Jeremías 3:12 - Kuna San Blas

¹² Jeremías, dad-nakwed-argan-sapiledsik be nae. We-gaya be sognao. Weyob be sogo: ‘Weyob Bab-Jehová sogye: Ani an Bab-Jehová-guedgi bemarga soged: Israel-dule-uayasulidamalad, gannar be anse dagmala, an isdar bemar-dakosulid. Ani an Bab-Jehová-guedgi bemarga soged: An wile-dulemar-dakdaedid, isdar an bemar-dakdii guosulid.

Jeremías 3:12 Iomraidhean Croise

Ezequiel 33:11

Ega be soge: ‘Bab-Jehová-Bela-Gangued-Nikadi na dukin ise-sogar-soged, dule-isgana-burgwed abemaisulid. Dula-gudiguega, e-isguedgi-nugued abeged. Israel-dulemar nugumala. Be-galagwensulidamaladgi nugumala. ¿Ibiga be burgwemaloe?’

Salmo 86:15

Bab-Jehová, bedi dule-nuedid, emar-wiledakedid. Bedi, baisursunna urwesulidid, sabgued-dummad-nikadid, dule-innikigwadbalidid.

Jeremías 33:26

an Jacob-wagan obachanad, degi, an-mai-David-wagan an obachabalinad. Degine, David-wagan, Abraham-waganga, Isaac-waganga, degi, Jacob-waganga, dummadga-negsemaiguega an sussulinad. Emide, an Israel-dulemar gannar e-yarse an sedagoed, an-dulamar an ise-wile dakoed.”

Jeremías 31:20

Bab-Jehová soged: “¿Ar Efraín an-Machi-sabed-sunnadsursi? ¿Bur Efraínʼbina an nue-itosursi? Gandikidba an ega ibmar-sokalile, an ebinsaardaed. Efraín bur bela-belad an-gwage-ebudaed, we bur an nue-wiledaked.

Jeremías 3:22

”Mimmigan, bemar uayasulidamalad, gannar be anse dagmala, be-galagwensulidamalad ani an bega nudakoed.” Israel-dulemar sogdemalad: “Bab-Jehová, anmar bese danimala, ar be, anmar-Bab-Dummadid.

Jeremías 3:18

”A-ibagangine, Judá-dulemar, Israel-dulemarbo gannar atogoed. Neggwebur-dad-nakwed-argan-sapiledsik-siidba be danimaloed, bia an, be-dadganga-yar-uksagusadse be bukunonimaloed.

Jeremías 30:11

Bab-Jehová soged: “An be-bendakega be-yalaba gwichid. Bia an be-oaisakismala, a-yarmala an bela-naitinagase obelogoed. Degi-inigwele, bemardi an be-obelogosulid, unnila igar-innikigwadba an sabsur-bemar-odurdakoed, an bemar-odurdaksuli an guosulid, an bemar-odurdakedsegad.”

Jeremías 23:8

Bur sogdemaloed: Bab-Jehová-e-nug odummomarye, ar a Israel-dulemar-Babilonia-yargi-bukwa onosaddeeye. Ar Bab-Jehová, bela Israel-dulemar-yar-bamaladgi-oaisakisadi, agi bukwa onosaddeeye sogdemaloed. Degisoggu, Israel-dulemar na e-yalagi bukwagumaloed.”

Jeremías 4:1

Ani an Bab-Jehová-guedgi bemarga soged: “Bemar Israel-dulemar, gannar be anse-dagmarye-sogele, mer bar be isgumalo. Be an-asabin ibmar-isgana-bab-dummadyob-imaklemalad-osulogele, mer bar be angi bangumalo.

Jeremías 3:5

Be sogsabalid: ‘Babaye, ¿be anmarbo urwedigu guode? ¿Be anmarbo degisadegu sae-itodii guode?’ Deyob be sogdigusmargu, degite, amba bemar ibmar-isgana-imakdii gusmalad.”

Salmo 145:8

Bab-Jehová wile dulemar-dakdaed, nue dulemar-sabdaed. Bab-Jehová wissur gwae-gwae urwed, nue dulemar-sabgumaid.

Salmo 86:5

Bab-Dummad, be dule-nued gued, isgudsuliyob be emar-dakedid. Dulemar-bese-gormalad be bela-bela sabed.

