Jeremías 22:3 - Kuna San Blas

³ ”Weyob Bab-Jehová soged: ‘Igar-innikigwad be imakmarye, igar-napiragwadba be nanamarye. Dule-mesagwar-gudiid, mesagwar-imaked-dulegi be ollor-imakmarye. Melle Judíoʼsurmalad be sabsur-imakmaloye, degi, melle be babgan-satemalad wiomaloye, degine, melle be siamar-e-sui-burgwismalad wiomarbaloye. Deginbali, melle wegine dulemar-ibmar-oakalossulid-ablis eomarbaloye.

Jeremías 22:3 Iomraidhean Croise

2 Samuel 23:3

Israel-dulemar-e-Bab-Dummad sunmaksad, Israel-e-Akwasailayob-gued anga sogsad: ‘Dule igar-innikigwadba dulemar-nidiile, dule Bab-Dummad-dobekwaa negsemaile,

2 Reyes 24:4

Manasés, Jerusalénʼgi dulemar-ibmar-oakalossulid-oburgwisad-ulale, Bab-Jehová egi Judá-dulemar-banguega imaksad. Degisoggu, Bab-Jehová Judá-dulemarga, igi-barsaye gwen sogsasulid.

Job 22:9

Omegan-ei-sui-burgwismaladga, gwen ibmar-uksasuli be barmiddaed. Sergan-satemalad-ibe be ibmar bela susdabalid.

Job 24:9

Dule-isganamala, goe-bab-sated e-nan-annik sumalad. Egi-mani-ganikid-anar dule-wilemalad-ibe mimmigan sudamalad.

Salmo 68:5

Bab-Dummad-e-neg-islidikidgi-maidi, dulemar-sergan-sated-e-babad, ome-ei-sui-burgwismalad-e-bendakedid.

Salmo 82:4

Dule-e-bendaked-satemalad be dule-isganamargi bendakmala, dule-ibmar-abedimalad be dule-isganamargi bendakmala.

Salmo 94:21

dule-nuegangi-aibinega igar-amimalad, dule-ibmar-akar-imaksasulid-oburgwega imakmalad.

Salmo 94:6

We-dule-isganamar, omegan-ei-sui-burgwismalad oburgwemalad. Wemar, dule-yar-baidsikid ogilomalad. Wemar, dule-babsuli-gudimalad gindakmalad.

Éxodo 22:21

”Dule-be-yarginsulid melle sabsur be imako, degine, melle be wiobalo, ar ade, bemar Egipto-yargi be-yarsulidgi be gudii gusmogad.

Éxodo 22:22

”Omegan-ei-sui-burgwismalad, degine, mimmigan-babgan-sated, melle be sabsur-imakmalo.

Proverbios 23:10

Melle dikasurgus-nainu-abingunaidgi ibmar-ogwichismalad be oniro. Mer be dule-sergansated-e-nainugi dogbalo.

Proverbios 6:17

Dule-na-san-dummarba-imaked, dule-gadi-gakansaed, dule-binsarsunna-aimar-gindaked,

Isaías 1:23

Be-dummagan-neg-dakmamaid dulegi-gwisgumaladid. Amarde, dule-ibmar-atursamalad-e-sordamalad. Manigi-dule-binsaed-gaedgi bela na yeer itodamalad, dulemar-ega-ibmar-uked unnila abedamalad, dule-sergan-sated-ular sunmakdasurmalad, siamar-ei-sui-burgwismalad-e-igar gwen bai dakdasurmalad.

Isaías 58:6

”An-ular-mas-gunsuli-gudigued-iba an susadi, ¿igar-isgana obelogegarsursi? ¿Dule-sabsur-arbaega-imakleged onogegarsursi? ¿Dule-mesagwar-saledimalad bendakegarsursi? Degine, ¿bela igar-isganaba-ebipiledimalad onogegarsursi?

Isaías 58:7

Ar mas-gunsuli-gudiguedi, ¿dule-ukudmaada-gudiidga be-mas be ukegarsursi? ¿Dule-negsuli-gudimalad akwegarsursi? ¿Dule-morsatemaladga mor-ukegarsursi? Degine, ¿melle be-gwenadgan-obanegarsursi?

Jeremías 19:4

” ’Ar Israel-dulemar an-obachamalad. We-neba oichosmalad, egi ina-wawadikid bab-dummagan-baiganga ogumakar uksamalad. Ar Israel-dulemar we-bab-dummagan-akudakmaladga, e-dadgan we-bab-dummagan-akudaksamarmogadga, degine, Judá-e-reymar we-bab-dummagan-akudaksamarmogadga ina-wawadikid uksamalad. Emide, we-nebagi dule-neg-oakalossurmalad-e-ablis-bukidar eosmalad.

