Jeremías 26:6 - Kuna San Blas

⁶ Degisoggu, igi an Silo-neggweburgi anse-goled-neg an imaksa, deyobi, an wegi anse-goled-neg an imakbaloed. We-neggwebur, bela dulemar-baiganga ukabsaleged-neggweburga an imakoed.’ ”

Jeremías 26:6 Iomraidhean Croise

2 Reyes 22:19

gwagegi naibid-dummad na be itosad. An-asabin san-bipii be imaksad. We-neggweburnik, degi, e-dulamarnik ibmar-guoed be itosad, ade, we-neggwebur bela-napabi-daarmakar an nasikoye sogsad. Ise-ukabsalegar an imakoye sogsabalid. Ar na be mor-yoid esirmaksadi, an be-daksad, degi, an-asabin ogormaksii be gusadi, bela an be-itosad. Ani an-Bab-Jehová-guedgi deyob an soged.

Isaías 43:28

A-ulale, anse-goled-neg-dakmalad-dummagan nug-bipii an imaksad. Jacob-wagan-bela-obelolegega an imaksad. Israel-dulemar-mesagwar-imaklegega an imaksad.”

Isaías 65:15

Anse-sulegarmaladi, emar-ukabsamalaga bemar-nug ebumaloed. Ani Bab-Dummad-Jehová-Bur-Birigined bemar-oburgoed, ar an-maimargardi, nug-baid an ukoed.

Jeremías 24:9

Bela yalamar-nanaidga we-dulemar boni-dummaganyob an imakoed, adi, an bia-oduurmakoe, agi isdar-dakmalaga an imakoed. Amar-sae-dakmalaga, mesagwar-dakmalaga, degine, ukabsamalaga an imakoed.

Jeremías 25:18

We-dulemar an ogobsad: Jerusalén-dulemar, Judá-dulemar, Judá-e-reymar, bela e-dummagan an ogobsad, adi, obelogegar. E-neggweburmala, akwabi ambikusmalad, egi-dodolegedga gusmalad, degi, ukabsalegega an imaksad, igi emi-ibagi amba deyob daklege.

Jeremías 29:18

”We-dulemargi bilamar an egi barmimai imakoed, degi, ukud-dummadi, boni-dummagana an egi barmimai imakoed. Bela we-napaneggi-yalamar-bukwad-ogwayega an imakoed. Degine, an bia oaisakioe, agi be deyob-guoedba dulemar-ogwayega an wemar-imakoed. Degi, ukabsalegega, ima-daklegega, egi-dodolegegala, an imakoed.”

Jeremías 29:22

”Degisoggu, Judá-dulemar gales Babiloniaʼse-selesmalad emar-ukabsamaloed, weyob sogdemaloed: ‘Bab-Jehová igi Sedequías Acab-ebo, Rey-Nabucodonosorʼse soogi ogumaklegega imaksa, deyobi, be-imakmogana gadin.’ ”

Jeremías 42:18

Ar Israel-dulemar-e-Bab-Dummad-Jehová Bela-Gangued-Nikadi soged: “Ar bemar Egipto-yalase-megnamarye-sogmalale, igi an Jerusalén-dulemargi an-urwed oyosa, degi, igi an an-sae-itogedi egi oyosbali, deyobi, an bemargi an-urwed oyomogoed. Ibmar-ukabsalegeyobi be ukabsalemaloed, isdar-daklegedga, sae-daklegedga be gudmaloed, degi, bar be Jerusalén-neggwebur dakosurmalad.”

Jeremías 44:22

Bab-Jehová bemar-ibmar-isgana-imakmalad budar-dakgusgu, degi, ibmar-isdar-daklemalad-be-imakmaladi budar-dakgusgu, be-neggwebur ibmar-ukabsalegeyobi, ukabsalesad. Nega-dulesulidga imaksad, neg-olloo, dule-sate imaksad. Emi-ibadse, deyob naid.

Lamentaciones 2:15

Dulemar-igarba-nadapmalad, be-dakarmalale, begi dodoar argan ogotedamalad. Jerusalén-neggwebur-yeerdakleged, be-asabin akar-akar gunanadaed. Wigoar-wigoar sognanaidaed: “¿Ar we-neggwebur nue-yeerdaklegedye sogmaladi? ¿Ar we-neggwebur, bela napneg-yeer-ito-imakedye sogmaladi?”

Lamentaciones 2:16

Jerusalén-dulemar, bela be-isdarmalad begi-sunmakdemalale, begi isdar sunmakdedamalad. Nue-sae-be-dake, dodoar weyob sognanaid: “Anmarse dula dolesad. Anmar bela-bela-iba-edarbediid nonikid, anmar-sunnad daksasunnad.”

Daniel 9:11

Bela Israel-dulemar Be-Igar-Maidgi bangudmalad, beba ibsabisurmalad. A-ulale, anmar-isgusadbali, be anmarga ib-isganamar-sogsagusadi, anmargi aibinnonikid. We-ib-isganamar, be-mai-Moisés-Igar-narmaksadgi narmakar maid.

Zacarías 5:3

Geb baliwitur anga sogded: “We-be-dakedi, bela-napneg-ukabsalenaid be daked. Ar garda-wagar-soggwengi igi narmakar-nai, deyobi dule-atursaed bela ibitogoed. Ar garda-wagar-baidsik igi narmakar-nai, deyobi dule-gakansaar-ibmar-ise-sogar-soged ibitogoed.

Malaquías 4:6

Elías imakoed, babgan e-mimmiganbo na gannar igar-naboged, degi, mimmiganmoga e-babganbo igar-naboged. Deyobi, napneg-naidi, an bela obergunonikosulid.”

Josué 18:1

Israel-dulemar yar-sunonimargua, bela Israel-dulemar Silo-neggweburgi bia Bab-Dummad-dulemarbo-ambikued-neg-osismaladgi onmaknonimalad.