2 Reyes 18:1

Ela-machi-Oseas birgapaagus (3) Israelʼgi negsemaidgi, Acaz-machi-Ezequías Judá-yar sealid.

2 Reyes 17:23

Degisoggu, Bab-Jehová na Israel-dulemargi bangusad. Ar igi e-maigan-e-gayaburba-barsogmaladba sogsagusa, deyobi imaksad. Deyobi, Israel-dulemar e-yargi Asiria-yarse gales selesgusad. De-akale, emi we-garda-narmaklenaidse amba agi bukmalad.

Deuteronomio 30:2

”Ar bemar, degi, be-mimmiganmala, gannar Bab-Dummadse-dagye sogmalale, degine, bela-belad be-ulubgi eba be nanamaloye sogmalale, degine, Igarmar-Mamaid-an-bemarga-uksadba be nanamalale,

Oseas 6:1

Israel-dulemar sogdemalad: “Dagmar, gannar anmar Bab-Jehováʼse namalo. Bab-Dummad an-ichimaksa-inigwele, amba anmar-nudakoed. Anmar-onaglik-imaksad-inigwele, anmar-nudakoed.

Ezequiel 39:25

”A-ulale, ani Bab-Jehová-Bela-Gangued-Nikadi weyob soged: ‘Emigindi, Jacob-dulemar-gales-bukmaladi, gannar dagega an imakoed. Bela Israel-dulemar an wiledakoed, an-nug-isligwaled-odummomalaga an imakoed.

Jeremías 31:8

Bemar dad-nakwed-argan-sapiledsik-bukmaladi ani an bemar sedagoed. Bela napneg-ugakaase be bukmaladi, gannar danar wegi an bemar-urbemaloed. ¡Bela-belad-bur-ichesuli gannar nonimaloed! Amar-abargi, dala-satemalad danimarmogoed. Muya-muya-nanamaladi, siamar-gurgin-nikamaladi, degine, muugan-sikwigamaladi, danimarmogoed.

Jeremías 3:14

”Ani an Bab-Jehová-guedgine bemarga soged: Bemar Israel-dule-uayasulidamalad, gannar be anse dagmala. ¡Ar ani an be-ibedid! Neggwebur-iliba war-wargwen an bemar-suoed, degine, be-dadgan-iliba war-warbo an bemar-subaloed. Geb Sión-yalase an bemar-nidagoed.

Jeremías 3:7

Bela we-ibmar-isgana-imaksamalad-sorba, gannar anse nonimaloye an binsasanad. Degi-inigwele, gwen anse gannar nonisurmalad. E-gwenadgan-Judá-dulemar-uayasulidamogadi, e-gwenadgan-ibmar-imaksad daksamarmogad.

Jeremías 3:1

Bab-Jehová bemarga soged: “Binsa-sogmalo: ‘Dule-wargwen ome-metele, we-ome machered-baid-nikunonikile, machered-idualed, ¿gannar e-omega-gusad-monao be insae? Suli, gege gannar monaed. Ar monaele, bela yar-oichogo-itole.’ Emide bemar, Israel-dulemar, galagwensuli abirgunagwarsuli be nanasmalad. Degisoggu, geg be bar anse warmakmalad.

Isaías 44:22

Burwa-sibugana-yogguddaedyobi, an bega be-ibmar-isgana-imaked, osulosad. Degi, boo-aisakiddaedyobi, an bega be-isgued osulosad. Gannar be anse dage, ani an be-nudaksad.”

Proverbios 28:13

Dule, e-isgued gwageginbi sediile, nued-gudii guosulid. Dule, e-isgued na barsogerdi, egi banguerdi, Bab-Dummad wiledakoed.

Salmo 103:17

Ar Bab-Jehová-e-sabgueddi, degisadeguad. E-nug-odummodimaladgardi, e-sabgued-oyoged berguosulid. Wemar-e-wagangardi, Bab-Dummad-e-igar-innikigwad degisadeguad.

Salmo 103:8

Bab-Jehová dule-wiledakedid, dule-nuedid, irgwensuli urwesulid, e-sabguedi dummarbad.

Salmo 79:5

Bab-Jehováʼye, ¿sanagwadse be-urwed berguoe? ¿Sanagwadse degisadegu be urwemai guoe? ¿Sanagwadse be-nobgued sooyob gamai guoe?