Jeremías 21:12

Rey-David-e-waganga weyob-Bab-Jehová-sogye be sogo: ‘Bane-bane wakudaradba igar-innikigwad imakmalo. Dule-mesagwar-gudiid, mesagwar-imaked-dulegi be ollor-imakmalo. Adi, melle bemar-ibmar-isgana-imaked-ulale, an-urwedi bemargi sooyobi gwichiguegar. Ar an-urwed, geg dule gwen bargassuliled.’ ”

Jeremías 22:17

”Unnila bedi maniginbi be binsadiid, mani-amiegala yogasaar be ibmar imakdiid. Ar bedi dulemar-gindakedginbi be binsaed, unnila mesagwar be emar-imakdiid, sabsur-emar-imaked be gudiid.”

Jeremías 26:16

Geb dummagana, degi, bela dulemala, dule-irwa-Bab-Dummadse-gormaladga, degi, Bab-Dummad-gayaburba-barsogmaladga weyob sogsamalad: “We-dule oburgwilegewilubsulid, ar anmar-Bab-Dummad-Jehová-nuggi anmarga sunmaksad.”

Jeremías 5:28

Be wardungudmalad, san-dummarbaa be gudmalad. Bemar-ibmar-isgana-imakmaladi gege bergued. Dule-babgan-satemalad nabir-nued-gudigumalaga ega be igar nabosurmalad. Dule-wilegana-e-ibmar-nikue-wilubmogad be bendaksurmarbalid.”

Jeremías 7:23

Unnila an ega weyob igar uksad: ‘An-sogedba be damaloye. Adi, ani an bemar-Bab-Dummadga guegarye, degine, bemar, an-dulamarga gumarmogagarye an sogsad. Deginbali, an bemarga-igar-ukoedba be nanamaloye an sogsad, adi, bemar nueganbi we-yalagi-gudigumalagarye, an sogsad.’

Jeremías 9:24

Bab-Jehová soged: “Ar dule na nug-dummarba-imakbiele, magar-an-dakedgi na nug-dummarbaa imakdo. Ar dule na wergubiele, ani Bab-Dummad-Jehová-gued-magar-an-dakbalidgi, wergusundo. Ani an dulemar-sabgumaiye, degi, ani an igar-innikii-imakedye, be wisidba, be wergusundo. Ani an igar-maidba we-napneggi-ibmar-imakedgi be wergusundo. Ar weyob ibmar-imaklegedi, an yeer daked.”

Lamentaciones 3:36

Bab-Dummad-Bur-Birigined-asabin dulega-innikigwadba-igar-itolesulid, abemaisulid.

Ezequiel 18:12

dule-wileged-sabsur-imakdiile, degi, dule-ibmar-sated-sabsur-imakdiile, we-machigwade, ¿dulagudigued nuedi? ¡Suli! Ibmar-atursadibalile, egi mani-ganikidga bar gannar or ukdisulile, we-machigwade, ¿dulagudigued nuedi? ¡Suli! We-machigwa, bab-dummadyob-ibmar-imaklegedse gordiile, ibmar-isgana imakdibalile,

Ezequiel 18:7

Dule-innikidaedi, sabsur-dule-imakdisulile, ibmar-atursadisulile, egi mani-ganikidga gannar ega ormar ukele, dula-gudii guoed. Dule-innikidaedi, ukudmaad-gudiidga mas ukele, uka-swan-gudiidga mor ukele, dula-gudii guoed.

Ezequiel 22:7

Be-dulemar na e-babgan, na e-nangan, mesagwar imakmalad. Dule-yar-baidgined sabsur-imakmalad, sergan-sated-ibe, degi, ome-ei-sui-burgwisad-ibe ibmar sumalad.

Ezequiel 45:9

”Ani an Bab-Jehová-Bela-Gangued-Nikadi weyob soged: ‘Israel-dummagan-negdakmamaid, mer bar dulemar-sabsur-imakmar, mer bar dulemar-ibgwensur-imakmar. Igar-innikigwad-imaklegedi, degi, ibmar-nueganbi-imaklegedi, imakdii gumala. An-dulamar-ibe mer bar ibmar-atursamala. Ani an Bab-Jehová-Bela-Gangued-Nikadi weyob soged.

Joel 3:19

Egipto-yar-naidi, sabsur-Judá-dulemar-imaksamalad-nukad, bela ibitogoed. Edom-yar-naidi, sabsur-Judá-dulemar-imaksamalad-nukad, nega-dulesulidganga binyoed. Ar wemar, Judá-yargine dulemar-gwen-ibmar-oakalossurmalad-ibe ablis eos gusmalad.

Levítico 19:15

Igar-nabolenaile, igar-innikigwadba be imako. Melle dule-wilegedba be nai guo. Deginbali, melle dule-mani-nikadba be nai gubalo. Dulemarga igar-innikigwadba be igar-nabogo.

