, agala, an egi bangusad.’ ”

Ezequiel 16:16

Napa-nibakwagwad-birgi Bab-dummadyob-ibmar-imaklegedse-goled-neg be-mormargi be sobsad. A-neggi galagwensuli be gusad. ¡Bipisaar deyob ibmar gwen dakledisulid!

Ezequiel 20:28

An be-dadganga ise-sogar yar-ukoye-sogsagusad uksagua, be-dadgandi yar-mullugan dakarmalale, degi, sapi-bulamakgwichid dakarmalale, nued dakdamalad. Agi ibdurgan-oburgwega, agi ibmar-ukleged-sae-ito-an-imaked-ukmalaga nued dakdamalad. Agi ina-wawad ogumaksamalad, agi vino eosmarbalid.

Oseas 2:5

E-nande, gambasaedid. Ar we-ome-mimmigan-baksadde bingedsulidaedid. Ar ade, we-ome weyob sogsad: ‘An-suiganmarba an nabie, amar anga masgunned ukdaed, amar anga gobed ukmarbalid, amar anga mor-wawaad, degi, lino-dubgi-mor-sobaled ukdamarbalid, amar anga olivo-gwallu, degine, gobed-nuegan ukdamarbalid.’

Lucas 16:23

”Dule-mani-ibed odurdakleged-neggi nue-wilesii atakargu, Abraham dikasur-sii dakalid. Lázaro a-walik simogad.

Deuteronomio 12:2

”Bela neggweburmar be suesokalidgi e-bab-dummaganse-gormalad-e-aila-matusurmalad bela be osulogoed. We-aila-matusurmalad yar-dummagangi-bukwad, yar-mullugangi-bukwad, degi, sapimar-bulamakwichid-urba-bukwad, bela be osulogoed.