2 Crónicas 30:9

Ar bemar gannar Bab-Jehováʼba be aibirmalale, adi, be-gwenadgan, degi, be-mimmigan e-isdarmaladse-galesbukwadi, wile dakledamaloed, degi, gannar e-yalase barmidamaloed. Ar ade, bemar-Bab-Dummad-Jehová, nueddaed, wile dule-dakdaed. Bemar gannar ese aibirmalale, be-obanosurmalad.”

2 Reyes 17:6

Rey-Oseas birgabakebakgus (9) yar semaidgi, Asiria-e-rey, Samaria-yar sunonikid. Degi, Asiria-rey Israel-dulemar-gasa e-yarse sesagusad. Geb Asiria-rey, Israel-dulemar Gozán-neggweburgi urbisad. Agine Habor-diwar-maid Halahʼye-neg-nugadgi oambikusad. Degi, Medo-dulemar-yargi oambikusbalid.

2 Reyes 15:29

Peka, Israel-reyga-maiunni, Asiria-e-rey-Tiglat-Pileserʼye-nugadi we-neggweburmar sunoni gusad: Ijón-neggwebur, Abel-Bet-Maaca-neggwebur, Janoa-neggwebur, Cedes-neggwebur, Hazor-neggwebur, Galaad-neggwebur, Galilea-neggweburmar, degi, Neftalí-neggweburmarse-bakale, bela susad. Geb degi, Asiria-yarse dulemar-yogasaar-gales sesagusad.

Génesis 4:7

Ar ibmar-nued be imakele, ¿an be-abingassurmogar be insae? Eye, an be-abingasmogale. Ar emigindi, be ibmar-nued imaksursoggu, isgued begi-aibinega guakwaa be-edarbediid. Degi-inigwele, sunna isguedgi be obined.”

Levítico 26:40

”Ar bemar-isgusadba, degi, be-babgan-isgusadba, be angi bangudigumalad, be angi yoledigumalad.

Salmo 103:9

Degisadegu urwemai guosulid. Dule-egi-nosale, degisadegu ebinsabalosulid.

Jeremías 11:6

Bab-Jehová anga sogdebalid: “Bela we-gayaburba Judá-neggweburgi, degi, bela Jerusalén-galimbaba be sogo. Weyob be sogo: ‘We-igar-mamaid be itomarye, we-igar-maidba be damarye.

Jeremías 12:15

Geb an onosad-sorbali, wile an an-dulamar dakoed, gannar na e-negmarse-dagega an imakoed, e-yalamarse-dagega an imakoed.

Lamentaciones 3:22

Bab-Jehová-sabgued-dummad-nikad-ular, anmar bergussulid, e-wile-emar-daked gege bergued.

Ezequiel 11:17

”Ega be sogbalo: ‘Bab-Jehová-Bela-Gangued-Nikadi weyob sogye: Bela neggwebur-baid-baidgi be bukwamaladgi, yar-baid-baidse be barmiles-gusmaladgi an be-onomaloye, adi, gannar wese be dagmalagarye. Ar danar an be-oambikusmalale, an gannar Israel-yar bemarga ukoye.

2 Crónicas 29:10

”Degisoggu, Bab-Jehová-urwed anmargi banguega, Israel-e-Bab-Dummad-Jehováʼbo igar-mesedgi an binsaed.

Isaías 31:6

Israel-dulemar, ar doagi bemar dummad-nosmala, ase be gannar namarsun.

Jeremías 31:21

”Israel-dulemar, igarba wilubgan be nasikmar, bia be nasmala, agine be-gannar be nasikmar, igargi nue be atakmalo. Israel-dulemar-yeerdaklegedi, gannar be dagmala, be-neggweburse gannar be dagmala.

Zacarías 1:4

Bab-Jehová-Bela-Gangued-Nikad weyob soged: “Mer be be-dadgan-gudigusmaladyob gumala. Be-dadgangala Bab-Dummad-gayaburba-barsogmalad, Bab-Dummad-Bela-Gangued-Nikad weyob sogye sogsamalanad: ‘Mer bar galagwensuli-gudii gumarye. Mer bar ibmar-isgana imakmarye.’ Degi-inigwele, gwen anba ibsassurmalad, gwen an-itossurmalad.”