Amós 5:15

Igar-isgana be obane, igar-nuedbina be soge, igar-nabiroleged-neggi, igar-innikigwadba igar be nabomala. Abakale, Bab-Dummad-Jehová-Bela-Gangued-Nika-Maid, José-wagan-besmalad wile dakalile.

Amós 5:24

Bur, dii-aryomaiyobi, igar-naboleged galesuli selemai abeleged, degi, diwar-suurmakmaiyobi, igar-innikimalad selemai abeleged.

Miqueas 3:11

Be-dummagan-negsemaladi, dule-baiganse-manigi-baklegar igar nabomalad. Be-dule-irwa-Bab-Jehováʼse-gormaladi, manigi-bennuklegar dule-odurdakmalad, degi, be-Bab-Jehová-gayaburba-barsogmaladi, manigi-bennuklegar dulega sunmakmalad, aka bur Bab-Jehováʼga weyob sogdedamalad: “¿Ar Bab-Jehováʼde anmarba gudisursi? Degisoggu, anmar akar-guosulid.”

Miqueas 6:8

Ar Bab-Jehová bato bega sogsad ibu ibmar-nuedi. Bab-Jehová be-daed-abemaidi, bato bega sogsad: Igar-napiragwad-imaked be-abemaid, dule-wiledaked be-abemaid, e-asabin gwage-eikwadaed be-abemaid.

Malaquías 3:5

Bab-Jehová-Bela-Gangued-Nikad soged: “Degisoggu, an bemarga igar-nabogega an bemarse warmaknonikoed. We-dulemargi-ibmar-sogega an guagwar danikoed: Ina-isgana-imakdimaladgi, abirgunagwarsuli negsichigi galagwensuli-nanadimaladgi, gakansaar ise-sogar ibmar-sogmaladgi, ega-arbamalad-sabsur-imakdimaladgi, siamar-ei-sui-burgwismalad-sabsur-imakdimaladgi, dule-sergan-sated-sabsur-imakdimaladgi, degi, gwen an-dobsuli, dule-yar-baidsikmalad-sabsur-imakdimaladgi, amargi dobsulidba-gwisguega an danikoed.”

Mateo 23:23

”Bemar Garda-Narmaked-Dulemar, Fariseoʼmar, ¡be duledar-wilesmar! ¡Wagar-darbomalad! ”Ar bemar ibmar-gagan-burwiganase-bakale, be Bab-Dummadga ukdimalad, mentaʼye-nugad, eneldoʼye-nugad, degi, cominoʼye-nugad, amar ambegi-gwensak (10%) be Bab-Dummadga ukdimalad. Ar degite, Moisés-Igar-Maidgi igar-bur-sunsoged-maiddi, be imakdisurmalad: Dulega-igar-nudaked, dulemar-wiledaked, degi, nue-innikii-nanaed. Amardi, gwen be imakdisurmalad. ”Ar bemar we-ibmar-imakmalad bur nabirid. Ar degine, amba ibmar-burwigana-be-imakdimalad be imakmarbalodo.

Deuteronomio 10:18

Mimmigan-sergan-satedga, degi, ome-ei-sui-burgwismaladga, igar-innikigwad imaked. Degine, dule-ainebarmaladga e-sabed oyoged, ega mas ukdaed, degi, mor ukdabalid.

Deuteronomio 24:17

”Israel-dulesuliddibe, sergan-sateddibe, nue ega igar-nabogo. Melle amarga-igar-maidgi be annadii guo. Degine, melle be ome-ei-sui-burgwisad-ibe, ibmar-begi-susad-ular, e-atued-dummad sudii guo.

Deuteronomio 24:7

”Dule-daklenonikile, e-mesad-Israel-dule-gwensak manigi-ukega gasa, maiga-imakega gasdibe, dule-e-gwenad-gasad oburgwilegoed. Ar weyob isgued bemar-abargi be osulomaloed.

Deuteronomio 25:1

Moisés Israel-dulemarga sogdebalid: “Dule na ebo gachimaknaidibe, dule-igar-nabomaladse namaloed, wemala ega igar-nabomaloed. Dule-nosa-daklenonikid sabsur-odurdaklegoed, baiddi odurdaklegosulid.

Deuteronomio 27:19

‘Dule-gwensak Israel-dulesulidga, dule-sergan-satedga, degi, ome-ei-sui-burgwisadga, igar-mamaidba ibmar-egadmogad ega nabosulile, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’

Santiago 1:27

Ar anmar-Bab-Dummad-asabin e-igar-nuedba-swilidik-nanaedi, wedo: Dule-sergan-sated bendaked, mukwamar-sui-ei-burgwismalad-wile-itodimalad bendaked, degi, san-swilidik-gudiguega we-napneggi-ibmar-isganagi bangued.