Jeremías 24:2 - Kuna San Blas

² Garba-gwagwengine, higo-san-nuegan bukwad, gebe-goresmaladyob daklebukwad. Garba-baidgindina, higo-san-isgana bukwad. Ar nue-isganabisoggu, geg-gulleged.

Jeremías 24:2 Iomraidhean Croise

Isaías 5:4

¿Ar ibu-ibmar an-uva-nainuga an imaksasuli? ¿Ibu-ibmar bar an ega imakosunna? Ar uva-san-nuegan-anga-sanmaked an abesanad. Ar degite, ¿ibiga uva-san-soled sanmaksasunna?

Isaías 5:7

Israel-dulemar Bab-Jehová-Bela-Gangued-Nikad-e-uva-nainu gued. Judá-machergandi ega uva-yeerdakle-digaledga gued. Bab-Jehová Israel-dulemar ega igar-innikigwad-imaked edarbediinad, emide dakalid, unnila dule-ablis-eodimaladbi gudimala. Bab-Jehová, ega igar-napiragwadba-nanaed edarbediinad, emide dakalid, unnila suli-suli-itogedba binnasuli gormakdimala.

Jeremías 29:17

Bab-Jehová Bela-Gangued-Nikad weyob soged: “We-dulemar-besmaladgine, bila-onoleged an egi barmidoed, ukud-dummad an egi nasikoed, boni-dummagan an egi barmidoed. Higo-san-nunumaladyob an imakoed. Higo-san ise-nunudba geg-gulledaedyob an imakoed.

Oseas 9:10

Bab-Jehová sogded: “An Israel-dulemar-aminonigu, nega-dulesulidganba uva-san-amilegedyob an amisgusad. An gebe e-dadgan-dakargua, higuera-sapigi-e-san-dutuu-ainidanikiyob an daksad. Degi-inigwele, emar aka bab-dummadyob-imakleged-Baal-Peorʼba nanadmalad. Abali na isgudmalad, dule-isguedga gudmalad. We-bab-dummadbina sulibinsa-itode gudmalad.

Miqueas 7:1

Miqueas sogded: “¡An duledar-wiles! Ibmar-gwag-yorgi-weleged-abin an nonisulid. Uva-solagan-weleged-abin an nonisulid. Degisoggu, uva-san-dukgwenad bar an daksulid, degi, an higuera-san-gunnegala gwen an daksurbalid.

Nahúm 3:12

Bela be-neg-gandikmaladi higuera-sapi-san-gordik-siiyobi gued, ar dule osiamakele, dule-gunnega-gwichid-e-gaya-yaba argwaned.

Números 18:13

Israel-dulemar na e-nainugi gebe-ibmar-sanmakmalad-anga-sedamaloedi, an bemarga ukbaloed. Ar dule be-neguyagi bela islidik-gudimaladi we-ibmarmala nabir gunmaloed.

Mateo 5:13

Jesús sogdebalid: “Bemar we-napneggi baluyob gumalad. Ar balu e-gagbid-surgudele, ¿igi bar balu-balu guosunna? Geg bar ibnuedga gued. Unnila, igargi-milegega gued, dulemar-egi-annaega gued.”